1 Sam 26:19 - BAEBOLO ANZƐƐ BULUKU NWUANZANWUANZA

¹⁹ Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.

1 Sam 26:19 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:18

Akee Dwuda hwenle bikyele Dwosefi na ɔhanle kɛ, “O me menle, mebodo wɔ, maa wɔ sonvolɛ, menva me edwɛkɛ mendo ɛ nyunlu. Mmafa me nwo ɛya, ɔluakɛ ɛle kɛ belemgbunli ne ala la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

2 Sam 14:16

Meze kɛ belemgbunli badie me na yealie me yeavi ahenle ne mɔɔ kpondɛ kɛ ɔku me nee me ra nrenya ne na ɔye yɛ aluma ɔfi azɛlɛ ye mɔɔ Nyamenle ɛva ɛmaa ye menli la azo la asa anu.

2 Sam 16:10

Na belemgbunli ne zele Abehyae nee ɔ diema Dwowabe kɛ, “Bɛmɛ Zɛluaya amra, ɛhye ɛnle bɛ edwɛkɛ. Saa Ɛdɛnkɛma yɛɛ ɛze ye kɛ ɔbɔ Devidi sasa a ɛnee nwane a lɛ adenle kɛbiza ye kɛ, ‘Duzu ati a wɔyɛ ɛhye ɛ?’ ”

2 Sam 16:11

Akee Devidi zele Abehyae nee ye mgbanyima ne mɔ amuala kɛ, “Me kunlu ralɛ bɔbɔ ɛlɛpɛ me nwo adenle yeahu me, na Bɛngyamanenli ye ɛdeɛ mɔɔ ɛlɛyɛ la yɛɛ yɛ bɛ azibɛnwo a. Bɛgyakyi ye bɛmaa ɔbɔ me sasa. Ɛdɛnkɛma a se ɔyɛ a.

2 Sam 20:19

Anzonudwolɛ menli nee menli mɔɔ di nɔhalɛ wɔ Yizilayɛ la ko a le me. Ɛkpondɛ kɛ ɛbɔ suakpole ɛhye mɔɔ le tete wɔ Yizilayɛ la ɔ? Ɛkpondɛ kɛ ɛsɛkye debie mɔɔ le Ɛdɛnkɛma ɛdeɛ la ɔ”

2 Sam 21:3

Devidi bizale Gebɛyɔnoma kɛ, “Duzu a menyɛ memaa bɛ a? Ɛtane mɔɔ bɛva bɛyɛ bɛ la, duzu debie yɛɛ meyɛ a bɛ kunlu kɛdwo na bɛayileyila Ɛdɛnkɛma menli ne a?”

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

1 Edk 21:1

Akee Seetan dwazole kɛ ɔfa ngyegyelɛ yeara Yizilayɛ, na ɔlile Devidi adwenle kɛ ɔdia Yizilayɛma amuala.

Edwɛndolɛ Buluku ne 120:5

Abule ɛbu me kɛ mekɔ Mihyɛke, na metɛnla Kidaa ndanlɛ sua nu a!

Edwɛndolɛ Buluku ne 20:4

Ɔmaa ɛ sa ɛha mɔɔ ɛkpondɛ la, na ɔmaa wɔ adwenle ngyehyɛlɛ muala ɛyɛ zɔ.

Mrɛlɛbulɛ Buluku ne 30:10

Mmatoɔdoa sonvolɛ ɛkile ɔ menle, anrɛɛ ɔkɛwa wɔ amonle ɔkɛmaa ɛkɛli fɔlɛ.

Ayezaya Buluku ne 60:5

Akee bɛbanwu bɛ na bɛali fɛlɛko, Bɛ ahonle nu bayɛ wuluwulu na bɛ nye alie, Ɔluakɛ nyevile nzi ninyɛne kɔsɔɔti bayɛ bɛ ɛdeɛ, Maanle maanle ne mɔ anwonyia bayɛ bɛ ɛdeɛ.

Sɛlɛ 26:31

Mebamaa bɛ azuamgbole ayɛ azuadu, na meazɛkye bɛ ɛleka nwuanzanwuanza ne mɔ mɔɔ bɛsonle la, yɛɛ menrɛlie bɛ azubɔlɛ evuanlɛ ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 36:7

Ɔnle kɛ bɛfa Yizilayɛma mbusua ekpunli ne mɔ anu agyadeɛ ne bie bɛfi ko anu bɛkɔ ko anu. Ɔwɔ kɛ abusua ekpunli ko biala sɔ ye agyadeɛ ne mɔ anu kpundii.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 36:9

na agyadeɛ ne mɔ vi abusua ekpunli ko anu angɔ abusua ekpunli gyɛne nu.’ ”

Wulo 14:15

yɛɛ saa ɛmaa aleɛ mɔɔ ɛdi la amaa ɛ gɔnwo ali nyane a ɛnee ɛngulo ye. Mmamaa wɔ aleɛ mɔɔ ɛdi la sɛkye sonla mɔɔ Kelaese ɛwu ɛlie ye ngoane la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:12

Me kunlu a anrɛɛ menli mɔɔ ɛlɛgyegye bɛ la kɛhɔ zo zɛhae ala na bɛkɛza bɛ nwo bɔbɔ.

Mɛla 13:3

bɛmmatie Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la edwɛkɛ biala. Ɔluakɛ ɛnee Ɛdɛnkɛma bɛ Nyamenle ne lɛ ye ɛlɛsɔ bɛ anlea saa bɛfa bɛ ahonle muala nee bɛ ɛkɛla muala bɛkulo ye a.

2 Tem 4:14

Alɛzanda mɔɔ le kɔbele dwinvolɛ ne ɛyɛ me ɛtane kpole, na Awulae badua ye nwolɛ kakɛ noko, kɛmɔ ɔfɛta la.

1 Sam 18:10

Aleɛ hyenle la Nyamenle manle sunsum ɛtane bie dwule Sɔɔlo anwo zo, na ɔdeɛdeanle nu mgbane mgbane wɔ ye sua ne anu. Devidi bɔle ye sanwule ne, kɛmɔ ɔbɔ ye dɛba ne ala la. Mekɛ zɔhane ɛnee Sɔɔlo lɛ ye atwɛ ne ɔ sa nu.

1 Sam 24:9

na ɔzele ye kɛ, “Duzu ati a ɛtie menli mɔɔ se wɔ kɛ ‘Devidi kpondɛ wɔ ahu wɔ’ la anloa ɛ?

1 Sam 25:24

Ɔdule ɔdɔle ɔ gyakɛ anu na ɔzele ye kɛ, “Yɛmenle, mesɛlɛ wɔ, tie me. Medi ɛhye anwo ɛzonle.

1 Sam 27:1

Devidi hanle ye ɔ ti anu kɛ, “Kɛ ɔkɛyɛ biala la, kenle ko Sɔɔlo asa baha me yeahu me. Mɔɔ ɔwɔ kɛ meyɛ la a le kɛ, meye me nwo zo meahɔ Filisitiama maanle nu. Na saa ɔba ye zɛhae a Sɔɔlo asa anu bado, ɔbagyakyi me ɛkpondɛlɛ wɔ Yizilayɛ maanle ye anu, na meanyia me ti.”