1 Sam 4:10 - BAEBOLO ANZƐƐ BULUKU NWUANZANWUANZA

¹⁰ Na Filisitiama honle ɛsesebɛ lile Yizilayɛma anwo zo konim bɛmanle bɛguale ndwɛlɛ aze. Bɛbiale Yizilayɛma mogya takaa; bɛhunle Yizilayɛ ɛlɔnema ne anu apenle ngoko abulasa.

1 Sam 4:10 ပူးပေါင်းရင်းမြစ်များ

2 Sam 18:17

Bɛyele Abesalɛm funli ne na bɛvuandinle ye bɛdole kuma kpole bie anu wɔ kpɔkɛ ne anu. Bɛhuohuanle awolɛ edukue kpole bie ɔ nwo zo. Na Yizilayɛma kɔsɔɔti guale ɛbɔ nu. Ko biala hɔle ɔdaye ye sua zo.

2 Sam 18:7

Na Devidi asa azo ne mɔ lile Yizilayɛma anwo zo konim; bɛhunle bɛ nuhua dɔɔnwo kpalɛ mɔɔ kɛdwu apenle ngoko abulanwiɔ la kenle ko ne.

2 Sam 19:8

Belemgbunli ne dwazole na ɔhɔdendɛle suakpole ne anlenkɛ kpole ne anloa. Bɛhɔhanle bɛhilele menli ne mɔ kɛ, “Belemgbunli ne de anlenkɛ kpole ne anloa.” Na menli ne mɔ kɔsɔɔti hɔbɔle yiale ye. Yizilayɛma kɔsɔɔti ɛnriandi. Ko biala ɛhɔ ɔdaye ye sua zo.

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

1 Arl 12:16

Yizilayɛma amuala nwunle kɛ Belemgbunli Rilihɔbowam ambu bɛ bie, yemɔti bɛhanle bɛhilele ye kɛ, “Duzu bɔbɔ yɛɛ yɛnyia ye wɔ Devidi abusua nu a? Yɛnlɛ agyadeɛ biala wɔ Gyesi anlɔnra ɛhye ɛkɛ. Yizilayɛma, awie biala ɛhɔ ye sua nu na bɛmaa Devidi anlɔnra ne ɛva ɔ nwo.” Ɛhye ati Yizilayɛma dele atua.

1 Arl 22:36

Mɔɔ ɛnee asɛɛ sɛnzɛne ɛdɔ nzule nu la, Yizilayɛma deanle nuhua kɛ, “Awie biala ɛye ɔ nwo zo ɛhɔ ye sua zo; awie biala ɛhɔ ye maanle nu!”

2 Arl 14:12

Gyɛhowahye lile Dwudama anwo zo konim na Amazaya ɛlɔnema ne guale ɛbɔ nu; biala nriandile hɔle ye sua zo.

2 Edk 13:17

Abaegya nee ye ɛlɔnema ne hunle Yizilayɛma dɔɔnwo kpalɛ; kenle ko ne Yizilayɛma mɔɔ dɔle la le menli apenle ngoko ɛya nnu mɔɔ ze konle nye zo kpalɛ la.

2 Edk 25:22

Yizilayɛma lile Dwudama anwo zo konim, na Dwuda ɛlɔnema ne nriandile hɔle bɛ azua zo.

Edwɛndolɛ Buluku ne 78:9

Yifelaemma vale ɛda, noko konle kenle ne, bɛguale ɛbɔ nu.

Gyɛlɛmaya Buluku ne 7:12

Bɛhɔ Hyaelo, ɛleka mɔɔ menlumuale menyɛle kɛ bɛzonle me, na bɛhɔnlea kɛ menzile menyɛle ye wɔ me menli Yizilayɛma ɛtane ne ati la.

Sɛlɛ 26:17

Mebava me nye meawula bɛ nyunlu, meamaa bɛ kpɔvolɛma ali bɛ nwo zo konim. Menli ne mɔɔ kyi bɛ la bazie bɛ, na bɛbanriandi wɔ mekɛ mɔɔ awie ɛndoa bɛ la.

Mɛla 28:15

“Na saa bɛandie Ɛdɛnkɛma bɛ Nyamenle ne ane anzɛɛ bɛanli ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo nɔhalɛ nu a, yemɔ munzule ɛhye mɔ amuala bava bɛ aze yeabulu bɛ nwo zo:

Mɛla 28:25

“Ɛdɛnkɛma bamaa bɛ kpɔvolɛma ali bɛ nwo zo konim. Bɛbava bɛ nyunlu bɛahɔ na bɛava bɛ nzi bɛara. Na ɔbayɛ ewiade amra amuala nwanwane kɛ ɛhye ɛzi bɛ nwo zo a.

1 Sam 3:11

Akee Ɛdɛnkɛma zele Samoɛle kɛ, “Mebahile Yizilayɛma debie na awie biala mɔɔ kɛde la anwo bawozo ye.

1 Sam 4:2

Filisitiama tetale Yizilayɛma na bɛhonle ɛsesebɛ bɛlile Yizilayɛma anwo zo konim; bɛhunle Yizilayɛma apenle nna wɔ konle ne anu.