1 Sam 23:23 - BAEBOLO ANZƐƐ BULUKU NWUANZANWUANZA

²³ Bɛhɔ na bɛhɔnleɛnlea ɛleka mɔɔ ɔyɛ a ɔfeɛvea la kpalɛ, na bɛrabɔ me amaneɛ, na me nee bɛ ahɔ. Na saa amgba ɔwɔ Dwuda maanle ne anu ɛdeɛ a, yemɔ ɛleka biala mɔɔ ɔwɔ la, me sa baha ye meahye ye.”

1 Sam 23:23 ပူးပေါင်းရင်းမြစ်များ

1 Arl 18:10

Meka Ɛdɛnkɛma wɔ Nyamenle ne kɛ, mennwu maanle ko nee sua biala mɔɔ Ehabe ɛtɛsoanle menli wɔ zolɛ kɛ bɛhɔkpondɛ wɔ a. Saa menli mɔɔ kɛhɔ wɔ ɛkpondɛlɛ la kɔto belemgbunli biala na ɔka kɛ ɛnle ɛkɛ a, Ehabe maa belemgbunli ne ka ye maanle ne anu ndane kɛ amgba ɔ nye ambɔ ɛ nwo zo fee.

2 Arl 6:13

Belemgbunli ne zele kɛ, “Bɛhɔkpondɛ ye bɛnwu ɛleka mɔɔ ɔde la na menzoa menli memaa bɛhɔhye ye.” Bɛhɔle na bɛrahanle bɛhilele ye kɛ ɔde Dotan.

Edwɛndolɛ Buluku ne 10:8

Ɔkɔ nzia wɔ namunamu nu, ɔfea ɔku menli mɔɔ ɛnze nwolɛ bie. Ɔgua ɔ nye aze ɔkpondɛ menli mɔɔ ɛnlɛ boavolɛ la,

Mrɛlɛbulɛ Buluku ne 1:16

ɔluakɛ bɛ gyakɛ ɛdudulɛ ne fa bɛ kɔ munzule nu, yɛɛ bɛle ahɔdiawu.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:36

Mekɛ biala noko mɔɔ amungu ne kɛgyinla la, ɔka kɛ, “O Ɛdɛnkɛma, sia bɛla Yizilayɛma mgbe mgbe ne mɔ avinli.”

Edwɛkpa ne kɛmɔ Maake hɛlɛle la 14:1

Mɔɔ ɔhale kenle nwiɔ na Akpabɛnwo nee Angye Ɛvoyia ne adwu la, sɛlɛvolɛ mgbanyinli ne nee mɛla kilehilevolɛma ne mɔ kpondɛle adenle mɔɔ bɛdua zo bɛahye Gyisɛse ahane ɛleka bie bɛahu ye la, ɔluakɛ bɛse,

1 Sam 23:22

Bɛhɔ, bɛhɔnlea ye boɛ; bɛnlea ɛleka fɔɔnwo mɔɔ ɔvea la, ɔluakɛ mede kɛ ɔ nwo yɛ ɛvɛlɛ.

1 Sam 23:24

Yemɔti bɛziale bɛlumuale Sɔɔlo anyunlu wɔ Zefe. Ɛnee Devidi nee ye ɛlɔnema ne wɔ Meeyɔn fienemgbole ne anu, wɔ bɔnza bie mɔɔ awie fee ɛngɔ ɛkɛ na ɔwɔ Dwuda fienemgbole ne nyiakɛ la anu.

1 Sam 24:11

Nana, nea, wɔ tɛladeɛ ne sinli a melɛ ye me sa nu la. Sumunli kenle ala mɔɔ mempɛle wɔ tɛladeɛ ne sinli na meangu wɔ la le sɛkɛlɛneɛ kpole kile kɛ menlɛ ɛ nwo adwenle ɛtane biala, yɛɛ metɛtele ɛ nwo atua. Metɛyɛle ɛtane biala metɛtiale wɔ, noko wɔyele ɛ nwo ɛsesebɛ ala kɛ ɛkpondɛ me wɔahu me.