1 Sam 26:10 - BAEBOLO ANZƐƐ BULUKU NWUANZANWUANZA

¹⁰ Devidi hanle zɔle zolɛ kɛ, “Meka tease Ɛdɛnkɛma kɛ, Ɛdɛnkɛma ɔdaye ɔbahu ye; saa konle nu o anzɛɛ ye ewule mekɛ nu o.

1 Sam 26:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:29

Mɔɔ ɔka ekyii Gyekɔbo wu la, ɔvɛlɛle ɔ ra Dwosefi na ɔzele ye kɛ, “Saa amgba ɛ nye sɔ me a, ɛnee fa ɛ sa fula me ɛzɔlɛ nu na bɔ ɛwɔkɛ kɛ ɛbali nɔhalɛ wɔamaa me. Mmasie me Yigyibiti ɛke;

Dwobu Buluku ne 14:14

Saa sonla wu a, ɔkɛdɛnla ngoane nu bieko ɔ? Wɔ me ɛzonlenlɛ mekɛ nu mebahendɛ, toonwo me ɛkpɔnelɛ mekɛ adwu.

Dwobu Buluku ne 14:5

Kɛmɔ bɛhile ye mekɛ mɔɔ ɔbali la, bɛwie, siane dodo mɔɔ ɔbali la, wɔhyehyɛ wɔdo ɛkɛ, na ɔnrɛhakyi ɛlɛ.

Dwobu Buluku ne 7:1

“Sonla ɛbɛlabɔlɛ yɛ se wɔ azɛlɛ ye azo, sonla mekɛ kɔsɔɔti le kɛ ɛkpanli.

Edwɛndolɛ Buluku ne 37:10

Ɔnrɛhyɛ biala ɛnee amumuyɛnli ne abo zo ɛminli, ɛbahɔnlea ɛleka mɔɔ ɔwɔ la, na ɛnrɛnwu ye.

Edwɛndolɛ Buluku ne 37:13

Na Ɛdɛnkɛma sele amumuyɛnli ne, ɔluakɛ ɔnwu kɛ ye awieleɛ ɛbikye.

Edwɛndolɛ Buluku ne 94:23

Ɔbamaa bɛ ɛtane abu azia bɛ, na yeabɔ bɛ bo zo wɔ bɛ amumuyɛ ti; Ɛdɛnkɛma yɛ Nyamenle ne babɔ bɛ bo zo.

Nolo 3:2

mekɛ mɔɔ bɛwo sonla, yɛɛ mekɛ mɔɔ sonla wu; mekɛ mɔɔ bɛdua, yɛɛ mekɛ mɔɔ bɛbu mɔɔ bɛlua la;

Edwɛkpa ne kɛmɔ Luku hɛlɛle la 18:7

Asoo Nyamenle ɛnrɛli ɔdaye ye menli ne mɔɔ kpondɛ moalɛ na bɛtea bɛfɛlɛ ye nɔɔzo nee ewiazo la ati edwɛkɛ? Asoo ɔkɛhwenlehwenle ɔ bo aze wɔ bɛ moalɛ nwo?

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”

Mɛla 31:14

Na Ɛdɛnkɛma zele Mosisi kɛ, “Mekɛ asɛɛ ɛdwu mɔɔ ɔwɔ kɛ ɛkɔ wɔ ɛkɛla nzi a. Fɛlɛ Dwɔhyua na ɛ nee ye bɛrɛla Ndanlɛ Sua ne anu na menva ye gyima menwula ɔ sa nu.” Na Mosisi nee Dwɔhyua hɔle Ndanlɛ Sua ne anu.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

Kɛlata mɔɔ bɛhɛlɛle bɛhɔmanle Hibuluma la 10:30

Ɔluakɛ yɛze ahenle mɔɔ hanle kɛ, “Nzenralɛlilɛ le me ɛdeɛ, mebadua ɛtane kakɛ” la; yɛɛ eza yɛze Nyamenle Edwɛkɛ ne mɔɔ se, “Nyamenle babua ye menli ndɛne” la.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.

Yekile 18:8

zɔhane ala yɛɛ bɛmaa anwubɛnyunlu ɛdo ye dahuu a, ɔnwu nyane, anwonyane ɛbɔ ye, na ɔli sane, na bɛdo ye senle nu bɛyela ye, ɔboalekɛ Awulae Nyamenle ne mɔɔ bua ye ndɛne la le bedevinli.”

1 Sam 24:12

Yɛ mu nwiɔ, Ɛdɛnkɛma ɛbua mɔɔ di fɔlɛ la. Ɛdɛnkɛma badua wɔ kakɛ wɔ nyɛleɛ mɔɔ wɔva wɔyɛ me la anwo. Mame, menrɛva me sa menrɛha wɔ yɛɛ menrɛyɛ wɔ ɛhwee.

1 Sam 24:15

Ɛdɛnkɛma babua yɛ mu nwiɔ ndɛne yeanwu nuhua mɔɔ di fɔlɛ la. Ɔnleɛnlea edwɛkɛ ne anu, ɔlie me ti na ɔlie me ɔvi ɛ sa nu.”

1 Sam 25:26

Ɛdɛnkɛma a ɛhwe wɔ ɛzia mɔɔ yeammaa wɔanli nzenralɛ wɔangu wɔ kpɔvolɛma a. Meka tease Ɛdɛnkɛma kɛ wɔ kpɔvolɛma nee awie biala mɔɔ kulo kɛ ɔsɛkye wɔ la, bɛbadua bɛ kakɛ kɛ bɛdua Neebale la.

1 Sam 25:38

Ye kenle bulu ne azo Ɛdɛnkɛma manle ɔwule.

1 Sam 25:39

Devidi dele kɛ Neebale ɛwu la, ɔhanle kɛ, “Ayɛlɛyelɛ ɛha Ɛdɛnkɛma kɛ yeli Neebale aholoba ne mɔɔ ɔbɔle me la anwo nzenralɛ na yeammaa medame, ye sonvolɛ anyɛ ɛtane a. Ɛdɛnkɛma ɛmaa Neebale ɛtane ne ɛbɔ ɔ ti.” Na Devidi zoanle manle bɛhɔbizale Abegeli agyalɛ.

1 Sam 31:4

Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.

1 Sam 31:6

Ɛnee kɛ Sɔɔlo, ɔ mra mrenya nsa ne nee kpavolɛ ne mɔɔ soa Sɔɔlo konle ninyɛne ne la zile wule la ɛne. Sɔɔlo ɛlɔnema ne kɔsɔɔti wule konle ne anu kenle ko ne.