1 Sam 5:3 - BAEBOLO ANZƐƐ BULUKU NWUANZANWUANZA

³ Ye alehyenlɛ nu nwonlomɔ mangyee ne mɔɔ Ahyedɔdoma dwazole la, bɛnwunle kɛ Deegɔn ananze ne anye ɛbutu aze wɔ Ɛdɛnkɛma Ngyekyeleɛ Ɛlɛka ne anyunlu. Na bɛdenrɛle ye bɛziele ɔ bo zo ne bieko.

1 Sam 5:3 ပူးပေါင်းရင်းမြစ်များ

1 Arl 18:26

Bɛvale bɛ ɛnlankɛ ne, bɛwiele ye bia, na bɛguale ye azukponle ne azo; bɛzɛlɛle bozonle Beeyale ne sumunli nwonlomɔ dedee ɔhɔkpulale sɛnzɛngyinla. Bɛvɛlɛle ye kɛ, “O Beeyale, tie yɛ ɛ!” Na bɛande ɛnelɛ biala, yɛɛ awie biala anzulo zolɛ. Bɛwuluwulule bɛbɔle azukponle ne anwo mgbɔlɔka, noko awie ambua bɛ.

Edwɛndolɛ Buluku ne 115:7

Bɛlɛ ɛsalɛ, noko bɛnva bɛnvua debie; bɛlɛ egyakɛ, noko bɛndia; yɛɛ bɛnlɛ ɛnelɛ bɛnva bɛnyɛ alɛra.

Edwɛndolɛ Buluku ne 97:7

Bɛdabɛ mɔɔ bɛsonle ananze la anyunlu ɛgua aze; bɛdabɛ mɔɔ bɛfa mmonle bɛtu bɛ nwo la anyunlu ɛgua aze; nyamenle kɔsɔɔti bɔ bɛ ti aze maa ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:12

“Ɔluakɛ mebapɛ nu Yigyibiti azɛlɛ zo kenle ko ne nɔe ne. Mebahu Yigyibiti belamunli mralɛ muala, menli nee nyɛmoa, na meabua Yigyibiti awozonle kɔsɔɔti ndɛne. Medame a mele Ɛdɛnkɛma a.

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Ayezaya Buluku ne 40:20

Mɔɔ ɛnlɛ ezukoa nvutuke nee dwɛtɛ fufule la fa baka ɛsesebɛ mɔɔ ɛmkpɔlɔ la yɛ; ɔmaa dwinvolɛ kpalɛ se ananze mɔɔ ɔsie ye aze a ɔndu ɔndɔ la maa ye.

Ayezaya Buluku ne 41:7

Dwinvolɛ mɔɔ se mbaka la si ezukoa dwinvolɛ ahonle, mɔɔ tenrɛdenrɛ ahyɛnze la si mɔɔ di mbulalɛ adwinli la ahonle; bɛse, ‘Ye ɛsosɔlɛ ne mɔ le kpalɛ;’ na bɛfa agbɛlɛko bɛbobɔ nu amaa yeandu.

Ayezaya Buluku ne 46:7

Bɛkpogya ye zo bɛto bɛ kɔme zo, bɛsoa ye bɛkɔsie ye ɛleka ko, ɛnee ɔgyi ɛkɛ, ɔngola ɔndu ɔ bo ɔnvi ɛleka mɔɔ ɔgyi la. Saa awie su fɛlɛ ye a ɔmbua ye anzɛɛ ɔnlie ye ɔnvi ye amaneɛnwunlɛ nu.

Gyɛlɛmaya Buluku ne 10:8

Bɛle ahɔnwɔne, bɛle ahoasea. Abaaba ne mɔ ngilehilelɛ le mgbane.

Zɛfanaya Buluku ne 2:11

Ɛdɛnkɛma nee bɛ bali ye ɛsesebɛ. Ɔbazɛkye azɛlɛ ye azo awozonle ne mɔ amuala, na maanle maanle kɔsɔɔti bazonle ye wɔ bɛ azɛlɛ ne mɔ azo.

Edwɛkpa ne kɛmɔ Maake hɛlɛle la 3:11

Sunsum ɛtane ne mɔ nwu Gyisɛse a, bɛtu bɛgua ɔ nyunlu na bɛtea nu kɛ, “Wɔmɔ a ɛle Nyamenle Ara ne a!”

1 Sam 6:1

Ɛdɛnkɛma Ngyekyeleɛ Ɛlɛka ne lile siane nsuu wɔ Filisitia maanle nu.

1 Sam 6:5

Yemɔti bɛyɛ mutulemutule ne nee ahila ne mɔ mɔɔ zɛkyele bɛ maanle ne la ananze bɛwula Yizilayɛ Nyamenle ne anyunlunyia, na wɔannea a ɔkɛgyakyi bɛ nee bɛ awozonle ne mɔ nee bɛ maanle ne kakɛdualɛ.