1 Sam 30:10 - BAEBOLO ANZƐƐ BULUKU NWUANZANWUANZA

¹⁰ Devidi vale ɛlɔnema ɛya nna doale bɛ; ɛya nwiɔ hale azule ne anloa, ɔluakɛ ɛnee bɛvɛ somaa mɔɔ bɛpɛ azule Bisɔ ne a ɔnyɛ boɛ a.

1 Sam 30:10 ပူးပေါင်းရင်းမြစ်များ

Ayezaya Buluku ne 40:30

Mgbavolɛ nee mbɛlɛra bavɛ ayɛ bɛtɛɛ, mrenya kpukputilii bavɛ bɛadu bɛagua;

1 Sam 14:20

Sɔɔlo boɔboale ye ɛlɔnema ne anloa na ɔvale konle ɔdoale Filisitiama. Mekɛ ne anu ɛnee Filisitiama adwenle ɛha ɛbɔ nu, na anyezota ɛmaa bɛdabɛ bɛ ngome bɛpɛ bɛ nwo bɛlɛko bɛahuhu bɛ nwo.

1 Sam 14:31

Kenle ko ne Yizilayɛma lile Filisitiama anwo zo konim. Bɛvi Mekemahye bɛhonle toonwo bɛhɔguale ye Ayegyalɔn. Mekɛ ɛhye anu ɛnee akee ɛhɔne ngome ɛmaa Yizilayɛma anwo ɛwie bɛ golo;

1 Sam 30:11

Ɛlɔnema mɔɔ nee Devidi lua la nwunle Yigyibitinli bie wɔ fienemgbole ne anu na bɛvale ye bɛrɛlɛle Devidi. Bɛmanle ye kpanwo ɔlile, bɛmanle ye nzule ɔnlonle,

1 Sam 30:21

Akee Devidi ziale doale ɛlɔnema ɛya nwiɔ ne mɔɔ hale Bisɔ ne anzi la. Ɛnee bɛvɛ somaa na bɛ nwo ɛyɛ bɛtɛɛ la ati bɛangola bɛ nee Devidi angɔ. Bɛdule bɛrayiale Devidi nee menli mɔɔ nee Devidi hɔle la. Na Devidi bikyele bɛ na ɔvale anyelielɛ ɔbizale bɛ ahye.

1 Sam 30:9

Yemɔti Devidi nee ye ɛlɔnema ɛya nsia ne belele zile bɛ zo, na mɔɔ bɛradwule Bisɔ azudenle ne anloa la bie mɔ hale ɛkɛ.