1 Sam 26:8 - BAEBOLO ANZƐƐ BULUKU NWUANZANWUANZA

⁸ Na Abehyae zele Devidi kɛ, “Ɛnɛ demua ye, Nyamenle ɛye wɔ kpɔvolɛ ne ɛwula ɛ sa nu, maa menwɔ ye atwɛ na membɔ ye pemgbɛne azɛlɛ ne anwo; mewɔ ye kokye ala, menrɛdia zolɛ nwiɔ.”

1 Sam 26:8 ပူးပေါင်းရင်းမြစ်များ

2 Sam 16:9

Zɛluaya ara Abehyae zele belemgbunli ne kɛ, “Duzu ati bɔbɔ yɛɛ twea funli ɛhye kɛbɔ Nana aholoba ɛ? Nana, maa mengɔnli ɔ ti ne antɛnlɛma memaa ye.”

Edwɛndolɛ Buluku ne 31:8

Ɛtɛyele me ɛtɛmanle me kpɔvolɛma; wɔva me wɔzie azɛlɛ tɛtɛlɛ zo.

Gyɛlɛmaya Buluku ne 40:15

Akee Kalia ara nrenya Dwoheenan dule Gɛdalaya azukue wɔ Mezepa kɛ, “Maa me adenle maa mengɔngu Yehyemeeyɛle na awie ɛnrɛnwu ye. Duzu ati a ɔwɔ kɛ Yehyemeeyɛle ku wɔ, na Dwuuma mɔɔ ɛ nee bɛ de la kɔsɔɔti kɛbɔ asande, na bɛ bo zo kɛminli bɔkɔɔ ɛ?”

Nahum Buluku ne 1:9

Duzu akpamo a bɛlɛkɔ ye Ɛdɛnkɛma anwo a? Ɔbamaa ɔ muala abo agua; ɔnli ye kpɔvolɛma nzenralɛ ɔndia nwiɔ.

Wulo 11:32

Ɔluakɛ Nyamenle ɛva ye kɛ menli kɔsɔɔti ɛyɛ anzosesebɛ, amaa yeanwu bɛ muala anwunvɔne.

Mɛla 32:30

Kɛ ɔkɛyɛ na baholɛ avoa apenle, na menli nwiɔ aha apenle bulu agua ɛbɔ nu ɛ? Kyesɛ Ɛdɛnkɛma bɛ Bodane ne ɛdɔne bɛ ɛmaa, na Ɛdɛnkɛma ɛye bɛ ɛmaa.

Dwɔhyua Buluku ne 21:44

Ɛdɛnkɛma manle bɛ anzonudwolɛ wɔ bɛ azɛlɛ ne azo, kɛmɔ ɛwɔkɛ ne mɔɔ ɔbɔle bɛ nlenya mɔ la se la. Bɛ kpɔvolɛma ne anu ko bɔbɔ angola bɛ nyunlu gyinla, ɔboalekɛ Ɛdɛnkɛma manle bɛlile konim wɔ bɛ muala bɛ nwo zo.

Maanlebuvolɛma Buluku ne 1:4

Dwuda hɔle, na Ɛdɛnkɛma yele Keenama nee Pɛlɛzema manle bɛ, na bɛbɔle menli apenle bulu abo zo wɔ Bizɛke.

1 Sam 23:14

Devidi veale fienemgbole ne mɔɔ zua Zefe la anu wɔ awoka ne mɔ azo. Sɔɔlo bɔle mɔdenle kpondɛle ye biala, na Nyamenle anye Devidi ammaa ye ɛlɛ.

1 Sam 24:4

Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 24:5

Akee Devidi adwenle bɔle ɔ bo kɛ ɔgyegye ye, kɛ yepɛ Sɔɔlo tɛladeɛ ne sinli a.

1 Sam 26:23

Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.

1 Sam 26:7

Yemɔti Devidi nee Abehyae hɔle ɛlɔnema azokoɛleɛ ɛkɛ ne nɔe ne, na bɛhɔnwunle kɛ Sɔɔlo ɛlafe botoo na ye atwɛ ne kpɔnla ɔ ti sɔlɔ; Abenɛɛ nee ɛlɔnema ne noko ɛbɔ ɛyia ye na bɛdabɛ bɛlafe.

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”