1 Sam 4:11 - BAEBOLO ANZƐƐ BULUKU NWUANZANWUANZA

¹¹ Bɛvale Nyamenle Ngyekyeleɛ Ɛlɛka ne donvula na bɛhunle Yilae amra mrenya nwiɔ ne.

1 Sam 4:11 ပူးပေါင်းရင်းမြစ်များ

Edwɛndolɛ Buluku ne 78:56

Noko bɛzɔle Anwuma Anwuma Nyamenle ne bɛnleanle, na bɛdele ɔ nwo atua; bɛanli ye mɛla ne mɔ azo.

Edwɛndolɛ Buluku ne 78:64

Bɛ sɛlɛvolɛma dɔle dadeɛ nloa, yɛɛ bɛ ahunlanvolɛ angola awolɛ ye.

Ayezaya Buluku ne 3:11

Munzule ɛha amumuyɛnli ne! Ɔnrɛwie boɛ ɛlɛ, ɔluakɛ mɔɔ yeyɛ la, bɛbayɛ ye bie bɛazie ɔ bo zo.

Gyɛlɛmaya Buluku ne 7:12

Bɛhɔ Hyaelo, ɛleka mɔɔ menlumuale menyɛle kɛ bɛzonle me, na bɛhɔnlea kɛ menzile menyɛle ye wɔ me menli Yizilayɛma ɛtane ne ati la.

1 Sam 2:31

Tie, mekɛ ɛlɛba mɔɔ mebahu mgbavolɛ mɔɔ wɔ wɔ abusua ne anu la nee ɛ bo zo amra amuala a, amaa bɛ nuhua ko bɔbɔ anyɛ ɛrelera.

1 Sam 2:32

Ɛbali nyane na anyebolo badɔ ɛ nwo wɔ nyilalɛ mɔɔ mebava meamaa Yizilayɛma mɔɔ ɛha la anwo, noko, wɔ sua nu amra ɛdeɛ, sonla ko bɔbɔ ɛnrɛyɛ ɛrelera ɛlɛ.

1 Sam 2:34

Saa ɛ mra mrenya nwiɔ ne, Hɔfenae nee Fenɛhaze gulu nu wu kenle ko a yɛɛ ɛkɛnwu kɛ edwɛkɛ biala mɔɔ meha la bayɛ zɔhane a.

1 Sam 3:12

Kenle zɔhane, edwɛkɛ biala mɔɔ meha ye wɔ Yilae abusua ne anwo la bayɛ zɔhane, ɔvi ɔ bo yeahɔ ye awieleɛ.

1 Sam 4:21

Ɔdonle kakula ne Ayekabɔdo, na ɔhanle kɛ, “Yizilayɛ ɛminli ye anyunlunyia ne,” ɔluakɛ bɛva Nyamenle Ngyekyeleɛ Ɛlɛka ne donvula yɛɛ ɔ hu nee ɔ hu ɔ ze ɛwu.