Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Sam 22:14 - BAEBOLO ANZƐƐ BULUKU NWUANZANWUANZA

14 Ahemɛlɛke buale belemgbunli ne kɛ, “Wɔ wɔ sonvolɛma kɔsɔɔti anu, nwane bɔbɔ yɛɛ di nɔhalɛ nee Devidi, ɛ ra raalɛ ne ɔ hu ne mɔɔ le sinzavolɛma kpanyinli, na bɛdi ye eni kpole wɔ wɔ suakunlu ɛke la sɛ a?

အခန်းကိုကြည့်ပါ။ ကော်ပီ




1 Sam 22:14
13 ပူးပေါင်းရင်းမြစ်များ  

Yizilayɛma ne zele kɛ, “Bɛnwu nrenya ɛhye mɔɔ ɛvinde la? Nɔhalɛ, yera ɔbagolo Yizilayɛma anwo. Belemgbunli Sɔɔlo ɛbɔ ɛwɔkɛ kɛ awie biala mɔɔ kɛhu ye la, ɔkɛmaa ye anwonyia kpole kpalɛ; eza ɔkɛva ɔ ra raalɛ ne ɔkɛmaa ye agyalɛ na eza ɔkɛmaa ɔ ze awuke nu amra fanwodi wɔ Yizilayɛ maanle ne anu.”


Yemɔti Sɔɔlo yele ye ɔ nwo ɛkɛ ne na ɔyɛle ye ɛlɔnema apenle safohyenle. Ɔ nee ye ɛlɔnema ne hɔle konle dɔɔnwo,


Devidi vale ye ɛlɔnema ne hɔle hɔhunle Filisitiama ɛya nwiɔ, ɔpepɛle bɛ mrenyanu ati nwoma ne mɔ ɔrɛlɛle belemgbunli ne, amaa yeanyia adenle yeagya ɔ ra raalɛ ne. Sɔɔlo vale ɔ ra raalɛ Maekale manle Devidi gyale.


Dwɔnatan bizale ɔ ze kɛ, “Duzu ati bɔbɔ yɛɛ ɔwɔ kɛ ɛku Devidi a? Duzu bɔbɔ yɛɛ yeyɛ a?”


Devidi buale ye kɛ, “Belemgbunli ɛzoa me, na ɔse, ‘Ɛzoanlɛ mɔɔ mezoa wɔ la, mmamaa awie biala te nwolɛ bie fee.’ Na me mgbavolɛ ne mɔ, mehile bɛ ɛleka mɔɔ bɛyia me la.


Sɔɔlo bizale ye kɛ, “Duzu ati yɛɛ ɛdawɔ nee Gyɛsi ara ne bɛhɔ me ti akpamo, bɔbɔ wɔmaa ye kpanwo nee konle dadeɛ, na eza wɔbiza ɔ ti wɔ Ɛdɛnkɛma ɛkɛ ne wɔmaa ye, amaa ɔlua zolɛ ɔlɛko yeatia me, na sumunli kɛ de la yedɛ me toonwo yeradwu ɛnɛ, ɔkpondɛ me yeahu me a?”


Nana, nea, wɔ tɛladeɛ ne sinli a melɛ ye me sa nu la. Sumunli kenle ala mɔɔ mempɛle wɔ tɛladeɛ ne sinli na meangu wɔ la le sɛkɛlɛneɛ kpole kile kɛ menlɛ ɛ nwo adwenle ɛtane biala, yɛɛ metɛtele ɛ nwo atua. Metɛyɛle ɛtane biala metɛtiale wɔ, noko wɔyele ɛ nwo ɛsesebɛ ala kɛ ɛkpondɛ me wɔahu me.


Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.


Ɛdɛnkɛma yila awie biala mɔɔ di pɛlepɛle nee nɔhalɛ la. Ɛdɛnkɛma yele wɔ manle me ɛnɛ nɔe, noko meanyɛ wɔ ɛhwee, ɔluakɛ Ɛdɛnkɛma ɛzie wɔ belemgbunli.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