1 Sam 4:3 - BAEBOLO ANZƐƐ BULUKU NWUANZANWUANZA

³ Yizilayɛ ɛlɔnema mɔɔ hale la ziale rale bɛ azokoɛleɛ ne la, bɛ mgbanyima ne bizale kɛ, “Duzu ati a ɛnɛ Ɛdɛnkɛma ɛmaa Filisitiama ɛli yɛ nwo zo konim a? Bɛmaa yɛhɔ Hyaelo yɛhɔva Ɛdɛnkɛma Ngyekyeleɛ Ɛlɛka ne yɛrɛla ɛke, amaa yearadɛnla yɛ avinli na yealie yɛ yeavi yɛ kpɔvolɛma tumi ne abo.”

1 Sam 4:3 ပူးပေါင်းရင်းမြစ်များ

2 Sam 15:25

Akee belemgbunli ne zele Zeedɔko kɛ, “Bɛva Nyamenle Ngyekyeleɛ Ɛlɛka ne bɛzia bɛhɔ suakpole ne azo. Saa ɔyɛ Ɛdɛnkɛma ɛhulolɛ a, ɔbamaa meazia mearanwu ye bieko nee ye Ndanlɛ Sua ne;

1 Edk 17:1

Belemgbunli Devidi akee ɛbu ye awuke na ɔde nu. Kenle ko ɔzoanle ɔmanle bɛhɔvɛlɛle Nyamenle kpɔmanvolɛ Neetan na ɔzele ye kɛ, “Nea, mame mede sua mɔɔ bɛva sida mbaka bɛzi la anu, na Ɛdɛnkɛma Ngyekyeleɛ Ɛlɛka ne, yemɔ ɔgyi ndanlɛ sua nu.”

Edwɛndolɛ Buluku ne 74:1

O Nyamenle, duzu ati a wɔpɛ yɛ wɔgua bɔkɔɔ ɛ? Duzu ati a wɔ ɛya kpu esike yelɛyela wɔ adidileka mboane ɛ?

Edwɛndolɛ Buluku ne 74:11

Duzu ati a wɔdo ɛ sa wɔbɛla nu na wɔva ɛ sa fema ne wɔwula ɛ nvɔnlɔma anu ɛ?

Ayezaya Buluku ne 50:1

Ɛdɛnkɛma se, “Bɛ nli kɛlata ne mɔɔ mengɛlɛle membɔle ye ewole, menvoanle ye la wɔ nienwu? Anzɛɛ nwane a metua ye kakɛ, mɔɔ ɔlua zo medɔne bɛ memaa ye a? Bɛnlea, ɔlua bɛdabɛ bɛ ɛtane nee bɛ mɛladonlɛ ti yɛɛ bɛdɔne bɛ na bɛvoa bɛ nli a.

Ayezaya Buluku ne 58:3

“Bɛbiza kɛ, ‘Duzu ati a yɛhye ɛhɔne na ɛnnwu ye ɛ? Duzu ati a yɛbɛlɛ yɛ nwo aze na ɛndwenle nwolɛ fee ɛ?’ “Na mese: Bɛnlea, bɛdabɛ bɛ gyima nee anyelielɛ ti yɛɛ bɛkye ɛhɔne a, yɛɛ bɛsisi bɛ gyimayɛvoma.

Ayezaya Buluku ne 59:1

Bɛnlea, Ɛdɛnkɛma asa ɛtɛyɛle ezinraa mɔɔ ɔngola ɔnlie ngoane a, yɛɛ ɔ nzo ɛtɛtile, mɔɔ yemɔti ɔnde bɛ ɛzunlɛ a;

Ayezaya Buluku ne 59:2

na bɛ amumuyɛ ne mɔ yɛɛ ɛgya bɛ nee bɛ Nyamenle ne anyiane a, yɛɛ bɛ ɛtane ne mɔ a ɛwa ɔ nye mɔɔ yemɔti ɔnde bɛ ɛzunlɛ ne a.

Gyɛlɛmaya Buluku ne 3:16

Na saa mekɛ ne anu bɛ nwo so na bɛyɛ mɔnwo wɔ azɛlɛ ne azo a bɛanva Ɛdɛnkɛma Ngyekyeleɛ Ɛlɛka ne bɛanga edwɛkɛ bieko. Bɛnrɛdwenle nwolɛ anzɛɛ bɛnrɛhakye ye, yɛɛ bɛnrɛnwu ɛlɛka ne bɔbɔ na bɛaze kɛ bɛbobɔ ye bieko.

