1 Sam 26:16 - BAEBOLO ANZƐƐ BULUKU NWUANZANWUANZA

¹⁶ Nyɛleɛ ɛhye mɔɔ wɔyɛ la ɛnle kpalɛ, ɔluakɛ wɔanli wɔ gyima ne. Abenɛɛ, meka tease Ɛdɛnkɛma kɛ, bɛ kɔsɔɔti bɛfɛta ewule, ɔboalekɛ bɛangola bɛanzinza bɛ belemgbunli ne mɔɔ Ɛdɛnkɛma ɛzie ye ɛmaa bɛ la. Nea, belemgbunli ne atwɛ ne wɔ nienwu?”

1 Sam 26:16 ပူးပေါင်းရင်းမြစ်များ

2 Sam 12:5

Mɔɔ Devidi dele edwɛkɛ ne la, ɔvale nrenya sukoavolɛ ne anwo ɛya kpole. Ɔzele Neetan kɛ, “Meka tease Ɛdɛnkɛma kɛ, sukoavolɛ ne mɔɔ bɔle ɛbɛla ɛhye la fɛta ewule.

2 Sam 19:28

Nana, anrɛɛ ɛnee ɔwɔ kɛ bɛku egya abusua ne anu amra kɔsɔɔti, noko ɛvale wɔ sonvolɛ, medame, ɛbokale menli mɔɔ kpula bɛ sa wɔ wɔ ɛkponle ne anwo la anwo. Na ɛnee akee duzu bieko bɔbɔ yɛɛ mekpondɛ wɔ belemgbunli ɛkɛ a?”

1 Arl 2:26

Belemgbunli ne hanle hilele sɛlɛvolɛ Abayata kɛ, “Kɔ wɔ maanle nu wɔ Anato. Ɛfɛta ewule, noko menrɛmaa bɛnrɛhu wɔ, ɔluakɛ wɔmɔ a ɛnleanle Ɛdɛnkɛma Ngyekyeleɛ Ɛlɛka ne azo wɔ egya Devidi mekɛ zo a. Eza ɛ nee egya bɛnwunle amaneɛ dɔɔnwo.”

Edwɛndolɛ Buluku ne 102:20

kɛ ɔtie pilizama ɛkponlenlɛ, na yeatulu bɛdabɛ mɔɔ bɛ nee bɛ ɛlɛkɔ ahunleɛ la;

Edwɛndolɛ Buluku ne 79:11

Maa bɛdabɛ mɔɔ bɛhye bɛ nuokɛ la ɛzunlɛ ɛdwu ɛ nyunlu; fa wɔ tumi kpole ne die bɛdabɛ mɔɔ bɛkahu bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

1 Sam 20:31

Nwu ye wienyi kɛ, sumunli kenle ala mɔɔ Devidi de ngoane nu la, ɛnrɛnyia belemgbunli ɛnrɛli ye ɛlɛ wɔ maanle ɛhye anu. Maa bɛhɔva ye bɛrɛla ndɛndɛ na menye ye zo!”

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

1 Sam 26:11

Ɛdɛnkɛma ɛkpa ɛgua kɛ menwɔva me sa menwɔha sonla mɔɔ ɔdaye yeye ye yezie ye belemgbunli la. Maa yɛdu ye atwɛ ne mɔɔ gyi ɔ ti sɔlɔ la na yɛva ye nzule dwora ne yɛhɔ.”

1 Sam 26:15

Devidi zele Abenɛɛ kɛ, “Na ɛnle nrenya ɔ? Yizilayɛ maanle ye anu, nwane a nee wɔ sɛ a? Duzu ati a wɔangola wɔanzinza wɔ belemgbunli ne a? Mekɛ ɛhye ala anu, awie rale bɛ azokoɛleɛ ɛkɛ ne kɛ ɔbahu wɔ belemgbunli ne.

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”