1 Sam 29:4 - BAEBOLO ANZƐƐ BULUKU NWUANZANWUANZA

⁴ Filisitia safohyenlema ne vale Ekehye anwo ɛya kpole na bɛzele ye kɛ, “Maa ɔzia ɔhɔ sua ne mɔɔ ɛvale ɛmanle ye la azo. Yɛ nee ye kɔ konle ne a, ɔnrɛyɛ boɛ. Saa konle ne kyele zolɛ na wɔannea a ɔkɛpɛ ɔ nwo ɔ nee yɛ kɛho. Ɔluakɛ adenle kpalɛ biala ɛnle ɛkɛ mɔɔ ɔkola ɔfa zolɛ ɔ nee ye belemgbunli ne yɛ ko kɛ ɛhye anu ala. Ɔpepɛ yɛ ti yeahɔ na ɔ nee ye belemgbunli ne bɛ avinli azɛ.

1 Sam 29:4 ပူးပေါင်းရင်းမြစ်များ

1 Edk 12:19

Mekɛ bie Devidi nee ye ɛlɔnema hɔle kɛ bɛkaboa Filisitiama bɛamaa bɛaho bɛatia Sɔɔlo. Ɛlɔnema vi Manasɛ abusua ekpunli ne anu rale Devidi afoa. Noko akee Filisitiama ammaa Devidi amboa bɛ, ɔluakɛ Filisitia arelemgbunli zulole na bɛnyianle adwenle kɛ, “Ɔkɛbɔ yɛ tɔ! Sonla ɛyeka, ɛhyema ɛnee yezia yehɔ ɔ menle Sɔɔlo anwo lɔ.” Ɛhye ati bɛanlie ye.

1 Edk 12:20

Na mɔɔ ɔsia yeahɔ Zekelage la yɛɛ Manasɛma ɛhye mɔ rabokale ɔ nwo a. Bɛmɛ a le: Adena, Dwozabade, Gyɛdeyeeyɛle, Maekeɛle, Dwozabade, Ɛlaehu, yɛɛ Zelɛtae. Bɛle safohyenlema mɔɔ ko biala nea Manasɛ ɛlɔnema apenle nwo zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:10

Bɛmaa yɛbɔ bɛ nye anrɛɛ bɛkɛzo bɛkɛbo zolɛ. Saa yɛanyɛ ye zɔhane na yɛ nee awie mɔ nyia konle a bɛkɛboa yɛ kpɔvolɛma ne bɛkɛho bɛkɛtia yɛ na bɛanyia adenle bɛanriandi bɛavi maanle ye anu.”

Edwɛkpa ne kɛmɔ Luku hɛlɛle la 16:8

“Na nrenya sukoavolɛ ne hanvole gyaneavolɛ anyebolo ne wɔ ye nrɛlɛbɛ mɔɔ ɔbɔle ɔyɛle ye alane gyima ne la anwo, ɔluakɛ ɔnwunle kɛ ɛtane ewiade ye anu amra ze awule nwo nrɛlɛbɛ fa yɛ nwule ninyɛne nea bɛ nwo tɛla wienyi nu amra.”

1 Sam 14:21

Hibuluma bie mɔ, mɔɔ wɔ Filisitiama afoa na bɛ nee bɛ wɔ bɛ azokoɛleɛ ne la hakyile bɛ adwenle na bɛziale bɛhɔbokale Sɔɔlo nee Dwɔnatan.

1 Sam 27:6

Yemɔti Ekehye vale Zekelage manle Devidi. Ɛhye ati yɛɛ ɛnɛ Zekelage le Dwuda arelemgbunli ɛdeɛ la.

1 Sam 29:9

Na Ekehye buale ye kɛ, “Wɔ me nyunlu a ɛdi nɔhalɛ bɔkɔɔ kɛ Nyamenle soanvolɛ. Noko akee Filisitia safohyenlema ne se bɛ nee wɔ kɔ konle ne a, ɔnrɛyɛ boɛ.

1 Sam 30:1

Devidi nee ye ɛlɔnema ne zile nu la ye kenle nsa ne azo yɛɛ bɛdwule Zekelage a, na bɛnwunle kɛ Amalɛkema ɛrava Dwuda nyiakɛ maanle ne na bɛbɔ Zekelage, bɛyela sua bɔdenle ne,