1 Sam 30:6 - BAEBOLO ANZƐƐ BULUKU NWUANZANWUANZA

⁶ Edwɛkɛ dole Devidi, ɔluakɛ ye menli ne yɛle kɛ bɛsi ye awolɛ, ɔboalekɛ awie biala ɛlɛdi nyane kpole kɛ bɛhye ɔ ye nee ɔ mra bɛhɔ a. Na Devidi Ɛdɛnkɛma ye Nyamenle ne manle ye akɛnrazilɛ.

1 Sam 30:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:7

Gyekɔbo ahonle dule kpole na ɛzulolɛ hanle ye. Yemɔti ye menli mɔɔ ɔ nee bɛ lua la, ye nyɛmoa, ye nlankɛ, yɛɛ ye afunlumu ne mɔ, ɔhyɛle ko biala anu nwiɔ na ɔyɛle bɛ ekpunli nwiɔ,

2 Sam 17:8

Ɛdawɔ ɛze ye wienyi kɛ ɛ ze nee ye ɛlɔnema ne le menli mɔɔ ze konle nye zo kpole kpalɛ a. Kɛkala, bɛ ahonle ɛfutu kɛ ezile mɔɔ bɛhye ɔ mra la. Fa ɛhye sie ahane. Ɛ ze le ɛlɔnenli mɔɔ bɛto ye sɛbe a, yɛɛ nɔɔzo ɔ nee ye ɛlɔnema ne ɛnrɛla ɛleka ko.

2 Arl 4:27

Na mɔɔ ɔdwule Yilaehya anwo ɛkɛ ne wɔ boka ne azo la ɔhotole ɔbɔle ɔ ti aze, ɔzɔle Yilaehya agyakɛ. Gɛheezae rale kɛ ɔbahwe ye ahane na Yilaehya zele ye kɛ, “Gyakyi ye na nyane kpole ɛha ye, yemɔ a Ɛdɛnkɛma ɛva ɛvea me mɔɔ yeanga yeangile me la.”

Dwobu Buluku ne 13:15

Ɛhɛe, ɔbahu me, menlɛ anyelazo; noko mebahɔha me edwɛkɛ meahile ye.

Edwɛndolɛ Buluku ne 116:10

Menzɔle me diedi nu boɛ, bɔbɔ mɔɔ menganle kɛ, “Menwu amaneɛ kpole” la;

Edwɛndolɛ Buluku ne 138:3

Kenle mɔɔ menvɛlɛle wɔ la, ɛliele me zo, na ɛmanle me anwosesebɛ.

Edwɛndolɛ Buluku ne 18:2

Ɛdɛnkɛma le me bodane, me aranemgbole nee me dievolɛ, me Nyamenle, me bodane mɔɔ menriandi mefea nu a, me enyinlike, me ngoanedievolɛ nee me ɛvealeka kpundii.

Edwɛndolɛ Buluku ne 18:6

Me rɛle bɔle la menvɛlɛle Ɛdɛnkɛma; menvɛlɛle me Nyamenle ne kɛ ɔboa me. Ɔdele me ne wɔ ye Ɛzonlenlɛ Sua ne anu, na me ɛzunlɛ dwule ɔ nzo nu.

Edwɛndolɛ Buluku ne 25:17

Ye me adwenleadwenle ne, na ye me fi me amaneɛnwunlɛ nu.

Edwɛndolɛ Buluku ne 27:14

Fa ɛ rɛle wula Ɛdɛnkɛma anu; mia ɛ nwo na si wɔ ahonle, ɛhɛe, fa ɛ rɛle wula Ɛdɛnkɛma anu.

Edwɛndolɛ Buluku ne 31:24

Bɛdabɛ mɔɔ bɛ rɛle wɔ Ɛdɛnkɛma anu la, bɛzi ahonle na bɛgyinla kpundii.

Edwɛndolɛ Buluku ne 42:11

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, ɔluakɛ mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 42:5

O me ɛkɛla, duzu ati a nyane ɛha wɔ zɛhae ɛ, duzu ati a ɛ nwo mɔra ɛdu zɛhae ɛ? Nyia anyelazo wɔ Nyamenle anu, na mebaye ye ayɛlɛ bieko kɛ, ɔle me boavolɛ nee me Nyamenle.

Edwɛndolɛ Buluku ne 56:11

Nyamenle ne mɔɔ me rɛle wɔ ye nu la, mewɔ ye nu a menzulo. Duzu yɛɛ sonla kɛhola kɛyɛ me a?

Edwɛndolɛ Buluku ne 62:1

Nyamenle ala yɛɛ me ɛkɛla yɛ koonwu kendɛ ye a, ye ɛkɛ ne yɛɛ me ngoanelielɛ vi ba a.

Edwɛndolɛ Buluku ne 62:5

Nyamenle ala yɛɛ me ɛkɛla yɛ koonwu kendɛ ye a, ɔluakɛ me anyelazo muala vi ye ɛkɛ.

Edwɛndolɛ Buluku ne 71:4

O me Nyamenle, die me fi amumuyɛma asa anu, yɛɛ sonla atisesebɛ nee mɔɔ ɛnli pɛlepɛle la asa anu.

Edwɛndolɛ Buluku ne 71:5

Ɔluakɛ O Awulae, ɛle me anyelazo, O Ɛdɛnkɛma, me mgbavolɛ nu yɛɛ menvale me rɛle menwulale wɔ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:4

Na Mosisi zunle zɛlɛle Ɛdɛnkɛma kɛ, “Menli ɛhye mɔ, kɛ menyɛ bɛ ɛ? Asɛɛ bɛzi me awolɛ bɛwie.”

