1 Sam 3:19 - BAEBOLO ANZƐƐ BULUKU NWUANZANWUANZA

¹⁹ Samoɛle dule zolɛ; Ɛdɛnkɛma nee ye luale na ɔmanle edwɛkɛ biala mɔɔ Samoɛle hanle la yɛle nɔhalɛ.

1 Sam 3:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:22

Mekɛ ne anu Belemgbunli Abemɛlɛke nee Faekɔlo, ye safohyenlema kpanyinli ne mɔɔ nea ye ɛlɔnema ne anwo zo la, hɔle Ebileham ɛkɛ hɔzele ye kɛ, “Nyamenle boa wɔ wɔ debie biala mɔɔ ɛkɛze kɛ ɛyɛ la anu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:15

Na nea, me nee wɔ lua na mebanlea ɛ nwo zo wɔ ɛleka biala mɔɔ ɛkɔ la, na meava wɔ meazia meara azɛlɛ ɛhye azo. Ɔluakɛ menrɛgyakyi wɔ, kyesɛ mewie mɔɔ meva me nloa meha la yɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:2

Ɛnee Ɛdɛnkɛma nee Dwosefi a lua a, yemɔti ɔkpazile. Ɔdɛnlanle ɔ menle Yigyibitinli ne sua nu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:3

na ɔ menle ne nwunle kɛ Ɛdɛnkɛma li Dwosefi anzi, na ɔmanle debie biala mɔɔ ɔvale ɔ sa ɔhanle ye la yɛle kpalɛ.

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

2 Arl 10:10

Ɛhye kile kɛ, edwɛkɛ biala mɔɔ Ɛdɛnkɛma hanle wɔ Ehabe nee ɔ bo zo amra anwo la bayɛ nɔhalɛ. Ɛdɛnkɛma ɛyɛ mɔɔ ɔluale ye kpɔmanvolɛ Yilaegya anwo zo ɔhanle la.”

2 Arl 15:12

Yemɔti ɛwɔkɛ ne mɔɔ Ɛdɛnkɛma bɔle Belemgbunli Gyihu kɛ, “Ɛ bo zo amra bali Yizilayɛ ebia ne bie toonwo yeahɔdwu awolɛndoazo nna ne azo” la, yɛle nɔhalɛ.

2 Arl 22:16

Ɛdɛnkɛma se, “Mebadea Gyɛlusalɛm nee menli mɔɔ wɔ zolɛ la amuala, kɛmɔ bɛhɛlɛ ye wɔ buluku ne mɔɔ belemgbunli ɛgenga la anu la.

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Ayezaya Buluku ne 44:26

Medame a memaa me sonvolɛma edwɛkɛ di munli, na meyɛ mɔɔ me soanvolɛma kɛha la. Meka ye Gyɛlusalɛm anwo kɛ, ‘Menli baradɛnla zolɛ,’ na meka mekile Dwuda azuamgbole kɛ, ‘Bɛbakyekye bɛ fofolɛ, na mebakyekye bɛ azuamgbole mɔɔ ɛzɛkye la.’

Ayezaya Buluku ne 55:11

zɔhane ala yɛɛ edwɛkɛ mɔɔ vi me nloa anu kɛvinde la ɛnrɛzia ɛnrɛra me nwo ɛke mgbane a. Ɔbayɛ mɔɔ medwenle nwo kɛ ɔrayɛ la, na yeakpazi mɔɔ menzoanle ye nwolɛ la ɛyɛlɛ nu.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Luku hɛlɛle la 1:28

Nyamenle soanvolɛ ne rale ɔ nwo ɛkɛ ne na ɔzele ye kɛ, “Ɔmɔ mɔɔ Nyamenle ɛlo wɔ a, ahye o! Awulae nee wɔ de, na yeyila wɔ kpole!”

