1 Sam 3:11 - BAEBOLO ANZƐƐ BULUKU NWUANZANWUANZA

¹¹ Akee Ɛdɛnkɛma zele Samoɛle kɛ, “Mebahile Yizilayɛma debie na awie biala mɔɔ kɛde la anwo bawozo ye.

1 Sam 3:11 ပူးပေါင်းရင်းမြစ်များ

2 Arl 21:12

Yemɔti medame, Yizilayɛ Ɛdɛnkɛma Nyamenle, mebava munzule kpole mearado Gyɛlusalɛm nee Dwudama anwo zo, amaa yeayɛ awie biala mɔɔ kɛde la azibɛnwo.

Dwobu Buluku ne 41:9

“Nea, saa sonla nye bobɔ ye mgbane bɔbɔ a, ye anyelazo yɛ mgbane na ɔ nwo bubu ye.

Ayezaya Buluku ne 28:19

Mekɛ dodo biala mɔɔ ɔse la, ɔbava bɛ, ɔluakɛ nwonlomɔ biala, alehyenlɛ biala nee aledwolɛ biala ɔbara, na nrɛlaleɛ biala mɔɔ bara la bayɛ ɛzulolɛ mɔɔ bɛnrɛde ɔ bo a.

Ayezaya Buluku ne 29:14

bɛnlea, eza mebava menli ɛhye mɔ meayɛ ninyɛne ɛzulolɛ bie mɔɔ yɛ nwanwane a. Bɛ nrɛlɛbɛvolɛma nrɛlɛbɛ baminli, yɛɛ bɛ menli mɔɔ nwu adwenle nu la deɛnwunlɛ baminli.”

Gyɛlɛmaya Buluku ne 19:3

Ka kile bɛ kɛ: Tumivolɛ Ɛdɛnkɛma, Yizilayɛ Nyamenle ne se, ‘Dwuda arelemgbunli nee Gyɛlusalɛm ezuavolɛ, bɛdie. Bɛnlea, melɛmaa munzule kpole bie arado bɛ mɔɔ awie biala mɔɔ kɛde la anwo babubu ye a.

Habakɛke Buluku ne 1:5

Akee Ɛdɛnkɛma buale kɛ “To ɛ nye nea maanle maanle ne mɔ na nea, ɔbayɛ wɔ nwanwane nee azibɛnwo. Ɔluakɛ melɛdi gyima bie wɔ wɔ mekɛ zo mɔɔ saa bɛka bɛkile wɔ a ɛnrɛlie ɛnrɛli a.

Edwɛkpa ne kɛmɔ Luku hɛlɛle la 21:26

Ɛzulolɛ ngome bamaa menli nye zo abulu wɔ mekɛ mɔɔ bɛlɛkendɛ mɔɔ bazi aleɛabo amra anwo zo la, ɔluakɛ bɛbadudu anwumaneamra bɛavi bɛ ndenle ne mɔ azo.

Ɛzoanvolɛma Gyima ne 13:41

‘Bɛnlea, bɛmɛ agolobɛnwoma! Akpule ku bɛ agua bɛ lɔ! Ɔluakɛ, gyima mɔɔ melɛdi wɔ bɛ mekɛ zo la ɛnle debie mɔɔ awie kile nu kile bɛ bɔbɔ a bɛkɛlie bɛkɛli a!’ ”

1 Sam 3:10

Ɛdɛnkɛma ragyinlanle ɛkɛ ne na kɛmɔ ɔyɛ ye dɛba ne ala la, ɔvɛlɛle Samoɛle bieko, “Samoɛle, Samoɛle!” Samoɛle liele zolɛ, “Tendɛ, wɔ sonvolɛ ɛlɛtie.”

1 Sam 4:10

Na Filisitiama honle ɛsesebɛ lile Yizilayɛma anwo zo konim bɛmanle bɛguale ndwɛlɛ aze. Bɛbiale Yizilayɛma mogya takaa; bɛhunle Yizilayɛ ɛlɔnema ne anu apenle ngoko abulasa.