1 Sam 26:9 - BAEBOLO ANZƐƐ BULUKU NWUANZANWUANZA

⁹ Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”

1 Sam 26:9 ပူးပေါင်းရင်းမြစ်များ

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

2 Sam 1:16

Akee Devidi zele ye kɛ, “Wɔ mogya ɛgua ɛdawɔ ɛ ngome ɛ ti zo, ɔluakɛ ɛdawɔ ɛ nloa ɛli daselɛ ɛtia wɔ kɛ wɔhu sonla mɔɔ Ɛdɛnkɛma ɛkpokpa ye nwole la.”

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

Edwɛndolɛ Buluku ne 105:15

ɔhanle kɛ, “Awie biala mmafa ɔ sa ka me menli ne mɔɔ mekpa nu meye bɛ la; awie biala mmagyegye me kpɔmanvolɛma ne.”

Edwɛndolɛ Buluku ne 17:4

Kɛmɔ ɛ nloa edwɛkɛ se la, mekpo kɛ menrɛli ɛtane, kɛmɔ menli ne bie mɔ yɛ la.

Edwɛndolɛ Buluku ne 57:1

Nwu me anwunvɔne, O Nyamenle, nwu me anwunvɔne, ɔluakɛ wɔ nuhua yɛɛ me ɛkɛla nriandi fea a; mebanriandi mearavea ɛ ndɛba abo, kɔkpula kɛ ahumu mgbole ne mɔ kɛgua la.

Edwɛndolɛ Buluku ne 7:4

saa meva ɛtane medua me gɔnwo bie kakɛ, anzɛɛ mgbane gyɛne ne ala mesesa me kpɔvolɛ ninyɛne a,

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 26:8

Na Abehyae zele Devidi kɛ, “Ɛnɛ demua ye, Nyamenle ɛye wɔ kpɔvolɛ ne ɛwula ɛ sa nu, maa menwɔ ye atwɛ na membɔ ye pemgbɛne azɛlɛ ne anwo; mewɔ ye kokye ala, menrɛdia zolɛ nwiɔ.”