1 Sam 31:4 - BAEBOLO ANZƐƐ BULUKU NWUANZANWUANZA

⁴ Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.

1 Sam 31:4 ပူးပေါင်းရင်းမြစ်များ

2 Sam 1:1

Sɔɔlo ewule ne anzi, Devidi hɔlile Amalɛkema anwo zo konim, ɔhunle bɛ bie mɔ dɔɔnwo kpalɛ na ɔziale ɔrale Zekelage ɔralile kenle nwiɔ wɔ ɛkɛ.

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

2 Sam 1:20

Bɛmmabɔ ye nolo wɔ Gate, anzɛɛ Ahyekɛlɔn mgbata ne mɔ azo. Anrɛɛ Filisitia mraalɛ kɛli fɛlɛko, anrɛɛ mraalɛ mɔɔ ɛnze Nyamenle la anye kɛlie.

2 Sam 1:6

Kpavolɛ ne buale kɛ, “Ɔrale ye kɛ ɛnee mewɔ Gelebowa Boka, na menwunle kɛ Sɔɔlo hisa ye atwɛ ne na kpɔvolɛma ne konle ehwili ne mɔ nee menli mɔɔ ka mgbɔnwɔ la ɛkpumgbu ye kpalɛ.

2 Sam 17:23

Mɔɔ Ahetɔfɛle nwunle kɛ bɛanva ye folɛdulɛ ne la, ɔvole ye asoaso ne azo na ɔhɔle ɔdaye ye sua zo. Ɔtotole ninyɛne boɛ na ɔbɔle ɔ nwo akɔnvo. Bɛziele ye wɔ ɔ ze nla ne anu.

2 Sam 21:12

ɔhɔliele Sɔɔlo nee ɔ ra Dwɔnatan mbowule ne mɔ ɔvile Gyibɛsema ɛkɛ wɔ Geleade (Gyibɛsema wuale Sɔɔlo nee Dwɔnatan avunli ne mɔ wɔ Bɛte Hyan ɛleka kpatawienyi ne. Ɛkɛ ne a Filisitiama ne hunle bɛ wɔ boka Gelebowa azo la bɛrahendɛhendanle bɛ a.)

1 Arl 16:18

Zemelae nwunle kɛ ɛlɔne ɛva bɛ aze la, ɔhɔveale belemgbunli sua ne anu akunlu nehane na ɔdole senle sua ne anu ɔyelale ye ɔguale ɔ ti zo ɔhunle ɔ nwo.

1 Arl 16:27

Bɛhɛlɛ Ɔmelae nyɛleɛ nee ye mɔdenle mɔɔ ɔbɔle la wɔ Yizilayɛ Arelemgbunli Tetedwɛkɛ Buluku ne anu.

1 Edk 10:4

Yemɔti Sɔɔlo zele ye sonvolɛ ne mɔɔ soa ye konle ninyɛne ne la kɛ, “Twe wɔ dadeɛ ne wɔ me maa menwu, anrɛɛ menli ɛhye mɔ mɔɔ ɛnze Nyamenle la kɛragolo me nwo.” Na ye sonvolɛ ne anyɛ, ɔluakɛ ɛnee ɔsulo kpole. Yemɔti Sɔɔlo vale ɔdaye ye dadeɛ ne wɔle ɔ nwo.

Maanlebuvolɛma Buluku ne 14:3

Ɔ ze nee ɔ nli zele ye kɛ, “Anzɛɛ raalɛ biala ɛnle yɛ abusua ekpulike ɛdeɛ ye anu mɔɔ ɛgya ye a ɔyɛ boɛ, mɔɔ yemɔti ɛkɔ menli mɔɔ ɛnze Nyamenle la avinli wɔahɔgya raalɛ a?” Samesɛn zele ɔ ze kɛ, “Bɛgya ye bɛmaa me, ɔluakɛ me ahonle ɛva ye kpalɛ.”

Maanlebuvolɛma Buluku ne 9:54

Abemɛlɛke vɛlɛle ye sonvolɛ ne mɔɔ soa ye konle ninyɛne ne la kɛ, “Ka ɛ nwo, twe wɔ dadeɛ ne ku me ndɛndɛ, anrɛɛ menli kɛze kɛ, ‘Raalɛzinli a hunle ye a.’ ” Amgba noko kpavolɛ ne wɔle Abemɛlɛke dadeɛ hunle ye.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.

1 Sam 26:10

Devidi hanle zɔle zolɛ kɛ, “Meka tease Ɛdɛnkɛma kɛ, Ɛdɛnkɛma ɔdaye ɔbahu ye; saa konle nu o anzɛɛ ye ewule mekɛ nu o.

1 Sam 31:5

Mɔɔ kpavolɛ ne nwunle kɛ Sɔɔlo ɛwu la, ɔdaye noko ɔyele ye dadeɛ ne ɔdɔle zolɛ ɔ nee Sɔɔlo wule.