1 Sam 4:18 - BAEBOLO ANZƐƐ BULUKU NWUANZANWUANZA

¹⁸ Yilae dele amaneɛ ne mɔɔ fane Nyamenle Ngyekyeleɛ Ɛlɛka ne anwo la, ɔvi ebia ne mɔɔ ɔde nu la anu ɔdɔle aze alɛnranyunlu wɔ anlenkɛ kpole ne foa ko; ɔ kɔme bule na ɔwule. Ɔluakɛ ɛnee yeyɛ ɛrelera na ɔ nwo ɛyɛ ɛnlomboɛ. Yilae ziele Yizilayɛma ɛvolɛ abulanla.

1 Sam 4:18 ပူးပေါင်းရင်းမြစ်များ

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Edwɛndolɛ Buluku ne 42:10

Me kpɔvolɛma wowɔ me safule, bɛmaa ɔyɛ me nyane kɛ nganlɛ wɔ me nwonane nu; na bɛkɔ zo bɛbiza me kɛ, “Wɔ Nyamenle ne wɔ ni?”

Edwɛndolɛ Buluku ne 42:3

Alehyenlɛ nee aledwolɛ, me monle ɛyɛ me aleɛ, na menli biza me dahuu kɛ, “Wɔ Nyamenle ne wɔ ni?”

Edwɛndolɛ Buluku ne 69:9

Ɔluakɛ wɔ Ɛzonlenlɛ Sua ne anwo ɛhulolɛ sɔ kɛ senle wɔ me nu, yɛɛ aholoba mɔɔ bɛbɔ wɔ la amuala gua me nwo zo.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Maanlebuvolɛma Buluku ne 15:20

Samesɛn lile Yizilayɛma ati ɛvolɛ abulanwiɔ wɔ mekɛ mɔɔ ɛnee bɛwɔ Filisitiama abo la.

1 Sam 4:13

Mɔɔ nrenya ne dwule suakpole ne azo la ɛnee Yilae de ebia nu wɔ adenle ne foa ko na ɔ nye gyi adenle zo, ɔluakɛ ɛnee ye adwenle kɔsɔɔti gyi Nyamenle Ngyekyeleɛ Ɛlɛka ne azo. Mɔɔ nrenya ne bɔle ye amaneɛ ne wiele la, ɛzulolɛ kpole hanle ezuavolɛ ne na bɛdeɛdeanle nuhua.

1 Sam 4:17

Nrenya ne buale ye kɛ, “Yizilayɛma ɛgua ɛbɔ nu wɔ Filisitiama anyunlu, konle ne sinli nyunlu yɛle ɛzulolɛ; ɛ mra nwiɔ ne, Hɔfenae nee Fenɛhaze ɛdɔ amolɛ nu, bɛhu yɛ ɛlɔnema ne bɔkɔɔ, yɛɛ bɛva Nyamenle Ngyekyeleɛ Ɛlɛka ne donvula.”

1 Sam 4:19

Yilae ara Fenɛhaze aye ne ɛnee ɛva ɛkolɛ na ɔka ekyii ye awolɛ mekɛ dwu. Mɔɔ ɔdele kɛ bɛva Nyamenle Ngyekyeleɛ Ɛlɛka ne donvula na ɔ hu ɔ ze Yilae nee ɔ hu Fenɛhaze ɛwu la, ɔwole mgbemgbene nu.