1 Sam 28:6 - BAEBOLO ANZƐƐ BULUKU NWUANZANWUANZA

⁶ na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.

1 Sam 28:6 ပူးပေါင်းရင်းမြစ်များ

2 Sam 22:42

Bɛkpondɛle moalɛ, na bɛannyia bie; bɛvɛlɛle Ɛdɛnkɛma na yeanlie zo.

Edwɛndolɛ Buluku ne 74:9

Yɛnnwu yɛ sɛkɛlɛneɛ ne mɔ; Nyamenle kpɔmanvolɛ bieko ɛnle ɛkɛ, yɛɛ awie ɛnze kenle mɔɔ ɛhye mɔ kɛze a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:20

yɛɛ ɛhonlone ne mɔɔ tɔ zolɛ nna la, bɛva bɛlele, kanɛlea, yɛɛ gyasepa. Bɛwula ɛhye mɔ kɔsɔɔti wɔ ezukoa nvutuke boa nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:30

Bɛva Yulem nee Tɛmem ne bɛgua ndɛnebualɛ akɛnrazo aguzo ne anu mɔɔ saa Aalɔn wula a ɛnee ɔgua ye ɛbolɛ zo la, amaa saa ɔlɛba me nyunlu ɛke a ɔ nee bɛ ara. Mekɛ ɛhye mɔ anu ɔwɔ kɛ ɔwula ndɛnebualɛ akɛnrazo aguzo ne, amaa yeahola yeamaa Yizilayɛma anwu me ɛhulolɛdeɛ.

Mrɛlɛbulɛ Buluku ne 27:1

Mmafa ɛhyema ɛtu ɛ nwo, ɔluakɛ ɛnze mɔɔ alehyenlɛ nee ye lua a.

Gyɛlɛmaya Buluku ne 23:28

Nyamenle kpɔmanvolɛma mɔɔ ka ɛlalɛ la ɛha bɛ ɛlalɛ ne, na Nyamenle kpɔmanvolɛ mɔɔ ka me nrɛlaleɛ ne la ɛha me nrɛlaleɛ ne nɔhalɛ nu.” Ɛdɛnkɛma ɛlɛbiza kɛ, “Ɛhonle fa ye nienwu a nee awule sɛ a?”

Gyɛlɛmaya Awolɛyelɛ 2:9

Zayɔn nlenkɛ mgbole ne mɔ ɛbubu ɛgua; bɛ nzi mbulalɛ ne mɔ ɛbubu; bɛhye ye belemgbunli nee ye mgbanyima bɛhɔ nlɔnu; mɛla ne ɛnle ɛkɛ bieko, yɛɛ ye Nyamenle kpɔmanvolɛma ɛnnwu ɛnyelɛzodeɛnwunlɛ ɛnvi Ɛdɛnkɛma ɛkɛ.

Dwowɛle Buluku ne 2:28

“Na ɔbara kɛ nzinlii, mebawola me Sunsum ne meagua awie biala anwo zo: bɛ mra mrenya nee bɛ mra mraalɛ baha me nrɛlaleɛ ne; bɛ mgbanyinli baha ɛlalɛ, na bɛ mgbavolɛ anwu ɛnyelɛzodeɛnwunlɛ.

Sɛlɛ 8:8

Akee ɔvale akɛnrazo aguzo ne ɔwulale ye na ɔvale “Yulem” ne nee “Tɛmem” ne ɔguale nu.

Maeka Buluku ne 3:7

Bɛdabɛ mɔɔ bɛka mɔɔ kenle bie bazi la anyunlu bagua aze, yɛɛ bɛdabɛ mɔɔ bɛka ɛbizalɛ edwɛkɛ la babɔ anyiemgba. Bɛ muala bɛbamua bɛ nloa, ɔluakɛ Nyamenle ɛnrɛbua bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:6

Na Ɛdɛnkɛma zele bɛ kɛ, “Bɛdie mɔɔ meka la! Saa Nyamenle kpɔmanvolɛ ba bɛ avinli a, medame Ɛdɛnkɛma a meye me nwo mekile ye wɔ ɛnyelɛzodeɛnwunlɛ nu, na metendɛ mekile ye wɔ ɛlalɛ nu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Edwɛkpa ne kɛmɔ Mateyu hɛlɛle la 1:20

Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a.

Dw 9:31

Yɛze kɛ Nyamenle ɛndie ɛtanevolɛma, ɔtie bɛdabɛ mɔɔ bɛbu ye bie na bɛyɛ mɔɔ ɔkpondɛ kɛ bɛyɛ la.

Mɛla 33:8

Mɔɔ ɔhanle wɔ Livae abusua ekpunli ne anwo la ɛne: “Ɛdɛnkɛma, dua Livaema ye anwo zo maa bɛva Yulem nee Tɛmem bɛye wɔ ɛhulolɛdeɛ bɛhile. Ɛzɔle bɛ ɛnleanle wɔ Masa na ɛnwunle bɛ nɔhalɛlilɛ wɔ Mɛleba nzule nloa.

Gyemise Kɛlata ne 4:3

Bɛbiza noko a bɛ sa ɛnga ye, ɔboalekɛ bɛnva adwenle kpalɛ bɛmbiza; bɛbiza ninyɛne mɔɔ kɛmaa bɛ ngome bɛ nye kɛlie la.

1 Sam 14:37

Na Sɔɔlo bizale Nyamenle kɛ, “Menva konle mengɔndoa Filisitiama ɔ? Ɛkɛye bɛ ɛkɛmaa Yizilayɛma ɔ?” Na kenle ko ne Nyamenle ammaa ye mualɛ.

1 Sam 28:15

Akee Samoɛle zele Sɔɔlo kɛ, “Duzu ati yɛɛ wɔgyegye me zɛhae wɔmaa mezia mera ɛke bieko ɛ?” Sɔɔlo buale ye kɛ, “Kɛkala, edwɛkɛ ɛdo me, ɔluakɛ Filisitiama ɛlɛfa konle aradoa me. Mebiza Nyamenle nwolɛ bie, na yeanga me ɛlalɛ yɛɛ yeammaa Nyamenle kpɔmanvolɛ bie ambua nwolɛ fee. Yemɔti yɛɛ mevɛlɛ wɔ a, amaa wɔaha mɔɔ ɔwɔ kɛ meyɛ la wɔahile me.”

1 Sam 28:5

Mɔɔ Sɔɔlo nwunle Filisitia ɛlɔnema ne somaa la, ɔ nwo mɔra dule,