1 Sam 3:17 - BAEBOLO ANZƐƐ BULUKU NWUANZANWUANZA

¹⁷ Yilae bizale ye kɛ, “Duzu edwɛkɛ a Ɛdɛnkɛma hanle hilele wɔ a? Mmafa ɛfea me. Debie biala mɔɔ wɔde la saa ɛfa ɛfea me a Nyamenle badua wɔ kakɛ yeagua wɔ bie zolɛ”

1 Sam 3:17 ပူးပေါင်းရင်းမြစ်များ

2 Sam 14:18

Na belemgbunli ne zele raalɛ ne kɛ, “Mmafa debie biala ɛfea me. Edwɛkɛ mɔɔ mebiza wɔ la, kpakye nuhua wienyi ka kile me.” Raalɛ ne hanle kɛ, “Nana, tendɛ.”

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

2 Sam 3:35

Alehyenlɛ ne anu, menli ne bodole Devidi kɛ ɔli debie, na ɔzele kɛ, “Nyamenle ɛdua me kakɛ ɛgua me bie zo kɛ menwɔli debie kolaa na sɛnzɛne adɔ a.”

2 Sam 3:9

Ɛdɛnkɛma bɔle Devidi ɛwɔkɛ kɛ ɔbalie belemgbunli maanle ne yeavi Sɔɔlo nee ɔ bo zo amra asa anu, na yeazie Devidi Yizilayɛ nee Dwuda belemgbunli, ɔvi maanle ne ati mɔɔ kɔdwu ɔ bo la. Saa meannea meammaa ɛwɔkɛ ɛhye anyɛ zɔhane a Nyamenle ɛhu me.”

1 Arl 22:16

Belemgbunli ne bizale ye kɛ, “Se dahuu mese wɔ kɛ anrɛɛ ɛha nyamenlezo nɔhalɛ ne ɛhile me? Fane nyɛ yɛɛ ɛkpondɛ kɛ meka ye a?”

2 Arl 6:31

Na ɔzele kɛ, “Saa ɛnɛ kenle ye meammaa bɛanye Hyeefate ara Yilaehya ati ne bɛanvi zo a, Nyamenle ɛdua me kakɛ ɛgua me bie zo.”

Edwɛndolɛ Buluku ne 141:5

Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

Gyɛlɛmaya Buluku ne 38:14

Belemgbunli Zɛdikaya manle bɛvɛlɛle Gyɛlɛmaya, na ɔyiale ye wɔ Ɛdɛnkɛma Ɛzonlenlɛ Sua ne anlenkɛ kpole ne mɔɔ tɔ zolɛ nsa la anloa. Ɔhanle ɔhilele Gyɛlɛmaya kɛ, “Mebiza wɔ edwɛkɛ, na mmafa ɛhwee ɛfea me.”

Gyɛlɛmaya Buluku ne 42:4

Na Gyɛlɛmaya buale bɛ kɛ, “Mede, bɛnlea, mebazɛlɛ Ɛdɛnkɛma bɛ Nyamenle ne meamaa bɛ, kɛmɔ bɛbiza la, na edwɛkɛ biala mɔɔ ɔkɛze kɛ menga mengile bɛ la, mebamaa bɛade; menrɛvea bɛ edwɛkɛ mɔɔ ɔkɛha la biala anu.”

Daneɛle Buluku ne 4:19

Akee Daneɛle, mɔɔ eza bɛfɛlɛ ye Bɛletihyazaa la, ahonle dule. Belemgbunli ne zele ye kɛ, “Bɛletihyazaa, mmamaa wɔ ahonle tu ɛlalɛ ne anzɛɛ ɔ bo ɛhilelɛ ne anwo.” Bɛletihyazaa buale kɛ, “Me menle, mesɛlɛ kɛ anrɛɛ ɛlalɛ ne ɛntia wɔ na ɔtia wɔ kpɔvolɛma nee menli mɔɔ kyi wɔ la!

Maeka Buluku ne 2:7

O Yizilayɛma, asoo edwɛkɛ mɔɔ bɛka la ɛne? Asoo Ɛdɛnkɛma ɛnlɛ abotane? Asoo ɔdaye a yeyɛ ɛhye mɔ a? Asoo ye edwɛkɛ ne ɛnle kpalɛ ɛmmaa mɔɔ di boɛ la?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:17

Yemɔti ɔziale na ɔradole Beelake kɛ ɔ nee Mowabe mgbanyima ne mɔ tɛgyi ye ɛyelalɛ azubɔdeɛ ne anwo. Beelake bizale ye edwɛkɛ mɔɔ Ɛdɛnkɛma hanle la.

Edwɛkpa ne kɛmɔ Mateyu hɛlɛle la 26:63

Na Gyisɛse andɛ ɔ nloa anu. Sɛlɛvolɛ Kpanyinli ne akee zele Gyisɛse kɛ, “Nea tease Nyamenle ne anyunlu na ka kile yɛ saa wɔmɔ a ɛle Mɛzaya ne, mɔɔ le Nyamenle Ara ne a.”

Wulu 1:17

Ɛleka mɔɔ ɛkɛwu ɛkɛla la, ɛkɛ ne yɛɛ medame mebawu meala a. Ɛdɛnkɛma ɛdua me kakɛ ɛgua me bie zo kɛ menwɔgyakyi wɔ menwɔzia a, kyesɛ ewule na akpakye yɛ mu nwiɔ yɛ avinli!”

1 Sam 14:44

Na Sɔɔlo zele kɛ, “Dwɔnatan, saa meammaa bɛangu wɔ a, Nyamenle ɛhu me.”

1 Sam 20:13

Saa ɔlɛ ɛ nwo adwenle ɛtane biala na meammaa wɔande, na eza meanlie wɔ ngoane a, Ɛdɛnkɛma ɛdua me kakɛ ɛgua me bie zo. Ɛdɛnkɛma nee wɔ ɛlua, kɛmɔ ɔ nee egya lua la.

1 Sam 25:22

Menli zɔhane mɔ, saa meangu bɛ meambɔ bɛ bo zo kolaa na maanle nu atete a, Nyamenle ɛhu me.”

1 Sam 3:16

Yilae vɛlɛle Samoɛle kɛ, “Me ra Samoɛle!” Samoɛle liele zolɛ, “Mewɔ ɛke.”