1 Sam 31:1 - BAEBOLO ANZƐƐ BULUKU NWUANZANWUANZA

¹ Filisitiama nee Yizilayɛma honle wɔ Gelebowa Boka. Bɛhunle Yizilayɛma somaa ne ala wɔ ɛkɛ. Mɔɔ hale la nee Belemgbunli Sɔɔlo nee ɔ mra mrenya ne mɔ nriandile.

1 Sam 31:1 ပူးပေါင်းရင်းမြစ်များ

2 Sam 1:21

“Ezule anzɛɛ ɛbɔlɛ mmatɔ Gelebowa awoka zo; ye azɛlɛ ɛhwie dahuu! Ɔluakɛ katakyiema enyinlike gua ɛkɛ ne anyiemgba nu; Sɔɔlo enyinlike ɔ, ɛnɛ awie ɛnvɔ ye nwole.

2 Sam 1:6

Kpavolɛ ne buale kɛ, “Ɔrale ye kɛ ɛnee mewɔ Gelebowa Boka, na menwunle kɛ Sɔɔlo hisa ye atwɛ ne na kpɔvolɛma ne konle ehwili ne mɔ nee menli mɔɔ ka mgbɔnwɔ la ɛkpumgbu ye kpalɛ.

2 Sam 4:4

Sɔɔlo ara Dwɔnatan ɛnee lɛ ɔ ra nrenya mɔɔ agyakɛ ɛbubu a. Bɛfɛlɛ ye Mɛfebɔhyɛte. Ɔlile ɛvolɛ nnu la yɛɛ nrɛlaleɛ vi Gyɛzɛli rale kɛ bɛhu Sɔɔlo nee Dwɔnatan a; ye adanedivolɛ ne vale ye nriandile. Ɛnriandilɛ ne anu, kɛmɔ adanedivolɛ ne kpondɛ ye ndɛndɛ la ati, kakula ne dɔle aze na ɔyɛle abubura.

1 Sam 12:25

Na saa bɛandie na bɛyɛ ninyɛndane a, ɔbazɛkye bɛ nee bɛ belemgbunli ne bɔkɔɔ.”

1 Sam 28:1

Mekɛ ne hɔle bie la Filisitiama boɔboale bɛ nwo kɛ bɛ nee Yizilayɛma kaho. Ekehye zele Devidi kɛ, “Te ɔ bo kɛ ɛ nee wɔ ɛlɔnema ne kɔsɔɔti bali aboa me.”

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”

1 Sam 28:19

Ɛdɛnkɛma baye ɛdawɔ nee Yizilayɛ maanlema awula Filisitiama asa anu. Ɛhyema, ɛdawɔ nee ɛ mra mrenya ne mɔ baraboka me nwo. Ɛdɛnkɛma eza baye Yizilayɛ ɛlɔnema ne awula Filisitiama asa anu.”

1 Sam 28:4

Filisitiama boɔboale bɛ nwo na bɛrayɛle azokoɛleɛ wɔ Hyunɛm. Sɔɔlo ɔdaye ɔboɔboale Yizilayɛ ɛlɔnema ne anloa na ɔrayɛle azokoɛleɛ wɔ Gelebowa Boka.

1 Sam 29:1

Filisitiama boɔboale bɛ ɛlɔnema kɔsɔɔti anloa wɔ Efɛke. Yizilayɛma noko boɔboale bɛ nloa wɔ azudenle ne mɔɔ wɔ Gyɛzɛli Bɔnza ne anu la anloa.