1 Sam 28:8 - BAEBOLO ANZƐƐ BULUKU NWUANZANWUANZA

⁸ Yemɔti Sɔɔlo hakyile ɔ nwo, ɔwulale adɛladeɛ ngakyile, ɔvale awozinli ɔwale ɔ nye na ɔ nee ye mgbanyima ne mɔ nwiɔ hɔle raalɛ ne ɛkɛ hɔzele ye kɛ, “Biza mɔwuamra na ka edwɛkɛ mɔɔ bazi la kile me. Fɛlɛ sonla ne mɔɔ menwɔbɔ ye duma la nwomenle maa me nee ye ɛdendɛ.”

1 Sam 28:8 ပူးပေါင်းရင်းမြစ်များ

1 Arl 22:30

Yizilayɛ belemgbunli ne hanle hilele Gyɛhɔhyafate kɛ, “Mame, mebahakyi me nwo mɔɔ bɛnrɛnwu me sonla holɛ ko a, na wɔmɔ, anrɛɛ wula wɔ belemgbunli tɛladeɛ ne.” Na Yizilayɛ belemgbunli ne hakyile ɔ nwo hɔle konle ne anloa.

1 Arl 22:34

Na Seleanli ko dole ye ɛda ne ngyengyene nu bie ala, na ɔhɔwɔle Yizilayɛ Belemgbunli Ehabe wɔ ye mbulalɛ tɛladeɛ ne ayia ne mɔ bie avinli. Na ɔhanle ɔhilele ahenle mɔɔ ka ye konle ehwili ne la kɛ, “Meboda, kakyi ɛ nwo fa me fi konle ye anloa kɔ sua nu!”

1 Edk 10:13

Sɔɔlo wule, ɔboalekɛ yeanli nɔhalɛ yeammaa Ɛdɛnkɛma. Yeanli Ɛdɛnkɛma mɛla ne mɔ azo, yɛɛ eza ɔbizale moalɛ ɔvile mɔwuamra lɔ.

2 Edk 18:29

Na Ehabe hanle hilele Gyɛhɔhyafate kɛ, “Mebahakyi me nwo na meahɔ konle ne anloa, na wɔmɔ, wula wɔ belemgbunli tɛladeɛ ne ala kɔ.” Na Yizilayɛ belemgbunli ne hakyile ɔ nwo na akee bɛhɔle konle ne anloa.

2 Edk 35:22

Noko Belemgbunli Dwosaya anzia, na ɔhakyile ɔ nwo sonla gyɛne kɛ ɔkadoa ye ɔ nee ye aho. Yeandie edwɛkɛ ne mɔɔ Nyamenle vale duale Niko anloa manle ɔhanle la, na ɔ nee Niko ɛlɔnema ne bɔle konle zo wɔ Mɛgedo fienemgbole ne anu.

Ayezaya Buluku ne 8:19

Saa menli ka kile bɛ kɛ, “Bɛhɔbiza bɛ nwo wɔ menli mɔɔ tendɛ nwomenle nloa azo anzɛɛ nyɛnema mɔɔ su peapea na bɛtendɛ bɛ nzo abo la ɛkɛ a,” ɛnee bɛkpondɛ bɛaha kɛ ɔnle kɛ menli biza edwɛkɛ wɔ bɛ Nyamenle ne ɛkɛ ɔ? Asoo ɔle kpalɛ kɛ bɛkɛbiza anyewɔzoamra ati wɔ mɔwuamra ɛkɛ ɔ?

Gyɛlɛmaya Buluku ne 23:24

Asoo sonla kola fea ɔ nwo mɔɔ mengola mennwu ye a? Medame Ɛdɛnkɛma, mese, mewɔ ɛleka kɔsɔɔti, anwuma o, aze o.

Yizikeɛle Buluku ne 12:6

Bɛ nye zo ɛkɛ ne ala, maa wɔ bɔlɛ ne zo to ɛ kɔme zo na tɔ awozinli ne anu kɔ. Keda ɛ nyunlu, amaa wɔannwu ɛleka mɔɔ ɛlɛkɔ la. Ɔluakɛ meva wɔ meyɛ sɛkɛlɛneɛ memaa Yizilayɛma.”

Dw 3:19

Kɛ ndɛnebualɛ ne de la ɛne: wienyi ne ɛra ewiade ye na bɛ ninyɛndane ti, menli kulo awozinli tɛla wienyi ne.