1 Sam 26:12 - BAEBOLO ANZƐƐ BULUKU NWUANZANWUANZA

¹² Yemɔti Devidi vale atwɛ ne nee nzule dwora ne wɔ Sɔɔlo ati sɔlɔ ɛkɛ ne, na ɔ nee Abehyae bɛhɔle. Awie biala annwu bɛ yɛɛ awie biala ɛnze mɔɔ zile la yɛɛ bɛ nuhua ko bɔbɔ ambɔ mgbatike andunwue, ɔboalekɛ ɛnee Ɛdɛnkɛma ɛye nafelɛ ɛdo bɛ nwo ɛmaa bɛlafe bubotoo.

1 Sam 26:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:12

Sɛnzɛne ne ɛlɛkɔ ahɔdɔ la, nafelɛ kpole vale Ebilam, na awozinli kpole anu ɛzulolɛ bie rahedale ɔ nwo zo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:21

Yemɔti Ɛdɛnkɛma Nyamenle manle sonla lafele kpole bie na ɔyele ɔ nvenle foa bowule ko na ɔvale nwonane ɔduale ɔ bo zo ne.

Ɛseta Buluku ne 6:1

Kenle ko ne nɔe ne belemgbunli ne angola da. Yemɔti ɔzele kɛ bɛva buluku ne mɔɔ bɛhɛlɛ ninyɛne kpalɛ mɔɔ menli ɛyɛ la wɔ nuhua la bɛrɛla. Bɛvale bɛrale na bɛgengale bɛhilele ye.

Ayezaya Buluku ne 29:10

Ɔluakɛ Ɛdɛnkɛma ɛva nafelɛ sunsum ɛwula bɛ na bɛbalafe botoo, na bɛmɛ Nyamenle kpɔmanvolɛma, yeheda bɛ nye, yɛɛ yeheda ɛnyelɛzodeɛnwunlɛma ati zo.

1 Sam 24:4

Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 26:13

Akee Devidi pɛle bɔnza ne hɔle ɔ nzi na ɔhɔvole boka ne mɔɔ nee bɛ avinli twe la azo,

1 Sam 26:7

Yemɔti Devidi nee Abehyae hɔle ɛlɔnema azokoɛleɛ ɛkɛ ne nɔe ne, na bɛhɔnwunle kɛ Sɔɔlo ɛlafe botoo na ye atwɛ ne kpɔnla ɔ ti sɔlɔ; Abenɛɛ nee ɛlɔnema ne noko ɛbɔ ɛyia ye na bɛdabɛ bɛlafe.