1 Sam 27:8 - BAEBOLO ANZƐƐ BULUKU NWUANZANWUANZA

⁸ Mekɛ ɛhye anu, ɔyɛ a ɛnee Devidi nee ye ɛlɔnema ne ɛva konle ɛhɔdoa Gɛhyɛma, Gɛzaema yɛɛ Amalɛkema mɔɔ de maanzinli ne anu dɛba la. Bɛwuale bɛ azɛlɛ ne azo ninyɛne bɛvi Hyulu toonwo bɛdwule Yigyibiti ɛweɛne zo.

1 Sam 27:8 ပူးပေါင်းရင်းမြစ်များ

2 Sam 14:23

Na Dwowabe hanle ɔ nwo hɔle Gihyɛ hɔvale Abesalɛm rale Gyɛlusalɛm.

2 Sam 14:32

Abesalɛm buale ye kɛ, “Mengɛlale wɔ nrɛlaleɛ kɛ ɛrɛla, amaa meazoa wɔ wɔ belemgbunli ɛkɛ meamaa wɔahɔbiza ye kɛ, ‘Duzu ati a wɔmaa mevi Gihyɛ mera ɛ? Ɔle kpalɛ kɛ anrɛɛ mendɛnlanle nehane.’ Yemɔti mekpondɛ kɛ ɛ nee me kɔ belemgbunli ɛkɛ ne. Saa medi fɔlɛ a ɔhu me.”

2 Sam 15:8

Mekɛ mɔɔ mewɔ Gihyɛ mɔɔ wɔ Arelam la, membɔle ɛwɔkɛ kɛ, ‘Saa Ɛdɛnkɛma boa me maa mesia meba Gyɛlusalɛm a, menwɔhɔzonle ye wɔ Hibulɔn.’ ”

2 Sam 3:22

Nzinlii Dwowabe nee Devidi mgbanyima ne bie mɔ vi ɛleka mɔɔ bɛhɔtetale menli bɛwuale bɛ ninyɛne la rale. Bɛ nee anwonyia dɔɔnwo rale. Ɛnee Abenɛɛ ɛnle Devidi anwo ɛkɛ wɔ Hibulɔn, ɔboalekɛ Devidi ɛgua ye adenle ɛmaa yehɔ na yebɔ ye ɛwɔkɛ kɛ bɛbabɔ ɔ nwo bane.

2 Sam 3:3

Keleabe, ɔ nli a le Abegeli mɔɔ Neebale mɔɔ ɛha ɛleka bie la gyale ye la; ɔvi Kamɛle. Abesalɛm, ɔ nli a le Meeyaka, Belemgbunli Talemae mɔɔ vi Gɛhyɔ la ara raalɛ ɔ;

2 Sam 8:12

Ɔnyianle ninyɛne ne ɔvile Yidɔm, Mowabe, Amɔn, Filisitia, Amalɛke yɛɛ ɔnyianle bie noko ɔvile Zoba Belemgbunli Hadadizɛ ɛkɛ.

1 Edk 2:23

Na Gihyɔ nee Ɛlam amra honle vale maanle ne anu azua abulasia; Gyeeyɛɛ nee Kinate namunamu ne mɔ nee azua mɔɔ bikye ɛkɛ ne afoa nu la amuala boka nwolɛ. Menli mɔɔ ɛnee wɔ azua ɛhye mɔ azo la amuala le Meekɛ mɔɔ ɔ ra a le Geleade la abo zo amra.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:22

Akee Mosisi lile Yizilayɛma ati ɔ nee bɛ vi Ndɔ Nyevile ne anloa hɔle Hyɔɔ fienemgbole ne anu. Bɛdiale toonwo kenle nsa, na bɛannwu nzule nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:8

Amalɛkema nee Yizilayɛma hɔhonle wɔ Relɛfedem.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:29

Amalɛkema de azɛlɛ ne nyiakɛ afoa nu. Hɛtema, Gyibɛsema nee Amɔlema dede azua mɔɔ gua awoka ne mɔ azo la azo; yɛɛ Keenama dede Mɛdetɛlenia Nyevile ne nee Azule Dwɔdan ne anloa.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:45

Na Amalɛkema nee Keenama mɔɔ dede azua mɔɔ gua awoka ne mɔ azo la dwule aze ratetale bɛ lile bɛ nwo zo konim, na bɛvoanle bɛ toonwo bɛhɔdwule Hɔɔma.

Dwɔhyua Buluku ne 12:5

Hɛmɔn Boka, Salika, yɛɛ Beehyan azɛlɛ ne amuala kɔgua Gɛhyɛ nee Meeyaka ɛweɛne ne mɔ azo, Geleade azɛlɛ ne foa ko mɔɔ kɔkpula Belemgbunli Saehɔn mɔɔ wɔ Hɛhyebɔn la azɛlɛ ne ɛweɛne zo la amuala boka Belemgbunli Ɔɔgo maanle ne anwo.

Dwɔhyua Buluku ne 13:13

Noko Yizilayɛma anvoa Gɛhyɛma nee Meeyakama; kɛkala bɔbɔ bɛtɛte Yizilayɛma avinli.

Dwɔhyua Buluku ne 13:2

Azɛlɛ zɛhae mɔ tɛbɔ ɛkɛ: Filisitiama nee Gɛhyɔnoma azɛlɛ ne amuala,

Dwɔhyua Buluku ne 16:10

Noko bɛanvoa Keenama mɔɔ de Gizɛ la, yemɔti Keenama nee Yifelaemma ɛdɛnla toonwo a yeradwu ɛnɛ a, na bɛmaa Keenama yɛ gyima kɛ bɛle ahanra.

Maanlebuvolɛma Buluku ne 1:29

Yifelaem abusua ekpunli ne anu amra noko andu Keenama mɔɔ wɔ Gizɛ la. Keenama dɛnlanle Gizɛ ɛkɛ ne ala.

1 Sam 29:6

Belemgbunli Ekehye vɛlɛle Devidi na ɔzele ye kɛ, “Meka Ɛdɛnkɛma kɛ wɔli nɔhalɛ wɔmaa me bɔkɔɔ. Ɔhale me ngome a anrɛɛ mese ɛmaa yɛhɔ konle ne, ɔluakɛ sumunli kɛ ɛ nee me radɛnlanle la, metɛnwunle ɛtane biala mɔɔ wɔyɛ me toonwo a yeradwu ɛnɛ demua ye a. Noko akee arelemgbunli mɔɔ ɛha la ɛnlie ɛndo nu kɛ ɛ nee yɛ kɛhɔ.

1 Sam 30:1

Devidi nee ye ɛlɔnema ne zile nu la ye kenle nsa ne azo yɛɛ bɛdwule Zekelage a, na bɛnwunle kɛ Amalɛkema ɛrava Dwuda nyiakɛ maanle ne na bɛbɔ Zekelage, bɛyela sua bɔdenle ne,