1 Sam 24:10 - BAEBOLO ANZƐƐ BULUKU NWUANZANWUANZA

¹⁰ Nea, ɛnɛ demua ye, wɔ bɔne ye anu, Ɛdɛnkɛma yele wɔ manle me. Me ɛlɔnema ne bie mɔ zele me kɛ mengu wɔ, noko menzele wɔ anwunvɔne. Menzele kɛ, ‘Menrɛhu wɔ, ɔluakɛ wɔmɔ yɛɛ Ɛdɛnkɛma ɛkpa nu ɛye wɔ kɛ ɛle belemgbunli a.’

1 Sam 24:10 ပူးပေါင်းရင်းမြစ်များ

Edwɛndolɛ Buluku ne 105:15

ɔhanle kɛ, “Awie biala mmafa ɔ sa ka me menli ne mɔɔ mekpa nu meye bɛ la; awie biala mmagyegye me kpɔmanvolɛma ne.”

Edwɛndolɛ Buluku ne 125:3

Amumuyɛma ɛnrɛli belemgbunli wɔ tenlenema azɛlɛ zo dahuu; anrɛɛ tenlenema kɛdwazo kɛli ɛtane.

Edwɛndolɛ Buluku ne 7:3

O Ɛdɛnkɛma, me Nyamenle, saa meyɛ ɛhye, saa meyɛ ɛtane bie,

Edwɛndolɛ Buluku ne 7:4

saa meva ɛtane medua me gɔnwo bie kakɛ, anzɛɛ mgbane gyɛne ne ala mesesa me kpɔvolɛ ninyɛne a,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:13

Na saa yeandwenle nwolɛ yeanzie dɛba, na Nyamenle a ɛmaa yedɔ ɔ sa nu a, ahenle kola nriandi kɔ ɛleka mɔɔ menwɔhile la, amaa yeanyia ɔ ti.

Yizikeɛle Buluku ne 22:9

Menli wɔ bɛ avinli mɔɔ pɛ nwondomgbɔ na bɛka mogya bɛgua a; menli wɔ bɛ avinli mɔɔ bɔ azu maa awozonle na bɛdidi awoka ne mɔ azo lɔ a, yɛɛ menli wɔ bɛ avinli mɔɔ ɛnze nyiane wɔ adwɔmane ɛbɛla mgbane mgbane ɛbɔlɛ nwo a.

Sɛlɛ 19:16

Ɔnle kɛ bɛduolua bɛ gɔnwo mɔ akɔme nu bɛkeha awie mɔ anwo edwɛkɛ mɔɔ ɛnle nɔhalɛ la, yɛɛ bɛmmadi daselɛ adalɛ bɛtia bɛ gɔnwo bɛmaa ɔminli ye ngoane. Medame a mele Ɛdɛnkɛma a.

1 Sam 24:4

Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 24:9

na ɔzele ye kɛ, “Duzu ati a ɛtie menli mɔɔ se wɔ kɛ ‘Devidi kpondɛ wɔ ahu wɔ’ la anloa ɛ?