Mrɛlɛbulɛ Buluku ne 18:10

Ɛdɛnkɛma duma ne le aranemgbole; sonla mɔɔ le tenlene la nriandi kɔfea nu a, ɔ nwo kɔlɔnwo.

Ayezaya Buluku ne 25:4

Ɔluakɛ wɔyɛ ɛvealeka kpundii wɔmaa ehyianvolɛma, ɛvealeka kpundii wɔmaa bɛdabɛ mɔɔ bɛhyia la wɔ bɛ amaneɛnwunlɛ mekɛ nu; wɔyɛ enyinlike wɔwowa bɛ wɔ ahumu nee ewia samɛnlankɛ nu; ɔluakɛ atisesebɛma ɛtetalɛ ne le kɛ ahumu mɔɔ ɛlɛtia bane la;

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Dwona Buluku ne 2:2

“Munzule kpole dole me, na menzunle menvɛlɛle Ɛdɛnkɛma, na ɔdiele me. Mela ewule kuma nu la, menzunle menvɛlɛle wɔ na ɛdele me ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:10

Na menli ne kɔsɔɔti yɛle kɛ bɛsi bɛ awolɛ bɛahu bɛ. Na Ɛdɛnkɛma anyunlunyia ne dale Ɛdɛnkɛma Ndanlɛ Sua ne azo wɔ Yizilayɛma kɔsɔɔti anyunlu ɛkɛ ne.

Edwɛkpa ne kɛmɔ Mateyu hɛlɛle la 21:9

Na menli dɔɔnwo ne mɔɔ li ɔ nyunlu nee ɔ nzi la deɛdeanle nuhua kɛ, “Ayɛlɛyelɛ ɛha Devidi Ara ne! Nyamenle ɛyila mɔɔ lua Awulae duma nu ɛlɛba la! Bɛye Nyamenle ayɛlɛ!”

Edwɛkpa ne kɛmɔ Mateyu hɛlɛle la 27:22

Paelɛte bizale bɛ kɛ, “Na kɛ menyɛ Gyisɛse ne mɔɔ bɛfɛlɛ ye Kelaese ne la ɛ?” Na bɛ muala bɛhanle kɛ, “Bɔ ye meanubaka nu!”

Dw 8:59

Bɛsesale awolɛ kɛ bɛto bɛazi ye, na Gyisɛse veale ɔ nwo na ɔvile Ɛzonlenlɛ Sua ne anu ɔhɔle.

Wulo 4:18

Ebileham liele Nyamenle ɛwɔkɛ ne lile na ɔmanle ɔ nye lale zo ɛsesebɛ, wɔ mekɛ mɔɔ ɛnee anyelazo ɛwie la, kɛ ɔbayɛ “maanle maanle bɛ ze.”

Wulo 4:20

Ye diedi ne anga aze wɔ Nyamenle ɛwɔkɛ ne anwo, na ye diedi ne manle ye anwosesebɛ na ɔyele Nyamenle ayɛlɛ.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

2 Kɔl 1:6

Saa yɛnwu amaneɛ a, ɛnee bɛ ngoanelielɛ nee bɛ arɛlekyekyelɛ ti ɔ; yɛɛ saa bɛkyekye yɛ rɛle a, ɛnee bɛkyekye bɛdabɛ noko bɛ rɛle, na bɛmaa bɛ anwosesebɛ, amaa bɛava abotane bɛagyinla amaneɛnwunlɛ ko ne ala mɔɔ yɛdayɛ yɛgyi bie anwo la anloa.

2 Kɔl 4:8

Ndenle dɔɔnwo anu bɛgyegye yɛ, na bɛngola bɛnzɛkye yɛ; bɛmaa yɛ adwenle nu yɛ kpomgbondee, noko yɛ agbɔkɛ nu ɛntuto;

2 Kɔl 7:5

Mɔɔ yɛrale Masidonea la, yɛ nwo andɔ yɛ kpalɛ biala, ɔluakɛ ɛnee ɛleka biala mɔɔ yɛkɛhɔ la yɛyia ngyegyelɛ; gua zo a, konle; sua nu a, ɛzulolɛ ngome.

Kɛlata mɔɔ bɛhɛlɛle bɛhɔmanle Hibuluma la 13:6

Zɔhane ati, yɛkola yɛsi yɛ kɛnra yɛka kɛ, “Awulae le me boavolɛ, menrɛzulo ɛhwee. Duzu yɛɛ sonla kola yɛ me a?”

Maanlebuvolɛma Buluku ne 18:25

Na Danema ne zele ye kɛ, “Mua ɛ nloa! Mmayɛ ɛmaa ahonle futu, na anrɛɛ ɛdawɔ nee wɔ awuke nu amra amuala kɛdɔ.”

Maanlebuvolɛma Buluku ne 20:22

Noko Yizilayɛma zile ahonle. Eza bɛhɔdɛle ɛleka ko ne ala mɔɔ alumua ne bɛhɔdɛle la.

1 Sam 23:16

Na Dwɔnatan hɔle ɔ nwo lɔ na ɔhɔzile ye ahonle kɛ, “Wɔ adenle biala anu, Nyamenle bazinza wɔ.”

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”