1 Sam 24:4 - BAEBOLO ANZƐƐ BULUKU NWUANZANWUANZA

⁴ Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 24:4 ပူးပေါင်းရင်းမြစ်များ

2 Sam 4:8

bɛvale bɛrɛlɛle Devidi wɔ Hibulɔn. Bɛzele belemgbunli ne kɛ, “Sɔɔlo, wɔ kpɔvolɛ ne mɔɔ ɛnee ɛlɛkpondɛ wɔ ahu wɔ la ara Yehyebɔhyɛte ati ne ɛne. Nana, Ɛdɛnkɛma ɛzenra Sɔɔlo nee ɔ bo zo amra ɛdua bɛ kakɛ ɛnɛ demua ye ɛmaa wɔ.”

Dwobu Buluku ne 31:31

asoo me awuke nu amra ɛtɛkanle kɛ, ‘Nwane a ɛtɛdile ye debie ɛlɛ a?’

Edwɛndolɛ Buluku ne 142:1

Metea nu mefɛlɛ Ɛdɛnkɛma, mefa me modolɛ nzɛlɛlɛ meto ɔ nyunlu.

Edwɛndolɛ Buluku ne 57:1

Nwu me anwunvɔne, O Nyamenle, nwu me anwunvɔne, ɔluakɛ wɔ nuhua yɛɛ me ɛkɛla nriandi fea a; mebanriandi mearavea ɛ ndɛba abo, kɔkpula kɛ ahumu mgbole ne mɔ kɛgua la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:13

Na saa yeandwenle nwolɛ yeanzie dɛba, na Nyamenle a ɛmaa yedɔ ɔ sa nu a, ahenle kola nriandi kɔ ɛleka mɔɔ menwɔhile la, amaa yeanyia ɔ ti.

1 Sam 22:1

Devidi vile suakpole Gate azo nriandile hɔveale bolɛ bɔne bie anu wɔ Adulam. Mɔɔ ɔ mediema nee ye mbusuafoɔ ne mɔ dele kɛ ɔwɔ ɛkɛ ne la bɛdoale ye.

1 Sam 23:17

Ɔhanle ɔzɔle zolɛ kɛ, “Mmasulo, ɔluakɛ egya Sɔɔlo asa ɛnrɛha wɔ ɛnrɛhu wɔ ɛlɛ. Ɔze ye wienyi kɛ ɛbali Yizilayɛ belemgbunli na medame noko meadɛnla ɛ sa fema zo.”

1 Sam 23:7

Bɛhɔhanle bɛhilele Sɔɔlo kɛ Devidi ɛra Kiayela. Na ɔzele kɛ, “Nyamenle ɛye Devidi ɛmaa me, ɔluakɛ ɔdaye ɔ ngome yedo ɔ nwo efiade kɛ yera sua mɔɔ bɛlie nwolɛ bane na ɔlɛ nlenkɛ mgbole mɔɔ mbulalɛ gua bɛ nzi la azo a.”

1 Sam 24:10

Nea, ɛnɛ demua ye, wɔ bɔne ye anu, Ɛdɛnkɛma yele wɔ manle me. Me ɛlɔnema ne bie mɔ zele me kɛ mengu wɔ, noko menzele wɔ anwunvɔne. Menzele kɛ, ‘Menrɛhu wɔ, ɔluakɛ wɔmɔ yɛɛ Ɛdɛnkɛma ɛkpa nu ɛye wɔ kɛ ɛle belemgbunli a.’

1 Sam 24:18

Ɛnɛ kenle ko ye, wɔhile kɛ ɛkulo me, ɔluakɛ Ɛdɛnkɛma yele me manle wɔ bɔkɔɔ, na wɔangu me.

1 Sam 26:23

Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.