1 Sam 24:7 - BAEBOLO ANZƐƐ BULUKU NWUANZANWUANZA

⁷ Na Devidi gogole ye menli ne ahonle kɛ bɛmmayɛ Sɔɔlo ɛhwee. Sɔɔlo vile bɔne ne anu vindele, na ɔzanle ye zo kɛ ɔkɔ.

1 Sam 24:7 ပူးပေါင်းရင်းမြစ်များ

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

Edwɛndolɛ Buluku ne 7:4

saa meva ɛtane medua me gɔnwo bie kakɛ, anzɛɛ mgbane gyɛne ne ala mesesa me kpɔvolɛ ninyɛne a,

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 24:6

Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

1 Sam 24:8

Devidi noko vindele doale ye na ɔvɛlɛle ye kɛ, “Me menle, me belemgbunli.” Sɔɔlo dole ɔ nye ɔ nzi. Devidi vale enililɛ bɔle ɔ ti aze manle ye,

1 Sam 25:33

Yɛyɛ Ɛdɛnkɛma mo kɛ yemaa wɔ nrɛlɛbɛ kpalɛ ɛhye, yɛɛ nyilalɛ ɛha ɛdawɔ mumua ne kɛ wɔammaa meanli nzenralɛ meanga mogya meangua a.

1 Sam 26:23

Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”