Gyɛlɛmaya Buluku ne 7:4

Bɛmmadie mɛlɛbɛla edwɛkɛ ɛhye mɔɔ se, ‘Ɛdɛnkɛma Ɛzonlenlɛ Sua ne ɛne, Ɛdɛnkɛma Ɛzonlenlɛ Sua ne ɛne!’ la bɛdi.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:33

Mɔɔ menli ne vile boka nwuanzanwuanza Saenae la, bɛdiale kenle nsa adenle. Ɛdɛnkɛma Ngyekyeleɛ Ɛlɛka ne lumuale bɛ nyunlu kenle nsa kɛ ɔkakpondɛ ɛleka mɔɔ bɛbadɛnla la yeamaa bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:35

Mekɛ biala mɔɔ Ngyekyeleɛ Ɛlɛka ne kɛdu ɔ bo la, Mosisi ka kɛ, “O Ɛdɛnkɛma, dwazo bɔ wɔ kpɔvolɛma asande, na maa menli mɔɔ kyi wɔ la ɛgua ɛbɔ nu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:6

Na Mosisi manle Sɛlɛvolɛ Ɛlieza ara Fenɛhaze lile bɛ ti, na ɔsesale ninyɛne mɔɔ wɔ ɛleka nwuanzanwuanza ne la nee aweɛne ndendenle ne mɔ mɔɔ bɛbɔ bɛfɛlɛ ɛlɔnema ne la na ɔ nee bɛ hɔle.

Mɛla 29:24

Akee maanle maanle kɔsɔɔti babiza kɛ, ‘Duzu ati a Ɛdɛnkɛma ɛyɛ azɛlɛ ye zɛhae ɛ? Ɛya kpole ɛhye abo a le duzu?’

Mɛla 31:26

“Bɛlie mɛla buluku ɛhye bɛdo Ɛdɛnkɛma bɛ Nyamenle ne Ngyekyeleɛ Ɛlɛka ne anu foa ko, amaa yeala ɛkɛ ne yeali daselɛ yeatia bɛ.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Kɛlata mɔɔ bɛhɛlɛle bɛhɔmanle Hibuluma la 9:4

Ɛke yɛɛ ezukoa azukponle ne mɔɔ bɛkpu ɛyɛlɛ zo yɛɛ Ngyekyeleɛ Ɛlɛka ne mɔɔ bɛva ezukoa nvutuke bɛyɛ ye sɔɔnwo la wɔ a. Ezukoa dwora ne mɔɔ mana wɔ nu la gyi Ɛlɛka ne anu. Aalɔn baka ne mɔɔ kpakyele nya, nee awolɛ ndɛbandɛba nwiɔ ne mɔɔ bɛhɛlɛ mɛla ne zolɛ la wɔ Ɛlɛka ne anu.

Dwɔhyua Buluku ne 4:7

bɛze bɛ kɛ mekɛ mɔɔ Ɛdɛnkɛma Ngyekyeleɛ Ɛlɛka ne pɛ Azule Dwɔdan ne la, azule ne tikale na ɔgyakyile ɛzenlɛ. Awolɛ ɛhye mɔ bayɛ ngakyelɛ sɛkɛlɛneɛ amaa Yizilayɛma kɔsɔɔti wɔ mɔɔ zile la anwo.”

Dwɔhyua Buluku ne 6:6

Nɛn ara Dwɔhyua vɛlɛle sɛlɛvolɛma ne na ɔzele bɛ kɛ, “Bɛva Ngyekyeleɛ Ɛlɛka ne na bɛ nuhua nsuu ɛva mɛne aweɛne ne mɔ na bɛhɔli Ɛdɛnkɛma Ngyekyeleɛ Ɛlɛka ne anyunlu.”

Dwɔhyua Buluku ne 7:7

Na Dwɔhyua hanle kɛ, “O, Awulae Nyamenle! Duzu ati yɛɛ wɔva yɛ wɔra azule Dwɔdan ye anzi ɛke, na wɔye yɛ wɔmaa Amɔlema kɛ bɛhu yɛ ɛ? Duzu ati yɛɛ yɛandɛnla Dwɔdan ne anzi lɔ a?

Dwɔhyua Buluku ne 7:8

O, Awulae, kɛkala mɔɔ Yizilayɛma ɛnriandi ɛvi bɛ kpɔvolɛma anyunlu la, duzu edwɛkɛ yɛɛ menga a?

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

Dwuudu Kɛlata ne 1:5

Bɛze ɛhye bɔkɔɔ, noko eza mekulo kɛ mekakye bɛ kɛ Awulae mɔɔ liele Yizilayɛma vile Yigyibiti azɛlɛ zo la eza nzinlii zɛkyele bɛdabɛ mɔɔ bɛanlie bɛanli la.

1 Sam 1:24

Mɔɔ kakula ne pɛle nyɛfonlɛ na ɔ nwo kputile la, Hana vale ɛnlankɛ nyinli mɔɔ ɛli ɛvolɛ nsa la, esamo kilo bulu yɛɛ nwanye nwoma kodoku ko na ɔvale kakula dɛkɛɛ ne ɔhɔle Ɛdɛnkɛma Ɛzonlenlɛ Sua ne anu wɔ Hyaelo.

1 Sam 14:18

Yemɔti Sɔɔlo zele sɛlɛvolɛ Ahaegya kɛ, “Bɛva Nyamenle Ngyekyeleɛ Ɛlɛka ne bɛrɛla.” (Mekɛ zɔhane ɛnee sɛlɛvolɛ Ahaya lɛ Nyamenle Ngyekyeleɛ Ɛlɛka ne li Yizilayɛma anyunlu.)

1 Sam 4:2

Filisitiama tetale Yizilayɛma na bɛhonle ɛsesebɛ bɛlile Yizilayɛma anwo zo konim; bɛhunle Yizilayɛma apenle nna wɔ konle ne anu.