1 Sam 3:9 - BAEBOLO ANZƐƐ BULUKU NWUANZANWUANZA

⁹ Yemɔti Yilae zele Samoɛle kɛ, “Kɔ kɔla na saa ɔfɛlɛ wɔ a ka kɛ, ‘Ɛdɛnkɛma, tendɛ, wɔ sonvolɛ ɛlɛtie.’ ” Yemɔti Samoɛle ziale hɔlale.

1 Sam 3:9 ပူးပေါင်းရင်းမြစ်များ

Edwɛndolɛ Buluku ne 85:8

Maa mendie mɔɔ Ɛdɛnkɛma Nyamenle ne baha la, ɔluakɛ ɔbaha anzonudwolɛ edwɛkɛ yeahile ye menli ne, ɔdaye ye menli ne mɔɔ ɛva bɛ ahonle ɛmaa ye la.

Edwɛndolɛ Buluku ne 85:9

Nɔhalɛ, ye ngoanelielɛ ne ɛbikye bɛdabɛ mɔɔ bɛsulo ye la, amaa anyunlunyia aha yɛ maanle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:19

Bɛgyinlanle moa moa na bɛhanle bɛhilele Mosisi kɛ, “Wɔmɔ tendɛ kile yɛ na yɛbade. Mmamaa Nyamenle tendɛ kile yɛ, anrɛɛ yɛkɛwu.”

Ayezaya Buluku ne 6:8

Na mendele kɛ Awulae ɛlɛbiza kɛ, “Nwane a menzoa ye a, nwane a kɛhɔ kɛmaa yɛ a?” Na membuale kɛ, “Mewɔ ɛke! Soa me.”

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Ɛzoanvolɛma Gyima ne 9:6

Dwazo kɔ suakpole ne azo na bɛbahile wɔ debie mɔɔ ɔwɔ kɛ ɛyɛ la.”

Dwɔhyua Buluku ne 5:14

Nrenya ne buale kɛ, “Kyɛkyɛ, menle kpɔvolɛ. Mera kɛ mele Ɛdɛnkɛma ɛlɔnema ne Safohyenle Kpanyinli.” Dwɔhyua dule dɔle ɔ nyunlu zonlenle ye na ɔbizale ye kɛ, “Yɛmenle, mele wɔ akɛlɛ, duzu a ɛkpondɛ kɛ meyɛ a?”

1 Sam 3:10

Ɛdɛnkɛma ragyinlanle ɛkɛ ne na kɛmɔ ɔyɛ ye dɛba ne ala la, ɔvɛlɛle Samoɛle bieko, “Samoɛle, Samoɛle!” Samoɛle liele zolɛ, “Tendɛ, wɔ sonvolɛ ɛlɛtie.”

1 Sam 3:8

Ye fane nsa ne azo Ɛdɛnkɛma vɛlɛle Samoɛle. Eza ɔdwazole ɔhɔle Yilae anwo ɛkɛ ne na ɔhanle kɛ, “Ɛlɛfɛlɛ me, mera.” Na Yilae nwunle kɛ Ɛdɛnkɛma yɛɛ ɛlɛfɛlɛ kakula ne a.