Edwɛkpa ne kɛmɔ Luku hɛlɛle la 1:80

Na kakula ne nyinle na ɔyɛle se wɔ sunsum nu. Ɔdɛnlanle fienemgbole ne anu toonwo ɔhɔkpulale kenle mɔɔ ɔyele ɔ nwo ɔhilele Yizilayɛma wɔ bagua nu la.

Edwɛkpa ne kɛmɔ Luku hɛlɛle la 2:40

Kakula ne nyinle na ɔ nwo yɛle se; nrɛlɛbɛ yile ye tɛkɛɛ, na Nyamenle yilale ye dɔɔnwo.

Edwɛkpa ne kɛmɔ Luku hɛlɛle la 2:52

Na Gyisɛse nyinle nwonane nu nee nrɛlɛbɛ nu, na ɔnyianle ɔ nyunlu wɔ Nyamenle nee menli nyunlu.

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Mɛla 18:22

Saa Nyamenle kpɔmanvolɛ biala fa Ɛdɛnkɛma duma ka edwɛkɛ na edwɛkɛ ne anyɛ zɔhane anzɛɛ anyɛ nɔhalɛ a, ɛnee ɔnle edwɛkɛ mɔɔ Ɛdɛnkɛma a ɛha a, Nyamenle kpɔmanvolɛ ne ɔdaye a yebɔ ɔ ti anu yeha a. Bɛmmasulo kpɔmanvolɛ zɔhane.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Dwɔhyua Buluku ne 21:45

Ɛdɛnkɛma lile ɛwɔkɛ biala mɔɔ ɔbɔle Yizilayɛma la azo.

Maanlebuvolɛma Buluku ne 13:24

Raalɛ ne wole ralɛ nrenya na bɛdonle ye Samesɛn. Kakula ne nyinle, na Ɛdɛnkɛma yilale ye.

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.

1 Sam 12:2

Kɛkala, bɛnyia belemgbunli mɔɔ bali bɛ ti a. Akee meyɛ kpanyinli; me ti zo ɛyɛ nwohyee. Eza bɛnlea, me mra mrenya ne mɔ wɔ bɛ avinli. Sumunli me mgbavolɛ nu, meli bɛ ti toonwo a yeradwu ɛnɛ a.

1 Sam 16:18

Mgbavolɛ ne mɔ ko zele kɛ, “Gyɛsi mɔɔ vi Bɛtelɛhɛm la amra mrenya ne mɔ ko ze ye bɔ kpalɛ kpalɛ. Ɔle sonla mɔɔ te kpɔkɛ, ɔ nwo yɛ fɛ, ɔze konle nye zo kpalɛ, ɔ nloa ɛde, yɛɛ Ɛdɛnkɛma Sunsum ne wɔ ye nu.”

1 Sam 18:12

Sɔɔlo sulo Devidi kpole, ɔluakɛ Ɛdɛnkɛma Sunsum ne ɛva Devidi na Sɔɔlo ɛdeɛ ne ɛvi ɔ nwo.

1 Sam 18:14

na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.

1 Sam 2:21

Ɛdɛnkɛma lole Hana manle ɔnyianle mralɛ mrenya nsa bieko nee mralɛ mraalɛ nwiɔ. Kakula Samoɛle kawie nyi la ɛnee yebe Ɛdɛnkɛma ɛzonlenlɛ nu.

1 Sam 2:26

Kakula Samoɛle ɛdeɛ, ɔnyinle na ɔzɔle Ɛdɛnkɛma nee menli anye.

1 Sam 9:6

Na sonvolɛ ne zele ye kɛ, “Nyamenle sonla bie wɔ suakpole ɛhye azo. Awie biala di ye eni, ɔluakɛ edwɛkɛ biala mɔɔ ɔkɛha la yɛ zɔhane. Maa yɛhɔ ɔ nwo ɛkɛ, wɔannea a ɔkɛhola ɔkɛhile yɛ ɛleka mɔɔ yɛkɛnwu asoaso ne mɔ la.”