1 Sam 28:23 - BAEBOLO ANZƐƐ BULUKU NWUANZANWUANZA

²³ Sɔɔlo hɔsɔle ɔ ti na ɔzele kɛ, “Menrɛli debie.” Na ye sonvolɛma ne nee raalɛ ne kponle ye toonwo manle ɔkponlenle. Yemɔti ɔvi azɛlɛ ne anwo ɔdwazole ɔdɛnlanle ɛsokpa ne azo.

1 Sam 28:23 ပူးပေါင်းရင်းမြစ်များ

1 Arl 21:4

Kɛmɔ Neebɔto hanle hilele ye kɛ, “Nyamenle ɛkpa ɛgua kɛ menwɔva me mgbanyinli agyadeɛ menwɔmaa wɔ” la, ɛya nee nyane hunle Belemgbunli Ehabe kpole; ɔhɔle sua nu ɔhɔlale ye mgba ne azo, ɔhakyile ɔ nye bane nwo na ɔkpole aleɛ.

2 Kɔl 5:14

Ɔluakɛ Kelaese ɛhulolɛ ne a sie yɛ a, ɔboalekɛ yɛdie yɛto nu kɛ sonla ko wule manle menli kɔsɔɔti, na ye zɔhane ati menli kɔsɔɔti ɛwu.

Ɛzoanvolɛma Gyima ne 16:15

Na ɔmanle bɛzɔnenle ye nee ye sua nu amra amuala, na ɔzele yɛ kɛ, “Saa bɛbu me kɛ melɛ diedi wɔ Awulae anu a, ɛnee bɛ nee me ɛradɛnla me sua nu.” Ɔtinlinle zolɛ na ɔ nee yɛ hɔle.

Edwɛkpa ne kɛmɔ Luku hɛlɛle la 24:29

na bɛzele ye kɛ, “Maa yɛhɔla na mekɛ ne ɛhɔ, aleɛ ɛlɛdwo.” Yemɔti Gyisɛse nee bɛ hɔle sua nu.

Edwɛkpa ne kɛmɔ Luku hɛlɛle la 14:23

Yemɔti awuke menle ne zele ye sonvolɛ ne kɛ, ‘Kɔ ademgbole ne mɔ nee ndenle ngyikyi ne mɔ anu na twe menli maa bɛrɛla bɛrayi me sua ye.

Mrɛlɛbulɛ Buluku ne 25:20

Saa ɛto edwɛne ɛmaa sonla mɔɔ arɛle ɛbɔ la a ɔle kɛ ɛlɛkpa sonla nwo ɛdanlɛ wɔ ɛyɛlɛ mekɛ nu anzɛɛ ɛlɛfa nzanvinli wɔado hanlɛ nu la.

2 Arl 5:13

Na ye sonvolɛma ne mɔ hɔle ɔ nwo ɛkɛ ne na bɛzele ye kɛ, “Yɛmenle, saa Nyamenle kpɔmanvolɛ ne zele wɔ kɛ ɛyɛ debie ɛsesebɛ bie a anrɛɛ ɛnrɛyɛ ɔ? Duzu ati yɛɛ akee ɛnrɛhɔdɔ Azule ne anu fane nsuu ne na ɛnrɛde kpɔkɛ ɛ?”

2 Arl 4:8

Kenle ko Yilaehya hɔle Hyunɛm na raalɛ sukoavolɛ bie mɔɔ wɔ ɛkɛ ne la vɛlɛle ye manle ɔrakpulale ɔ sa. Ɛhye ati kenle biala mɔɔ ɔkɛva ɛkɛ ne adenle zo la, ɔmakyi ɛkɛ ne ɔdi debie.

1 Sam 28:22

Yemɔti mɔɔ mebiza wɔ la, ɛdawɔ noko yɛ maa me. Maa membɔ akposi ekyi memaa wɔ na di debie maa ɛ nwo ɛgyinla wɔ na wɔahɔ.”

Ɛseta Buluku ne 1:6

Bɛvale ninyɛne ngɛnlɛma ngakyile dɔɔnwo bɛzieziele suakunlu ɛkɛ ne: mgbɛnu ndanlɛ fufule nee buluwu mɔɔ bɛva lenen ndanlɛ kɔkɔlɛ ndenrɛndenra ngɛnlɛma bɛbobɔ bɛ avinli, na dwɛtɛ fufule ngɛba sosɔ bɛ nloa la hendɛhenda mpila mɔɔ bɛvale awolɛ memeamemea mɔɔ sonle bolɛ la a bɛsisile la. Mbia mɔɔ gyigyi alie nwo ɛkɛ ne la, bɛvale ezukoa nvutuke nee dwɛtɛ fufule a bɛyɛle a. Azɛlɛ ne anwo bɔbɔ, bɛvale awolɛ memeamemea mɔɔ sonle bolɛ la a bɛdole a.

Yizikeɛle Buluku ne 23:41

bɛdɛnlanle ehwili kɛnlɛma mɔɔ bɛzie ɛkponle nu na bɛva me ɛyɛlɛ evuanlɛ ne nee me nwole ne bɛzie zolɛ la anu.