1 Sam 24:9 - BAEBOLO ANZƐƐ BULUKU NWUANZANWUANZA

⁹ na ɔzele ye kɛ, “Duzu ati a ɛtie menli mɔɔ se wɔ kɛ ‘Devidi kpondɛ wɔ ahu wɔ’ la anloa ɛ?

1 Sam 24:9 ပူးပေါင်းရင်းမြစ်များ

Edwɛndolɛ Buluku ne 101:5

Awie biala mɔɔ fea sɛkye ɔ gɔnwo duma la, mebazɛkye ye. Sonla mɔɔ tu ɔ nwo, ɔbu ɔ nwo la, menrɛkponle ye.

Edwɛndolɛ Buluku ne 141:6

Saa bɛye bɛ bɛwula menli mɔɔ babua bɛ ewule fɔlɛ la asa anu a, yɛɛ bɛkɛnwu kɛ Ɛdɛnkɛma edwɛkɛ ne le nɔhalɛ a.

Mrɛlɛbulɛ Buluku ne 16:28

Sonla mɔɔ ɛnlɛ adwenle kpalɛ la twehwe konle, yɛɛ azukuedulɛ kpakye agɔnwolɛma kpalɛ avinli.

Mrɛlɛbulɛ Buluku ne 17:4

Sonla mɔɔ di ɛtane la tie amumuyɛnli anloa, yɛɛ sonla mɔɔ le adalɛ la tie ngunzinli anloa.

Mrɛlɛbulɛ Buluku ne 18:8

Sonla mɔɔ tu azukue la anloa edwɛkɛ yɛ fɛ kɛ aleɛ fɛlɛko; ɔdwu bɛ kunlu ɛleka biala.

Mrɛlɛbulɛ Buluku ne 25:23

Sɔlɔ anwoma ne maa ezule tɔ, yɛɛ sonla mɔɔ keha ɔ gɔnwo anzi edwɛkɛ ɛtane la ka ɛya.

Mrɛlɛbulɛ Buluku ne 26:28

Adalɛ biala kyi menli mɔɔ yebɛlɛbɛla bɛ la, yɛɛ adalɛ nganvolɛ sɛkye sonla.

Mrɛlɛbulɛ Buluku ne 29:12

Saa maanlebuvolɛ di adalɛ ngehanleɛ nzi a, ye mgbanyima yɛ amumuyɛ.

Gyɛlɛmaya Buluku ne 37:18

Eza Gyɛlɛmaya bizale Belemgbunli Zɛdikaya kɛ, “Duzu ɛtane a meyɛ wɔ, wɔ mgbanyima anzɛɛ menli ɛhye mɔ, mɔɔ yemɔti bɛhye me bɛdo efiade a?

Sɛlɛ 19:16

Ɔnle kɛ bɛduolua bɛ gɔnwo mɔ akɔme nu bɛkeha awie mɔ anwo edwɛkɛ mɔɔ ɛnle nɔhalɛ la, yɛɛ bɛmmadi daselɛ adalɛ bɛtia bɛ gɔnwo bɛmaa ɔminli ye ngoane. Medame a mele Ɛdɛnkɛma a.

Gyemise Kɛlata ne 3:6

Ɛtafinlimalɛ le senle. Ɔboa ɔle munzule ewiade ekyi kpalɛ wɔ yɛ sonlabaka ne nvɛyeba ne mɔ avinli na ɔfa ɛtane ɔsalo yɛ sonlabaka ne kpokpoti. Ɔle ɛbolɔ senle kpalɛ mɔɔ fa senle to yɛ ɛbɛlabɔlɛ nu a.

1 Sam 20:1

Devidi vi Naeyo mɔɔ wɔ Releema la nriandile hɔle Dwɔnatan anwo lɔ. Ɔbizale ye kɛ, “Duzu a meyɛ a? Duzu fɔlɛ a medi a? Duzu ɛtane a meyɛ metia ɛ ze mɔɔ yemɔti ɔlɛkpondɛ me yeahu me a?”

1 Sam 20:41

Kakula ne hɔle ala la, yɛɛ Devidi vi ɛleka mɔɔ ɔvea la vindele a. Ɔrabutule, ɔbɔle ɔ ti aze fane nsa, na ɔ nee Dwɔnatan bɛmetanle bɛ nwo bɛyɛle bɛ nwo atuu na bɛ mu nwiɔ bɛzunle. Na ɛnee Devidi nyane ɛdeɛ mɔɔ ɔlɛdi la bo zolɛ.

1 Sam 24:10

Nea, ɛnɛ demua ye, wɔ bɔne ye anu, Ɛdɛnkɛma yele wɔ manle me. Me ɛlɔnema ne bie mɔ zele me kɛ mengu wɔ, noko menzele wɔ anwunvɔne. Menzele kɛ, ‘Menrɛhu wɔ, ɔluakɛ wɔmɔ yɛɛ Ɛdɛnkɛma ɛkpa nu ɛye wɔ kɛ ɛle belemgbunli a.’

1 Sam 24:8

Devidi noko vindele doale ye na ɔvɛlɛle ye kɛ, “Me menle, me belemgbunli.” Sɔɔlo dole ɔ nye ɔ nzi. Devidi vale enililɛ bɔle ɔ ti aze manle ye,

1 Sam 26:18

Na ɔvale ɔzɔle zolɛ kɛ, “Duzu ati yɛɛ ɛnɛ nee ɛnɛ ala ɛtɛfoa wɔ sonvolɛ ɛ? Duzu a meyɛ a? Duzu munzule a mebɔ a?

1 Sam 26:19

Nana, yɛ ɛnzolɛ tie me. Saa Ɛdɛnkɛma yɛɛ ɛmaa ɛlɛtu me mgbaliko ɛhye a, ɛnee azubɔlɛ bamaa yeahakyi ye adwenle; na saa ɔle menli ngyehyɛlɛ ɛdeɛ a, ɛnee Ɛdɛnkɛma ɛdua bɛ kakɛ, ɔluakɛ bɛvoa me bɛvi Ɛdɛnkɛma ɛzonlenlɛ ne anwo, na bɛmaa mehɔ ɛleka mɔɔ bɛnzonle Nyamenle la.