1 Sam 3:18 - BAEBOLO ANZƐƐ BULUKU NWUANZANWUANZA

¹⁸ Yemɔti Samoɛle anva debie biala anvea ye; ɔhanle debie biala mɔɔ ɔnwunle ye nee mɔɔ ɔdele la ɔhilele ye. Na Yilae zele ye kɛ, “Ɔdaye a ɔle Ɛdɛnkɛma a; ɔyɛ debie biala mɔɔ ɔdaye ɔnea a ɔle kpalɛ la.”

1 Sam 3:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:25

Munzule ɛhɔ ɛbɔ nu, kɛ ɛkɛyɛ debie mɔɔ le zɛhae, na ɛkɛhu tenlenema ɛkɛboka amumuyɛma, na ɛkɛmaa tenlenema kɛwie ye kɛ amumuyɛma la. Ɛhye ɛmbɔnle ɛ nwo! Asoo azɛlɛ ye amuala ndɛnebuavolɛ ɛnrɛli pɛlepɛle?”

2 Sam 10:12

Si wɔ ahonle, maa yɛhile yɛ mrenya yɛmaa yɛ menli ne nee yɛ Nyamenle ne azuamgbole ne mɔ. Ɛdɛnkɛma ɛhulolɛ ɛyɛ ɛkɛ.”

2 Sam 15:26

na saa ɔse kɛ ɔ nye ɛnlie me nwo a, debie biala mɔɔ ɔkulo la ɔva ɔyɛ me.”

2 Arl 20:19

Belemgbunli Hɛzikaya dele ɛhye abo kɛ ɔ nwo badɔ ye, ɔ nzo nu adwo ye wɔ mekɛ mɔɔ ɔde aze la, yemɔti ɔbuale kɛ, “Nrɛlaleɛ mɔɔ ɛ nee ye vi Ɛdɛnkɛma ɛkɛ ne ɛra la ɛnle ɛtane.”

1 Edk 19:13

Bɛzi bɛ ahonle na bɛgyinla kpundii. Bɛmaa yɛho kpalɛ yɛmaa yɛ menli ne nee yɛ Nyamenle ne azuamgbole ne mɔ. Ɛdɛnkɛma ɛhulolɛ ɛyɛ ɛkɛ.”

Dwobu Buluku ne 1:21

Ɔse, “Meanva bie meamba na mekɔ a meava bie meahɔ. Ɛdɛnkɛma a vale manle me a, yɛɛ Ɛdɛnkɛma a ɛlie ye debie a. Ayɛlɛyelɛ ɛha Ɛdɛnkɛma duma ne.”

Dwobu Buluku ne 2:10

Dwobu buale ye kɛ, “Ɛtendɛ kɛ mraalɛ ahɔnwɔne ne mɔ anu ko tendɛ la. Saa Nyamenle kyɛ yɛ ninyɛne kpalɛ a, yemɔ yɛdie. Na saa anwubɛnyunlu to yɛ a, ɛnee duzu ati a ɔwɔ kɛ yɛkpo ye amunli a?” Wɔ amaneɛnwunlɛ ɛhye mɔ amuala anu Dwobu anloa anvula edwɛkɛ ɛtane antia Nyamenle.

Edwɛndolɛ Buluku ne 39:9

Medɔ mumule, membuke me nloa, ɔluakɛ ɛdawɔ yɛɛ wɔyɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:5

Na Ɛdɛnkɛma dwule aze amungu ne anu, ɔragyinlanle ɔ nwo ɛkɛ na ɔbɔle ye duma Ɛdɛnkɛma ne.

Ayezaya Buluku ne 39:8

Belemgbunli Hɛzikaya dele ɛhye abo kɛ ɔ nwo badɔ ye, ɔ nzo nu adwo ye wɔ mekɛ mɔɔ ɔde aze la, yemɔti ɔbuale Ayezaya kɛ, “Nrɛlaleɛ mɔɔ ɛ nee ye vi Ɛdɛnkɛma ɛkɛ ne ɛra la ɛnle ɛtane.”

Gyɛlɛmaya Buluku ne 34:6

Nyamenle kpɔmanvolɛ Gyɛlɛmaya hanle edwɛkɛ ɛhye kɔsɔɔti hilele Dwuda Belemgbunli Zɛdikaya wɔ Gyɛlusalɛm.

Gyɛlɛmaya Buluku ne 38:14

Belemgbunli Zɛdikaya manle bɛvɛlɛle Gyɛlɛmaya, na ɔyiale ye wɔ Ɛdɛnkɛma Ɛzonlenlɛ Sua ne anlenkɛ kpole ne mɔɔ tɔ zolɛ nsa la anloa. Ɔhanle ɔhilele Gyɛlɛmaya kɛ, “Mebiza wɔ edwɛkɛ, na mmafa ɛhwee ɛfea me.”

Gyɛlɛmaya Buluku ne 42:4

Na Gyɛlɛmaya buale bɛ kɛ, “Mede, bɛnlea, mebazɛlɛ Ɛdɛnkɛma bɛ Nyamenle ne meamaa bɛ, kɛmɔ bɛbiza la, na edwɛkɛ biala mɔɔ ɔkɛze kɛ menga mengile bɛ la, mebamaa bɛade; menrɛvea bɛ edwɛkɛ mɔɔ ɔkɛha la biala anu.”

Gyɛlɛmaya Awolɛyelɛ 3:39

Duzu ati a sonla mɔɔ de ngoane nu la kɛdendɛ ɔ nzo abo wɔ ye ɛtane ne mɔ anwo ndeanlɛ nwo ɛ?

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

1 Pit 5:6

Zɔhane ati, bɛbɛlɛ bɛ nwo aze wɔ Nyamenle tumi kpole ne abo, amaa saa ɔdaye ye mekɛ ne mɔɔ yehile la dwu a yeamaa bɛ zo.

Maanlebuvolɛma Buluku ne 10:15

Na Yizilayɛma zɛlɛle Ɛdɛnkɛma kɛ, “Yɛyɛ ɛtane. Debie biala mɔɔ ɛkulo la fa yɛ yɛ. Na ɛnɛ kenle ye ɛdeɛ, yɛsɛlɛ wɔ, die yɛ.”