1 Sam 26:7 - BAEBOLO ANZƐƐ BULUKU NWUANZANWUANZA

⁷ Yemɔti Devidi nee Abehyae hɔle ɛlɔnema azokoɛleɛ ɛkɛ ne nɔe ne, na bɛhɔnwunle kɛ Sɔɔlo ɛlafe botoo na ye atwɛ ne kpɔnla ɔ ti sɔlɔ; Abenɛɛ nee ɛlɔnema ne noko ɛbɔ ɛyia ye na bɛdabɛ bɛlafe.

1 Sam 26:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:19

Eza ka kile bɛ maa bɛyɛ ɛhye: Bɛva ehwili bɛvi ɛke bɛhɔ na bɛava ngakula ne mɔ nee bɛ ye mɔ, na bɛva bɛ ze bɛrɛla.

1 Sam 17:20

Aleɛbahye ne ala Devidi vale mboane ne mɔ wulale awie asa anu, na ɔvale aleɛ ne ɔzile nu ɔhɔle, kɛmɔ ɔ ze Gyɛsi zele ye la. Ɔdwule azokoɛleɛ ne la ɛnee ɛlɔnema ne ɛdu ɛdenrɛ ɛlɛto konle edwɛne ahɔ konle ne anloa.

1 Sam 26:6

Akee Devidi bizale Ahemɛlɛke, Hɛtenli ne nee Dwowabe adiema nrenya Abehyae (Bɛ nli a le Zɛluaya) kɛ, “Bɛ nuhua boni a nee me kɛhɔ Sɔɔlo azokoɛleɛ ne a?” Na Abehyae zele kɛ, “Medame a me nee wɔ kɔ a.”

1 Sam 26:8

Na Abehyae zele Devidi kɛ, “Ɛnɛ demua ye, Nyamenle ɛye wɔ kpɔvolɛ ne ɛwula ɛ sa nu, maa menwɔ ye atwɛ na membɔ ye pemgbɛne azɛlɛ ne anwo; mewɔ ye kokye ala, menrɛdia zolɛ nwiɔ.”