1 Sam 26:15 - BAEBOLO ANZƐƐ BULUKU NWUANZANWUANZA

¹⁵ Devidi zele Abenɛɛ kɛ, “Na ɛnle nrenya ɔ? Yizilayɛ maanle ye anu, nwane a nee wɔ sɛ a? Duzu ati a wɔangola wɔanzinza wɔ belemgbunli ne a? Mekɛ ɛhye ala anu, awie rale bɛ azokoɛleɛ ɛkɛ ne kɛ ɔbahu wɔ belemgbunli ne.

1 Sam 26:15 ပူးပေါင်းရင်းမြစ်များ

2 Sam 3:38

Belemgbunli zele ye mgbanyima ne kɛ, “Bɛnze kɛ belemgbunli ra nee sonlakpole ɛwu Yizilayɛ maanle ye anu ɛnɛ kenle ye ɔ?

Daneɛle Buluku ne 4:19

Akee Daneɛle, mɔɔ eza bɛfɛlɛ ye Bɛletihyazaa la, ahonle dule. Belemgbunli ne zele ye kɛ, “Bɛletihyazaa, mmamaa wɔ ahonle tu ɛlalɛ ne anzɛɛ ɔ bo ɛhilelɛ ne anwo.” Bɛletihyazaa buale kɛ, “Me menle, mesɛlɛ kɛ anrɛɛ ɛlalɛ ne ɛntia wɔ na ɔtia wɔ kpɔvolɛma nee menli mɔɔ kyi wɔ la!

Edwɛkpa ne kɛmɔ Mateyu hɛlɛle la 26:40

Ɔziale ɔrale ɛdoavolɛma nsa ne anwo ɛkɛ ne la ɛnee bɛlafe; na ɔzele Pita kɛ, “Yemɔti, bɛangola bɛ nee me anzinza dɔnehwele ko bɔbɔ?

1 Sam 26:14

na ɔdeanle nu ɔzele Sɔɔlo ɛlɔnema ne nee Abenɛɛ kɛ, “Abenɛɛ, ɛte me ne ɔ?” Abenɛɛ bizale kɛ, “Nwane a ɛlɛteɛdea nu adunwue belemgbunli la?”

1 Sam 26:16

Nyɛleɛ ɛhye mɔɔ wɔyɛ la ɛnle kpalɛ, ɔluakɛ wɔanli wɔ gyima ne. Abenɛɛ, meka tease Ɛdɛnkɛma kɛ, bɛ kɔsɔɔti bɛfɛta ewule, ɔboalekɛ bɛangola bɛanzinza bɛ belemgbunli ne mɔɔ Ɛdɛnkɛma ɛzie ye ɛmaa bɛ la. Nea, belemgbunli ne atwɛ ne wɔ nienwu?”