1 Sam 4:12 - BAEBOLO ANZƐƐ BULUKU NWUANZANWUANZA

¹² Nrenya bie mɔɔ vi Bɛngyaman abusua ekpunli ne anu la vi ɛlɔne ne anloa nriandile hɔdwule Hyaelo kenle ko ne. Nyane mɔɔ ɛnee ɔlɛdi la manle ɔsuosuanle tɛladeɛ mɔɔ ɔwula la anu na ɔvale ndɛtɛlɛ ɔyɛle ɔ ti zo.

1 Sam 4:12 ပူးပေါင်းရင်းမြစ်များ

2 Sam 1:2

Ye kenle nsa ne azo, nrenya bie vi Sɔɔlo konle azokoɛleɛ ne rale. Ɔkile ye nyane mɔɔ ɔlɛdi la, ɛnee yesuosua ye tɛladeɛ ne mɔɔ ɔwula la anu na yeva ndɛtɛlɛ yeyɛ ɔ ti zo. Ɔradwule Devidi anyunlu la, ɔdule ɔdɔle ɔ gyakɛ anu ɔbizale ye ahye.

2 Sam 13:19

Teemaa suosuanle tɛladeɛ ne mɔɔ ɔwula la anu na ɔvulale nzonle ɔguale ɔ ti zo. Ɔvale ɔ sa ɔguale ɔ ti zo na ɔzunle. Mɔɔ ɔlɛkɔ la ɛnee ɔlɛsu.

2 Sam 15:32

Mɔɔ Devidi dwule boka ne azo, ɛleka mɔɔ bɛsonle Nyamenle la, Akaenli Huhyae rayiale ye, ɛnee yesuosua ye tɛladeɛ ne anu na yeva ndɛtɛlɛ yeyɛ ɔ ti zo.

Nihɛmaya Buluku ne 9:1

Siane ko ne ala anu, ye kenle abulanwiɔ nee nna ne azo, Yizilayɛma hedale ɛrele, vale mgbane wɔzale bɛ nwo, na bɛyiale nu bɛhyele ɛhɔne bɛlile bɛ ɛtane ne mɔ anwo nyane.

Dwobu Buluku ne 2:12

Mɔɔ bɛlua adenle zo moa ekyii na bɛnwunle Dwobu la, bɛannwu ye sonla holɛ. Na bɛradole ye la, bɛzunle bɛyele awolɛ. Bɛsuosuanle bɛ adɛladeɛ mɔɔ bɛwula la anu, bɛvale nzonle bɛbɔle bɛ nwo na bɛlile nyane.

Gyɛlɛmaya Buluku ne 26:6

mebayɛ Ɛzonlenlɛ Sua ɛhye kɛ mɔɔ menyɛle Hyaelo la, na meayɛ suakpole ɛhye mgbane meamaa maanle maanle kɔsɔɔti ahyi ye.’ ”

Yizikeɛle Buluku ne 24:26

kenle ko zɔhane mɔɔ mebayɛ ɛhye la, awie mɔɔ vile ɛsalɛ la yɛɛ baraha ahile wɔ a.

Yizikeɛle Buluku ne 27:30

bɛsu alɔbɔlɛ ɛzunlɛ, bɛye awolɛ. Bɛfula anwea bɛgua bɛ ti zo, bɛweweɛ bɛ nwo nzonle nu.

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.