1 Sam 24:6 - BAEBOLO ANZƐƐ BULUKU NWUANZANWUANZA

⁶ Na ɔzele ye ɛlɔnema ne kɛ, “Ɛdɛnkɛma ɛkpa ɛgua kɛ menwɔboda me menle mɔɔ Ɛdɛnkɛma ɛkpokpa ye nwole kɛ ɔle belemgbunli la. Ɔnle kɛ mefa me sa meka ye fee, ɔboalekɛ yemɔ a ɔle belemgbunli mɔɔ Ɛdɛnkɛma ɛkpa nu ɛye ye a.”

1 Sam 24:6 ပူးပေါင်းရင်းမြစ်များ

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

2 Sam 24:10

Mɔɔ Devidi wiele menli ne tia la ye adwenle bule ye fɔlɛ. Na ɔhanle kɛ, “Ɛdɛnkɛma, meyɛ ɛtane kpole wɔ mɔɔ meyɛ la anwo. Mesɛlɛ wɔ, fa wɔ sonvolɛ, me ɛtane kyɛ me, ɔluakɛ meli ngoaseasɛm.”

1 Arl 21:3

Neebɔto buale Ehabe kɛ, “Menlile me mgbanyinli agya a menvale ɛya ne a; ɔle me mgbanyinli debie, yemɔti saa meminli ɔ bo zo a ɔnrɛyɛ boɛ. Nyamenle ɛkpa ɛhye ɛgua!”

Edwɛkpa ne kɛmɔ Mateyu hɛlɛle la 5:44

Noko mame, mese: Bɛhulo bɛ kpɔvolɛma na bɛzɛlɛ bɛmaa bɛdabɛ mɔɔ bɛyɛ bɛ kpɔdekpɔde la,

Wulo 12:14

Bɛzɛlɛ Nyamenle nyilalɛ bɛmaa menli mɔɔ yɛ bɛ kpɔdekpɔde la; ɛhɛe, bɛzɛlɛ nyilalɛ bɛmaa bɛ, bɛmmasɛlɛ ndeanlɛ.

1 Tɛs 5:15

Bɛnlea kɛ awie ɛnrɛva ɛtane ɛnrɛdua ɛtane kakɛ. Dahuu bɛyɛ bɛ adwenle kɛ bɛkɛyɛ kpalɛ bɛkɛmaa bɛ nwo ngoko nee awie mɔ gyɛne.

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 24:7

Na Devidi gogole ye menli ne ahonle kɛ bɛmmayɛ Sɔɔlo ɛhwee. Sɔɔlo vile bɔne ne anu vindele, na ɔzanle ye zo kɛ ɔkɔ.