1 Sam 22:2 - BAEBOLO ANZƐƐ BULUKU NWUANZANWUANZA

² Awie biala mɔɔ bɛlɛsisi ye anzɛɛ tua kakɛ anzɛɛ akunlu ɛndwo mɔɔ ɛlɛkɔ zolɛ la anwo la nriandile doale ye. Bɛ dodo kɛyɛ ɛya nna, na ɔyɛle bɛ kpanyinli ɔlile bɛ ti.

1 Sam 22:2 ပူးပေါင်းရင်းမြစ်များ

2 Sam 17:8

Ɛdawɔ ɛze ye wienyi kɛ ɛ ze nee ye ɛlɔnema ne le menli mɔɔ ze konle nye zo kpole kpalɛ a. Kɛkala, bɛ ahonle ɛfutu kɛ ezile mɔɔ bɛhye ɔ mra la. Fa ɛhye sie ahane. Ɛ ze le ɛlɔnenli mɔɔ bɛto ye sɛbe a, yɛɛ nɔɔzo ɔ nee ye ɛlɔnema ne ɛnrɛla ɛleka ko.

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

2 Arl 4:1

Nyamenle kpɔmanvolɛma asa azo ne mɔ anu sonla ko mɔɔ ɛwu la aye hɔzele Yilaehya kɛ, “Me hu ɛwu. Kɛmɔ ɛdawɔ ɛze la, ɛnee ɔsulo Nyamenle kpole kpalɛ, noko kɛkala, awie mɔɔ yɛtua ye kakɛ la ɛra kɛ ɔbava me mra mrenya nwiɔ ne yeahɔzie nu awoba.”

Mrɛlɛbulɛ Buluku ne 31:6

Fa nza ɛsesebɛ maa sonla mɔɔ anye gyi ewule nu la, na fa nwanye maa menli mɔɔ arɛle ɛbɔ kpole la.

Edwɛkpa ne kɛmɔ Mateyu hɛlɛle la 11:12

Ɔvi mekɛ mɔɔ Dwɔn Sɔnevolɛ ne bɔle ye nolobɔlɛ bo mɔɔ ɛradwu ɛnɛ la, ngyegyelɛ dɔɔnwo ɛra Anwuma Belemgbunlililɛ ne anwo ɛsesebɛ, na menli mɔɔ di mgbonde la ɛlɛbɔ mɔdenle kɛ bɛkɛpemgbe bɛkɛnyia ye.

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

Maanlebuvolɛma Buluku ne 11:3

Gyɛfeta vi ɔ mediema ne mɔ avinli dule hɔle Tɔɔbo azɛlɛ zo. Ɔvale ɔ nwo ɔbɔle menli agbamgbanvolɛ bie, na ɔ nee bɛ kpɔsale wuowuale awie mɔ.

Maanlebuvolɛma Buluku ne 18:25

Na Danema ne zele ye kɛ, “Mua ɛ nloa! Mmayɛ ɛmaa ahonle futu, na anrɛɛ ɛdawɔ nee wɔ awuke nu amra amuala kɛdɔ.”

1 Sam 22:3

Devidi vi ɛkɛ ne la ɔhɔle Mezepa mɔɔ wɔ Mowabe maanle nu la na ɔhɔzele Mowabe belemgbunli ne kɛ, “Mesɛlɛ wɔ, maa egya nee ɔmɔ ɛwoa ɛ nwo ɛke kɔkpula mekɛ mɔɔ menwɔnwu mɔɔ Nyamenle kɛyɛ kɛmaa me la.”

1 Sam 23:13

Na Devidi nee ye ɛlɔnema ne mɔɔ kɛyɛ ɛya nsia la vile Kiayela na bɛvale bɛ ti bɛbɔle nu. Mɔɔ Sɔɔlo dele kɛ Devidi vi Kiayela ɛye ɔ nwo la, ɔgyakyile Kiayela ɛhɔlɛ ne.

1 Sam 25:13

Na Devidi zele ɔ sa zo ne mɔ kɛ, “Awie biala ɛzɔ ye konle dadeɛ ne anu boɛ.” Awie biala vale ye dadeɛ ne, Devidi ɔdaye ɔvale ye ɛdeɛ ne, ɔgyakyile menli ɛya nwiɔ ɔ nzi kɛ bɛnlea bɛ ninyɛne ne mɔ, na ɔvale ɛya nna ɔlile ɔ nzi.

1 Sam 30:6

Edwɛkɛ dole Devidi, ɔluakɛ ye menli ne yɛle kɛ bɛsi ye awolɛ, ɔboalekɛ awie biala ɛlɛdi nyane kpole kɛ bɛhye ɔ ye nee ɔ mra bɛhɔ a. Na Devidi Ɛdɛnkɛma ye Nyamenle ne manle ye akɛnrazilɛ.

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”