1 Sam 22:15 - BAEBOLO ANZƐƐ BULUKU NWUANZANWUANZA

¹⁵ Na ɛnɛ ala a le kenle mɔɔ lumua mɔɔ mebiza ɔ ti wɔ Ɛdɛnkɛma ɛkɛ ne memaa ye a? Mɔɔ fane ɛ ti akpamovalɛ nwo, medame anzɛɛ egya awuke nu sonla biala ɛnze nwolɛ ɛhwee. Yemɔti, Nana, mmafa edwɛkɛ ɛhye ɛsuzu yɛ.”

1 Sam 22:15 ပူးပေါင်းရင်းမြစ်များ

2 Sam 15:11

Abesalɛm dole ɛsalɛ vɛlɛle menli ɛya nwiɔ na ɔ nee bɛ vi Gyɛlusalɛm hɔle. Ɛnee menli ɛhye mɔ ɛnze adwenle ɛtane ne mɔɔ Abesalɛm ɛva la anwo bie fee. Yemɔti bɛmɛ, bɛlɛ adwenle kpalɛ a bɛhɔle a.

2 Sam 19:18

Bɛpɛle azule ne na bɛboale belemgbunli anwo amra bɛmanle bɛpɛle azule ne na bɛyɛle mɔɔ belemgbunli kpondɛ la bɛmanle ye. Mɔɔ belemgbunli ne ɛlɛboɔboa ɔ nwo apɛ Dwɔdan ne la, Gila ara Hyemɛyae radule dɔle belemgbunli ne agyakɛ anu,

2 Sam 19:19

na ɔzele kɛ, “Nana, mesɛlɛ wɔ, mmanea me ɛtane ne na ɛkakye munzule mɔɔ wɔ sonvolɛ, membɔle wɔ kenle ko ne mɔɔ ɛvile Gyɛlusalɛm la. Nana, mebodo wɔ, ye ye ɛ ti anu bɔkɔɔ,

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

2 Sam 5:23

Na Devidi bizale Ɛdɛnkɛma la, ɔzele ye kɛ, “Mmakɔ ɛ nyunlu; bu bɛ nzi, ɛleka mɔɔ nee ‘belesam’ mbaka ne mɔ anye bɔ zo la.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

1 Sam 22:16

Na belemgbunli ne zele kɛ, “Ahemɛlɛke, ɛdawɔ nee ɛ ze awuke nu amra kɔsɔɔti, ɔwɔ kɛ bɛku bɛ.”

1 Sam 25:36

Abegeli ziale hɔle sua nu na ɔhɔdole kɛ Neebale ɛdo ɛkponle kpole bie kɛ asɛɛ belemgbunli bie la, ɔ nye ɛlie na yebo kpole kpalɛ. Yemɔti yeanga ɛhwee yeangile ye hɔkpulale ye alehyenlɛ nu.