1 Sam 4:13 - BAEBOLO ANZƐƐ BULUKU NWUANZANWUANZA

¹³ Mɔɔ nrenya ne dwule suakpole ne azo la ɛnee Yilae de ebia nu wɔ adenle ne foa ko na ɔ nye gyi adenle zo, ɔluakɛ ɛnee ye adwenle kɔsɔɔti gyi Nyamenle Ngyekyeleɛ Ɛlɛka ne azo. Mɔɔ nrenya ne bɔle ye amaneɛ ne wiele la, ɛzulolɛ kpole hanle ezuavolɛ ne na bɛdeɛdeanle nuhua.

1 Sam 4:13 ပူးပေါင်းရင်းမြစ်များ

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Gyɛlɛmaya Buluku ne 48:19

O Alowɛma! Bɛgyinla adehane ne na bɛnlea! Bɛbiza nrenya anzɛɛ raalɛ mɔɔ ɛlɛnriandi la kɛ, ‘Duzu edwɛkɛ ɔ?’

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”

1 Sam 1:9

Kenle ko bɛwiele debie di wɔ Hyaelo la, Hana dwazole. Ɛnee ye adwenle ɛzɛkye dɔɔnwo, na ɔvale nyane nee alɔbɔlɛ ɔzunle kpole kpalɛ, na ɔbɔle ɔ bo kɛ ɔsɛlɛ Ɛdɛnkɛma. Mekɛ ne anu ɛnee sɛlɛvolɛ Yilae de ɔ bo zo ne wɔ Ɛdɛnkɛma Ɛzonlenlɛ Sua ne anlenkɛ ne anloa.

1 Sam 4:14

Yilae dele alɛra ne mɔɔ menli ne ɛlɛyɛ la, ɔbizale kɛ, “Alɛra ɛhye abo a le duzu?” Nrenya ne nriandile rale Yilae anwo ɛkɛ na ɔvale amaneɛ ne ɔbɔle ye.

1 Sam 4:18

Yilae dele amaneɛ ne mɔɔ fane Nyamenle Ngyekyeleɛ Ɛlɛka ne anwo la, ɔvi ebia ne mɔɔ ɔde nu la anu ɔdɔle aze alɛnranyunlu wɔ anlenkɛ kpole ne foa ko; ɔ kɔme bule na ɔwule. Ɔluakɛ ɛnee yeyɛ ɛrelera na ɔ nwo ɛyɛ ɛnlomboɛ. Yilae ziele Yizilayɛma ɛvolɛ abulanla.