1 Sam 4:4 - BAEBOLO ANZƐƐ BULUKU NWUANZANWUANZA

⁴ Yemɔti bɛzoanle menli bɛmanle bɛhɔle Hyaelo bɛhɔvale Ngyekyeleɛ Ɛlɛka ne mɔɔ Tumivolɛ Ɛdɛnkɛma de ye ebia nu wɔ tease abɔdeɛ ne mɔ avinli anwuma la rale. Yilae amra mrenya nwiɔ ne, Hɔfenae nee Fenɛhaze boka nwolɛ a bɛrale a.

1 Sam 4:4 ပူးပေါင်းရင်းမြစ်များ

2 Sam 15:24

Abayata rale bie, Zeedɔko nee Livaema mɔɔ zo Nyamenle Ngyekyeleɛ Ɛlɛka ne la noko rale. Bɛzokoɛle bɛziele ye aze hɔkpulale mekɛ mɔɔ menli ne amuala wiele se la.

2 Sam 6:2

Ɔ nee bɛ hɔle Beeyala mɔɔ wɔ Dwuda la kɛ bɛkava Nyamenle Ngyekyeleɛ Ɛlɛka ne mɔɔ Tumivolɛ Ɛdɛnkɛma duma a la zo, mɔɔ ye belemgbunli ebia a gyi abɔdeɛ ne mɔ mɔɔ lɛ ndɛbalɛ la azo la bɛara.

2 Arl 19:15

Na ɔzɛlɛle kɛ, “O Ɛdɛnkɛma, Yizilayɛ Nyamenle mɔɔ ɛde wɔ Belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a, ɛdawɔ ala a, ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

Edwɛndolɛ Buluku ne 80:1

O Yizilayɛma anwo zo neavolɛ, tie yɛ, wɔmɔ, ɛhanle Dwosefi abo zo amra kɛ mboane na ɛlile bɛ nyunlu. Wɔmɔ mɔɔ wɔ belemgbunli ebia gyi tease abɔdeɛma azo a, ta bɛla,

Edwɛndolɛ Buluku ne 80:2

maa Yifelaem, Bɛngyaman, yɛɛ Manasɛ ɛnwu ye. Kile wɔ tumi ne, na balie yɛ!

Edwɛndolɛ Buluku ne 99:1

Ɛdɛnkɛma le belemgbunli; bɛmaa menli ne anwo ɛwozo bɛ. Ɔde belemgbunli ebia nu wɔ tease abɔdeɛ ne mɔ azo anwuma; bɛmaa azɛlɛ ɛkpusu!

Ayezaya Buluku ne 37:16

“O Tumivolɛ Ɛdɛnkɛma, Yizilayɛ Nyamenle mɔɔ ɛde wɔ belemgbunli ebia nu wɔ abɔdeɛ ne mɔ mɔɔ lɛ ndɛbalɛ la azo anwuma a; ɛ ngomekye ala a ɛle Nyamenle mɔɔ sie arelemgbunli maanle maanle mɔɔ wɔ aleɛabo la a. Ɛdawɔ a ɛbɔle azɛlɛ ye nee anwuma a.

Malakae Buluku ne 1:9

Bɛmɛ sɛlɛvolɛma, bɛzɛlɛ Nyamenle bɛmaa ɔ nye ɛlie yɛ nwo na ɔlo yɛ. Asoo bɛnea a ɔkɛlie bɛ sa nu azubɔdeɛ mɔɔ le zɛhae la?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15

Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:5

Saa mekɛ dwu mɔɔ ɔwɔ kɛ bɛfi azokoɛleɛ ne a, Aalɔn nee ɔ mra mrenya ne mɔ ɛhɔ Ɛdɛnkɛma Ndanlɛ Sua ne anu. Bɛye mgbɛnu ɛdanlɛ ne mɔɔ wa Ngyekyeleɛ Ɛlɛka ne anye la, na bɛva bɛkyekye nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:89

Mɔɔ Mosisi hɔle Ndanlɛ Sua ne anu kɛ ɔ nee Ɛdɛnkɛma kadendɛ la, ɔdele kɛ Ɛdɛnkɛma ɛlɛtendɛ ahile ye wɔ abɔdeɛ nwiɔ ne mɔɔ lɛ ndɛbalɛ, mɔɔ gyigyi Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la avinli anwuma.

1 Sam 1:24

Mɔɔ kakula ne pɛle nyɛfonlɛ na ɔ nwo kputile la, Hana vale ɛnlankɛ nyinli mɔɔ ɛli ɛvolɛ nsa la, esamo kilo bulu yɛɛ nwanye nwoma kodoku ko na ɔvale kakula dɛkɛɛ ne ɔhɔle Ɛdɛnkɛma Ɛzonlenlɛ Sua ne anu wɔ Hyaelo.

1 Sam 14:3

Sɛlɛvolɛ mɔɔ ɛnee yɛ gyima wɔ Hyaelo la a le Ayekabɔdo adiema nrenya Ahaetɛbe ara Ahaegya. Ahaetɛbe ɔ ze a le Fenɛhaze yɛɛ ɔ nlenya a le Yilae. Menli ne annwu kɛ Dwɔnatan ɛvi ɛkɛ ne ɛhɔ.

1 Sam 2:22

Akee Yilae ɛyɛ kpanyinli. Ɔdele ɛbɛla mɔɔ ɛnee ɔ mra ne mɔ ɛlɛbɔ amaa Yizilayɛma la amuala. Eza ɔdele kɛ ɔ mra ne mɔ nee mraalɛ mɔɔ sonle Ɛdɛnkɛma Ɛdanlɛ Sua ne anlenkɛ ne anloa la da.