1 Sam 26:20 - BAEBOLO ANZƐƐ BULUKU NWUANZANWUANZA

²⁰ Mmamaa mekpɔkye me nwo mefi Ɛdɛnkɛma anwo, na mewu maanle gyɛne nu. Duzu ati yɛɛ Yizilayɛ belemgbunli ne kɛdu medame, mɔɔ membɔnle nzule la mgbaliko zɛhae a? Duzu ati a ɔlɛtɛ me kɛ bɛtɛ anloma bɛahye ye la ɛ?”

1 Sam 26:20 ပူးပေါင်းရင်းမြစ်များ

Gyɛlɛmaya Buluku ne 16:16

Ɛdɛnkɛma se, “Bɛnlea, melɛto ɛsalɛ meavɛlɛ fɛlɛkyevoma dɔɔnwo meamaa bɛarahye menli ne. Ɛhye anzi mebavɛlɛ menli mɔɔ di ɛbɔlɛ la dɔɔnwo meamaa bɛahɔhwe menli ne bɛavi awoka mgbole nee ngyikyi ne mɔ azo, yɛɛ awolɛ mgbole ne mɔ avinli bɛara.

Gyɛlɛmaya Awolɛyelɛ 3:52

“Me kpɔvolɛma ɛhye me kɛ anloma, bɛkpɔ me mgbane gyɛne ne ala;

Edwɛkpa ne kɛmɔ Mateyu hɛlɛle la 26:47

Mɔɔ Gyisɛse anloa wɔ zo ɔlɛtendɛ la yɛɛ Dwudase mɔɔ le bulu nee nwiɔ ne anu ko la rale a. Ɔ nee menli dɔɔnwo kpalɛ mɔɔ bie mɔ dedɛ dadeɛ nee ahoholombaka la a rale a. Sɛlɛvolɛ mgbanyinli ne nee Dwuu mgbanyima ne mɔ a zoanle bɛ a.

Edwɛkpa ne kɛmɔ Mateyu hɛlɛle la 26:55

Akee Gyisɛse zele ɛlɔne ne kɛ, “Duzu ati a bɛdedɛ dadeɛ nee ahoholombaka bɛra bɛbahye me kɛ asɛɛ bɛdoa awule la ɛ? Dahuu mekilehile wɔ Ɛzonlenlɛ Sua ne anu, noko bɛangye me.

1 Sam 2:9

“Ɔsinza menli mɔɔ di nɔhalɛ maa ye la, na ɔmaa amumuyɛma minli esike nu, ɔluakɛ tɛ sonla ɔdaye ye anwosesebɛ yɛɛ ɔfa ɔdi konim a.

1 Sam 24:11

Nana, nea, wɔ tɛladeɛ ne sinli a melɛ ye me sa nu la. Sumunli kenle ala mɔɔ mempɛle wɔ tɛladeɛ ne sinli na meangu wɔ la le sɛkɛlɛneɛ kpole kile kɛ menlɛ ɛ nwo adwenle ɛtane biala, yɛɛ metɛtele ɛ nwo atua. Metɛyɛle ɛtane biala metɛtiale wɔ, noko wɔyele ɛ nwo ɛsesebɛ ala kɛ ɛkpondɛ me wɔahu me.

1 Sam 24:14

Na nwane a Yizilayɛ belemgbunli ne ɛlɛbɔ mɔdenle kɛ ɔku ye a? Na nwane bɔbɔ yɛɛ ɛlɛfoa ye ndinlizo a? Twea funli ɔ, ɛzozoa ɔ!

1 Sam 24:15

Ɛdɛnkɛma babua yɛ mu nwiɔ ndɛne yeanwu nuhua mɔɔ di fɔlɛ la. Ɔnleɛnlea edwɛkɛ ne anu, ɔlie me ti na ɔlie me ɔvi ɛ sa nu.”

1 Sam 25:29

Saa awie se kɛ ɔku wɔ a, Ɛdɛnkɛma wɔ Nyamenle ne bava wɔ avea gyɛlɛɛnye, kɛmɔ sonla sinza ye agyadeɛ mɔɔ sonle bolɛ la. Na mɔɔ fane wɔ kpɔvolɛma ne mɔ anwo, ɔbavuandi bɛ yeagua kɛ bɛto totoabɔ la.