1 Sam 25:2 - BAEBOLO ANZƐƐ BULUKU NWUANZANWUANZA

^2-3 Nrenya bie wɔ Meeyɔn, bɛfɛlɛ ye Neebale. Ɔbɔ Kalɛbe abusua ne bie yɛɛ ɔlɛ azɛlɛ bie zua sua Kamɛle. Ɔle sukoavolɛ kpole kpalɛ; ɔlɛ mboane apenle nsa yɛɛ mbɔnkye apenle ko. Ɔ ye Abegeli le raalɛ anwofɛlɛko na eza ɔle nrɛlɛbɛvolɛ, na ɔ hu ɛdeɛ, ɔnle nrenya kpaziwɔkɛ biala, yɛɛ eza ɔnlɛ subane.

1 Sam 25:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:2

Ebilam yɛle sukuavolɛ kpole kpalɛ, ɔlɛ nyɛmoa, dwɛtɛ fufule, yɛɛ ezukoa nvutuke.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:13

Na ɔhɔle zolɛ ɔnyianle ninyɛne, ɔkpazile toonwo akee ɔyɛle sukoavolɛ kpole kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:19

Ɛnee Leeban ɛhɔ kɛ ɔkapepɛ ye mboane nwo enrinli, na Relahyɛle wuale ɔ ze sua nu mmonle ne mɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:14

Ninyɛne mɔɔ ɔyeyele la ɛne: mbɔnkye mbelɛ ɛya nwiɔ yɛɛ nyinli abulanwiɔ, mboane mbelɛ ɛya nwiɔ yɛɛ nyinli abulanwiɔ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:13

Bɛhanle bɛhilele Teemaa kɛ, “Ɛ hu ɔ ze ɛlɛkɔ Temenasuazo ahɔpepɛ ye mboane nwo enrinli.”

2 Sam 19:32

Bazeleeyae le sonla koatee mɔɔ anye ɛvi a; yeli ɛvolɛ abulatwɛ. Mɔɔ belemgbunli ne wɔ Meehaneeyem la ɔzieziele ye dahuu, ɔluakɛ ɔle sukoavolɛ kpole kpalɛ.

Dwobu Buluku ne 1:3

Ɔlɛ mboane apenle nsuu, afunlumu apenle nsa, nlankɛ apenle ko, asoaso ɛya nnu, yɛɛ sonvolɛma dɔɔnwo; nrenya ɛhye le sukoavolɛ kpole tɛla awie biala mɔɔ wɔ Aduduleɛ la.

Dwobu Buluku ne 42:12

Akee Ɛdɛnkɛma yilale Dwobu kpole kpalɛ dɛlale alumua ne; ɔnyianle mboane apenle ngoko bulu nee nna, afunlumu apenle nsia, nlankɛ nyinli apenle nwiɔ, yɛɛ asoaso mbelɛ apenle ko.

Edwɛndolɛ Buluku ne 17:14

O Ɛdɛnkɛma, fa wɔ tumi ne die me fi menli sa nu, menli mɔɔ bɛ kyɛfoa a le ewiade la. Maa mɔɔ wɔva wɔzie bɛ la ɛyi bɛ ko; maa bɛ mra ɛnyia bie ɛmaa ɔbo zo; na bɛdabɛ bɛgyakyi bie bɛmaa bɛ mra.

Mrɛlɛbulɛ Buluku ne 30:22

Bɛmɛ a le: Kanranli mɔɔ kɛli ebia, Koasea mɔɔ kɛli ɔ ko kɛyi,

Dwɔhyua Buluku ne 15:55

Meeyɔn, Kamɛle, Zefe, Gyɛta,

1 Sam 15:12

Samoɛle dwazole ndɛ kɛ ɔkayia Sɔɔlo nwonlomɔ ne ala, na bɛhanle bɛhilele Samoɛle kɛ, “Sɔɔlo ɛhɔ Kamɛle ɛhɔzi ngakyelɛ sɛkɛlɛneɛ ɛwula ɔdaye ɔ nwo anyunlunyia, na yetele zolɛ yehɔ Gelegale.”

1 Sam 23:24

Yemɔti bɛziale bɛlumuale Sɔɔlo anyunlu wɔ Zefe. Ɛnee Devidi nee ye ɛlɔnema ne wɔ Meeyɔn fienemgbole ne anu, wɔ bɔnza bie mɔɔ awie fee ɛngɔ ɛkɛ na ɔwɔ Dwuda fienemgbole ne nyiakɛ la anu.

1 Sam 30:5

Devidi mraalɛ nwiɔ ne, Ahenoam mɔɔ vi Gyɛzɛli nee Abegeli mɔɔ vi Kamɛle na Neebale mɔɔ ɛha ɛleka bie la gyale ye bie la boka nwolɛ a bɛhyele bɛ a.