1 Sam 24:11 - BAEBOLO ANZƐƐ BULUKU NWUANZANWUANZA

¹¹ Nana, nea, wɔ tɛladeɛ ne sinli a melɛ ye me sa nu la. Sumunli kenle ala mɔɔ mempɛle wɔ tɛladeɛ ne sinli na meangu wɔ la le sɛkɛlɛneɛ kpole kile kɛ menlɛ ɛ nwo adwenle ɛtane biala, yɛɛ metɛtele ɛ nwo atua. Metɛyɛle ɛtane biala metɛtiale wɔ, noko wɔyele ɛ nwo ɛsesebɛ ala kɛ ɛkpondɛ me wɔahu me.

1 Sam 24:11 ပူးပေါင်းရင်းမြစ်များ

2 Sam 1:14

Devidi zele ye kɛ, “Duzu ati bɔbɔ yɛɛ ɛdawɔ, ɛnzulo kɛ ɛkɛhwe dadeɛ ɛkɛhu sonla mɔɔ Ɛdɛnkɛma ɛkpokpa ye nwole, ɛzie ye belemgbunli la ɛ?”

2 Arl 5:13

Na ye sonvolɛma ne mɔ hɔle ɔ nwo ɛkɛ ne na bɛzele ye kɛ, “Yɛmenle, saa Nyamenle kpɔmanvolɛ ne zele wɔ kɛ ɛyɛ debie ɛsesebɛ bie a anrɛɛ ɛnrɛyɛ ɔ? Duzu ati yɛɛ akee ɛnrɛhɔdɔ Azule ne anu fane nsuu ne na ɛnrɛde kpɔkɛ ɛ?”

Dwobu Buluku ne 10:16

Saa memaa me nwo zo a, ɛfoa me kɛ awenade, na ɛyɛ nwanwane ninyɛne ɛtia me.

Edwɛndolɛ Buluku ne 119:161

Mgbane gyɛne ala arelemgbunli yɛ me kpɔdekpɔde, noko me ahonle tu wɔ wɔ edwɛkɛ ne ati.

Edwɛndolɛ Buluku ne 140:11

Mmamaa mɔɔ bɔ ɔ gɔnwo anwo nzekue la tɛnla maanle ne anu; maa munzule ɛdu kɔdiawuma ne mgbaliko.

Edwɛndolɛ Buluku ne 35:7

Ɔluakɛ mgbane gyɛne ne ala bɛzuale me ɛhane; mgbane gyɛne ne ala bɛpɛle me nwo kuma.

Edwɛndolɛ Buluku ne 59:3

Ɔluakɛ, nea, bɛhɔ me nwo nzia, menli atisesebɛ ɛli me ti amonle. O Ɛdɛnkɛma, metɛyɛle ɛtane, metɛtonle mɛla biala,

Edwɛndolɛ Buluku ne 7:5

ɛnee maa me kpɔvolɛ ne ɛvoa me ɛhye me, maa ɔbɔ me ɔdo aze na ɔhu me, ɔgyakyi me funli azɛlɛ ne anwo.

Mrɛlɛbulɛ Buluku ne 15:1

Nyelebɛnloa bɛtɛɛ maa ɛya dwo, na ɛdendɛlɛ katekate ka ɛya.

Gyɛlɛmaya Awolɛyelɛ 4:18

Menli vunvuanle yɛ gyakɛ abo zo mɔɔ ɛnee yɛngola finde a, yɛ awieleɛ bikyele, yɛ mekɛ dwule, ɔluakɛ yɛ awieleɛ ɛra.

Yizikeɛle Buluku ne 13:18

medame Awulae Nyamenle, mese: Munzule ɛha bɛdabɛ mraalɛ mɔɔ bɛkpomgba ngonyia sɛbɛ bɛgyelegyela menli sa, na bɛbɔ bɛ nwolɛ duku, amaa bɛanyia tumi wɔ menli ngakyile nwo zo la. Asoo bɛfa bɛ ngonyia bɛahu me menli ne foa ko na bɛalie foa ko ngoane wɔ bɛdabɛ bɛ ezukoakpondɛlɛ ti?

Maeka Buluku ne 7:2

Menli mɔɔ sulo Nyamenle la ɛwie wu, sonlakpalɛ ko bɔbɔ anga menli ne anu. Menli mɔɔ ɛha la kɔsɔɔti, biala kpondɛ kɛ ɔka mogya ɔgua, yɛɛ ko biala sua ɔ diema ɛhane.

Dw 15:25

Na kɛ ɔwɔ kɛ ɔba ye noko ala la ɛne, amaa mɔɔ bɛhɛlɛ ye wɔ bɛ mɛla ne anu la ayɛ nɔhalɛ kɛ, ‘Mgbane gyɛne ne ala yɛɛ bɛkpɔle me a.’

1 Sam 12:3

Mame ɛne; saa meyɛ ɛtane metia bɛ a, bɛha ye wɔ Ɛdɛnkɛma nee bɛ belemgbunli ye mɔɔ yeye yemaa bɛ la anyunlu ɛke. Meva awie ɛnlankɛ anzɛɛ meva awie asoaso ɔ? Meli awie ndunlumi ɔ? Mesisi awie anzɛɛ mekpuokpua awie ɔ? Melie awie ndoloboa ɔ? Ninyɛne ɛhye mɔ kɔsɔɔti, saa meyɛ nuhua bie a, bɛha na menwɔzie ɔ bo zo.”

1 Sam 18:27

Devidi vale ye ɛlɔnema ne hɔle hɔhunle Filisitiama ɛya nwiɔ, ɔpepɛle bɛ mrenyanu ati nwoma ne mɔ ɔrɛlɛle belemgbunli ne, amaa yeanyia adenle yeagya ɔ ra raalɛ ne. Sɔɔlo vale ɔ ra raalɛ Maekale manle Devidi gyale.

1 Sam 23:14

Devidi veale fienemgbole ne mɔɔ zua Zefe la anu wɔ awoka ne mɔ azo. Sɔɔlo bɔle mɔdenle kpondɛle ye biala, na Nyamenle anye Devidi ammaa ye ɛlɛ.

1 Sam 23:23

Bɛhɔ na bɛhɔnleɛnlea ɛleka mɔɔ ɔyɛ a ɔfeɛvea la kpalɛ, na bɛrabɔ me amaneɛ, na me nee bɛ ahɔ. Na saa amgba ɔwɔ Dwuda maanle ne anu ɛdeɛ a, yemɔ ɛleka biala mɔɔ ɔwɔ la, me sa baha ye meahye ye.”

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.

1 Sam 26:18

Na ɔvale ɔzɔle zolɛ kɛ, “Duzu ati yɛɛ ɛnɛ nee ɛnɛ ala ɛtɛfoa wɔ sonvolɛ ɛ? Duzu a meyɛ a? Duzu munzule a mebɔ a?

1 Sam 26:20

Mmamaa mekpɔkye me nwo mefi Ɛdɛnkɛma anwo, na mewu maanle gyɛne nu. Duzu ati yɛɛ Yizilayɛ belemgbunli ne kɛdu medame, mɔɔ membɔnle nzule la mgbaliko zɛhae a? Duzu ati a ɔlɛtɛ me kɛ bɛtɛ anloma bɛahye ye la ɛ?”

1 Sam 26:23

Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.