1 Sam 22:4 - BAEBOLO ANZƐƐ BULUKU NWUANZANWUANZA

⁴ Yemɔti Devidi manle ye awovolɛ ne woale Mowabe belemgbunli ne anwo ɛkɛ, wɔ mekɛ tendenle ne mɔɔ ɔlile wɔ bolɛ bɔne ne anu la.

1 Sam 22:4 ပူးပေါင်းရင်းမြစ်များ

2 Sam 24:11

Nwonlomɔ ne mɔɔ Devidi dwazole la, Ɛdɛnkɛma edwɛkɛ ne dwule Nyamenle kpɔmanvolɛ Gaade mɔɔ yemɔ a ɔka Nyamenle nrɛlaleɛ ɔkile Devidi la anwo zo na ɔzele ye kɛ,

2 Sam 8:2

Eza ɔlile Mowabema anwo zo konim. Ɔmanle bɛdedale aze ɛhonlone ɛhonlone. Menli nsa biala bɛhunle nuhua nwiɔ na bɛgyakyile ko. Yemɔti Mowabema yɛle Devidi ngɛkɛlɛ na bɛduale adwule bɛmanle ye.

1 Edk 11:16

Mekɛ ne anu ɛnee Devidi wɔ boka bie mɔɔ bɛbɔ nwolɛ bane la azo, na Filisitia ɛlɔnema ɛva Bɛtelɛhɛm.

1 Edk 12:16

Kenle ko menli bie vi Bɛngyaman nee Dwuda mbusua ekpunli ne mɔ anu hɔle Devidi ɛkɛ ne wɔ ɛleka mɔɔ ɔde na bɛbɔ ɔ nwo bane la.

1 Edk 21:9

Na Ɛdɛnkɛma zele Gaade, Devidi ɔdaye ye Nyamenle kpɔmanvolɛ ne mɔɔ sinza ye la kɛ,

1 Edk 29:29

Belemgbunli Devidi anwo edwɛkɛ nee ye nyɛleɛ biala mɔɔ ɔyɛle la, bɛhɛlɛ bɛ wɔ Nyamenle Kpɔmanvolɛma Samoɛle, Neetan, yɛɛ Gaade Mbuluku nsa ne anu.

2 Edk 29:25

Akee ɔvale Livaema ne ɔziele bɛ bo zo ne wɔ Ɛdɛnkɛma Ɛzonlenlɛ Sua ne anu na ɔmanle bɛ sɔnwosɔnwo, yɛɛ getaa mgbole nee ngyikyi, kɛmɔ Belemgbunli Devidi, Gaade mɔɔ ka Nyamenle nrɛlaleɛ ne kile Devidi, nee Nyamenle kpɔmanvolɛ Neetan hyehyɛle dole ɛkɛ ne la, ɔluakɛ Ɛdɛnkɛma yɛɛ luale ye kpɔmanvolɛma anwo zo hyehyɛle a.

Nihɛmaya Buluku ne 6:11

Na menzele ye kɛ, “Ɛnea me a ɛnee sonla le kɛ medame, menriandi meavea? Kɛ ɛdwenle me ɛ? Menriandi mengɔnvea Ɛzonlenlɛ Sua ne anu na bɛangu me? Metua me nzo. Menrɛyɛ ye fee!”

Edwɛndolɛ Buluku ne 11:1

Ɛdɛnkɛma anu a menriandi mefea a; duzu ati a ɛka ɛkile me kɛ, “Tu kɛ anloma la kɔ awoka ne mɔ azo,

Edwɛkpa ne kɛmɔ Mateyu hɛlɛle la 10:23

Saa bɛyɛ bɛ kpɔdekpɔde wɔ sua ko azo a, bɛnriandi bɛhɔ mɔɔ doa ye la azo. Na meka meahile bɛ kɛ bɛnrɛwie Yizilayɛ azua ne mɔ amuala azo kɔ na Sonla Ra ne ara.

1 Sam 22:3

Devidi vi ɛkɛ ne la ɔhɔle Mezepa mɔɔ wɔ Mowabe maanle nu la na ɔhɔzele Mowabe belemgbunli ne kɛ, “Mesɛlɛ wɔ, maa egya nee ɔmɔ ɛwoa ɛ nwo ɛke kɔkpula mekɛ mɔɔ menwɔnwu mɔɔ Nyamenle kɛyɛ kɛmaa me la.”

1 Sam 22:5

Nyamenle kpɔmanvolɛ Gaade razele Devidi kɛ, “Ɛvi ɛke finde kɔ Dwuda maanle nu.” Yemɔti Devidi vindele na ɔhɔle Hɛlɛte kpɔkɛ nu.