1 Sam 31:7 - BAEBOLO ANZƐƐ BULUKU NWUANZANWUANZA

⁷ Mɔɔ Yizilayɛma mɔɔ wɔ Gyɛzɛli Bɔnza ne anzi lɔ mɔɔ di kɔ Azule Dwɔdan aduduleɛ la dele kɛ Yizilayɛ ɛlɔnema ne ɛgua ɛbɔ nu na bɛhu Sɔɔlo nee ɔ mra ne mɔ la, bɛvile bɛ azua ne mɔ azo bɛguale ɛbɔ nu. Na Filisitiama radɛnlanle azua ne mɔ azo.

1 Sam 31:7 ပူးပေါင်းရင်းမြစ်များ

Sɛlɛ 26:32

Mebazɛkye azɛlɛ ne, na ɔbazi bɛ kpɔvolɛma mɔɔ de zolɛ la anwo.

Sɛlɛ 26:36

“Bɛdabɛ mɔɔ bɛbaha mɔɔ bɛbahye bɛ bɛahɔ nlɔnu la, mebamaa ahunlundetelɛ adɔ bɛ nwo mɔɔ ɛya mgbane mɔɔ kɛde la bamaa bɛanriandi a; bɛbanriandi kɛ menli mɔɔ ɛgua ndwɛlɛ aze wɔ konle nloa na bɛ kpɔvolɛma zi bɛ zo la, na bɛbadu bɛagua aze wɔ mekɛ mɔɔ awie ɛndoa bɛ la.

Mɛla 28:33

Maanle bie mɔɔ bɛtɛtele ye nganeɛ ɛlɛ la anu amra barali bɛ ɛya ne mɔ anu aleɛ, na bɛbasisi bɛ bɛayɛ bɛ amumuyɛ dahuu,

Maanlebuvolɛma Buluku ne 6:2

Medeanema asa homonle Yizilayɛma anwo zo kpalɛ. Yizilayɛma zulole Medeanema manle ɔhɔdwule kɛ bɛhyele bɛ nwo ɛhane, bɛsisile ɛvealeka dɔɔnwo wɔ awoka ne mɔ azo, na bɛvunvunle mbɔne wɔ awolɛ nu bɛveale nu.

1 Sam 13:6

Bɛmianle bɛ nwo bɛ nee Yizilayɛma honle kpalɛ. Mɔɔ Yizilayɛma nwunle kɛ konle ne ɛyɛ ɛsesebɛ ɛmaa bɛ la, bie mɔ nriandile hɔveale mbɔne nu, awolɛ nu, adokule nu, bula nu nee sɛka nu.

1 Sam 13:7

Bie mɔ pɛle Azule Dwɔdan ne hɔle Gaade nee Geleade maanle ne mɔ anu. Ɛnee Sɔɔlo tɛbɔ Gelegale na ɛzulolɛ ɛha menli mɔɔ nee ye lua la amuala.

1 Sam 31:6

Ɛnee kɛ Sɔɔlo, ɔ mra mrenya nsa ne nee kpavolɛ ne mɔɔ soa Sɔɔlo konle ninyɛne ne la zile wule la ɛne. Sɔɔlo ɛlɔnema ne kɔsɔɔti wule konle ne anu kenle ko ne.

1 Sam 31:8

Bɛhonle bɛwiele na ye alehyenlɛ nu, Filisitiama hɔle kɛ bɛkawua avunli ne mɔ anwo ninyɛne. Bɛnwunle Sɔɔlo nee ɔ mra nsa ne mɔ avunli wɔ Gelebowa Boka.