1 Sam 4:2 - BAEBOLO ANZƐƐ BULUKU NWUANZANWUANZA

² Filisitiama tetale Yizilayɛma na bɛhonle ɛsesebɛ bɛlile Yizilayɛma anwo zo konim; bɛhunle Yizilayɛma apenle nna wɔ konle ne anu.

1 Sam 4:2 ပူးပေါင်းရင်းမြစ်များ

Gyɛlɛmaya Awolɛyelɛ 3:40

Bɛmaa yɛnlea yɛ ɛbɛlabɔlɛ nu boɛ, na yɛzia yɛrɛla Ɛdɛnkɛma ɛkɛ.

Sɛlɛ 26:37

Bɛbadu bɛagua bɛ ngome bɛ nwo zo kɛ asɛɛ bɛdoa bɛ wɔ konle nu la, noko awie ɛndoa bɛ; bɛnrɛnyia gyinlagyakɛ wɔ bɛ kpɔvolɛma anyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:45

Na Amalɛkema nee Keenama mɔɔ dede azua mɔɔ gua awoka ne mɔ azo la dwule aze ratetale bɛ lile bɛ nwo zo konim, na bɛvoanle bɛ toonwo bɛhɔdwule Hɔɔma.

Dwɔhyua Buluku ne 7:12

Ɛhye ati yɛɛ bɛangola bɛangyinla bɛ kpɔvolɛma anyunlu a. Bɛnriandile, ɔboalekɛ bɛdabɛ mumua ne, ɔwɔ kɛ bɛsɛkye bɛ! Me nee bɛ ɛnrɛlua bieko kyesɛ bɛsɛkye ninyɛne ne mɔɔ bɛzele bɛ kɛ bɛmmafa na bɛandie bɛvale la.

1 Sam 17:21

Yizilayɛ ɛlɔnema ne nee Filisitia ɛlɔnema ne gyinlanle ye ekpunli ekpunli, bɛ nye bɔ zolɛ.

1 Sam 17:8

Golayate vindele radeanle nu zele Yizilayɛma kɛ, “Duzu ati yɛɛ bɛra bɛ nee yɛ baho a? Mame, mele Filisitianli, na bɛmɛ, bɛle Sɔɔlo ahanra! Bɛdabɛ bɛye bɛ sonla mɔɔ le katakyie la bɛmaa ɔ nee me yɛva konle ne yɛbɔ zolɛ.

1 Sam 4:1

Mekɛ ne anu, Filisitiama boɔboale bɛ ɛlɔnema anloa kɛ bɛ nee Yizilayɛma baho. Yemɔti Yizilayɛma noko dule bɛ bo kɛ bɛ nee bɛ kaho. Yizilayɛma yɛle azokoɛleɛ wɔ Ɛbɛnizɛ yɛɛ Filisitiama noko yɛle bɛ azokoɛleɛ wɔ Efɛke.

1 Sam 4:10

Na Filisitiama honle ɛsesebɛ lile Yizilayɛma anwo zo konim bɛmanle bɛguale ndwɛlɛ aze. Bɛbiale Yizilayɛma mogya takaa; bɛhunle Yizilayɛ ɛlɔnema ne anu apenle ngoko abulasa.

1 Sam 4:3

Yizilayɛ ɛlɔnema mɔɔ hale la ziale rale bɛ azokoɛleɛ ne la, bɛ mgbanyima ne bizale kɛ, “Duzu ati a ɛnɛ Ɛdɛnkɛma ɛmaa Filisitiama ɛli yɛ nwo zo konim a? Bɛmaa yɛhɔ Hyaelo yɛhɔva Ɛdɛnkɛma Ngyekyeleɛ Ɛlɛka ne yɛrɛla ɛke, amaa yearadɛnla yɛ avinli na yealie yɛ yeavi yɛ kpɔvolɛma tumi ne abo.”