1 Sam 22:3 - BAEBOLO ANZƐƐ BULUKU NWUANZANWUANZA

³ Devidi vi ɛkɛ ne la ɔhɔle Mezepa mɔɔ wɔ Mowabe maanle nu la na ɔhɔzele Mowabe belemgbunli ne kɛ, “Mesɛlɛ wɔ, maa egya nee ɔmɔ ɛwoa ɛ nwo ɛke kɔkpula mekɛ mɔɔ menwɔnwu mɔɔ Nyamenle kɛyɛ kɛmaa me la.”

1 Sam 22:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:11

Na Dwosefi bɔle ɔ ze nee ɔ mediema ne mɔ atɛnlase, na ɔmanle bɛ azɛlɛ kpalɛ wɔ Yigyibiti ɔmanle bɛvale bɛyɛle bɛ ɛdeɛ, kɛmɔ Yigyibiti belemgbunli ne hanle la. Azɛlɛ ne bikye Yigyibiti suakpole ne mɔɔ bɛfɛlɛ ye Relamɛsize la.

2 Sam 8:2

Eza ɔlile Mowabema anwo zo konim. Ɔmanle bɛdedale aze ɛhonlone ɛhonlone. Menli nsa biala bɛhunle nuhua nwiɔ na bɛgyakyile ko. Yemɔti Mowabema yɛle Devidi ngɛkɛlɛ na bɛduale adwule bɛmanle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:12

“Bɛli bɛ ze mɔ nee bɛ nli mɔ eni, amaa bɛ mekɛ awa wɔ azɛlɛ ne mɔɔ medame Ɛdɛnkɛma bɛ Nyamenle ne melɛfa meamaa bɛ la azo.

1 Tem 5:4

Na saa kunlanvolɛ bie wɔ ɛkɛ ne mɔɔ lɛ mralɛ anzɛɛ nlɔnra a, maa ngakula zɔhane mɔ ɛzukoa bɛ nyamenlezonlenlɛ gyima ne mɔɔ ɔwɔ kɛ bɛdi bɛmaa bɛ awovolɛ la, bɛva bɛdua bɛ awovolɛ kakɛ, ɔluakɛ ɛhye a sɔ Nyamenle anye a.

Maanlebuvolɛma Buluku ne 11:29

Akee Ɛdɛnkɛma Sunsum ne dwule Gyɛfeta anwo zo. Ɔluale Geleade nee Manasɛ, na ɔtelele zolɛ ɔhɔle Mezepa mɔɔ wɔ Geleade la. Ɔvi Mezepa la ɔhɔvole Amɔnoma akɔme zo.

Wulu 4:10

Bieko, ɛnɛ Mowabenli Wulutu mɔɔ anrɛɛ le Maalɔn aye la le me ye, amaa yeawo mralɛ wɔ agyadeɛ ne mɔɔ melie la duma nu, na mɔɔ ɛwu ɛhɔ la duma amminli ɔ mediema avinli anzɛɛ ye sua zo; bɛ muala bɛdi ɛhye mɔ anwo daselɛ ɛnɛ.”

Wulu 4:17

Mraalɛ mɔɔ wɔ kpalɛ ne azo la noko hanle hilele menli kɛ, “Bɛwo ralɛ nrenya bɛmaa Nawome.” Bɛdonle kakula ne Obɛde. Obɛde wole Gyɛsi mɔɔ wole Belemgbunli Devidi la.

1 Sam 14:47

Mɔɔ Sɔɔlo di Yizilayɛma belemgbunli la, ɔhonle ɔtiale ye kpɔvolɛma kɔsɔɔti; ɔhonle ɔtiale Mowabema, Amɔnoma, Yidɔmma, Zoba arelemgbunli nee Filisitiama. Na ɛleka biala mɔɔ ɔhonle la ɔlile konim.

1 Sam 22:2

Awie biala mɔɔ bɛlɛsisi ye anzɛɛ tua kakɛ anzɛɛ akunlu ɛndwo mɔɔ ɛlɛkɔ zolɛ la anwo la nriandile doale ye. Bɛ dodo kɛyɛ ɛya nna, na ɔyɛle bɛ kpanyinli ɔlile bɛ ti.

1 Sam 22:4

Yemɔti Devidi manle ye awovolɛ ne woale Mowabe belemgbunli ne anwo ɛkɛ, wɔ mekɛ tendenle ne mɔɔ ɔlile wɔ bolɛ bɔne ne anu la.

1 Sam 3:18

Yemɔti Samoɛle anva debie biala anvea ye; ɔhanle debie biala mɔɔ ɔnwunle ye nee mɔɔ ɔdele la ɔhilele ye. Na Yilae zele ye kɛ, “Ɔdaye a ɔle Ɛdɛnkɛma a; ɔyɛ debie biala mɔɔ ɔdaye ɔnea a ɔle kpalɛ la.”