1 Sam 26:11 - BAEBOLO ANZƐƐ BULUKU NWUANZANWUANZA

¹¹ Ɛdɛnkɛma ɛkpa ɛgua kɛ menwɔva me sa menwɔha sonla mɔɔ ɔdaye yeye ye yezie ye belemgbunli la. Maa yɛdu ye atwɛ ne mɔɔ gyi ɔ ti sɔlɔ la na yɛva ye nzule dwora ne yɛhɔ.”

1 Sam 26:11 ပူးပေါင်းရင်းမြစ်များ

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

2 Sam 1:16

Akee Devidi zele ye kɛ, “Wɔ mogya ɛgua ɛdawɔ ɛ ngome ɛ ti zo, ɔluakɛ ɛdawɔ ɛ nloa ɛli daselɛ ɛtia wɔ kɛ wɔhu sonla mɔɔ Ɛdɛnkɛma ɛkpokpa ye nwole la.”

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

Edwɛndolɛ Buluku ne 17:4

Kɛmɔ ɛ nloa edwɛkɛ se la, mekpo kɛ menrɛli ɛtane, kɛmɔ menli ne bie mɔ yɛ la.

Wulo 12:17

Saa awie yɛ bɛ ɛtane a, bɛmmadi ye nzenralɛ. Bɛbɔ mɔdenle bɛyɛ mɔɔ awie biala nea a ɛnee nwolɛ te la.

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 24:12

Yɛ mu nwiɔ, Ɛdɛnkɛma ɛbua mɔɔ di fɔlɛ la. Ɛdɛnkɛma badua wɔ kakɛ wɔ nyɛleɛ mɔɔ wɔva wɔyɛ me la anwo. Mame, menrɛva me sa menrɛha wɔ yɛɛ menrɛyɛ wɔ ɛhwee.

1 Sam 24:4

Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”