1 Sam 21:4 - BAEBOLO ANZƐƐ BULUKU NWUANZANWUANZA

⁴ Sɛlɛvolɛ ne zele Devidi kɛ, “Menlɛ kpanwo biala wɔ ɛke kɛ kpanwo nwuanzanwuanza ne mɔ ala. Debie mɔɔ hyia la a le kɛ saa wɔ mgbavolɛ ne mɔ ɛtɛfale bɛ nwo ɛtɛkanle mraalɛ kenle nsa ye ala ɛdeɛ a.”

1 Sam 21:4 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:15

Ɔzele menli ne kɛ, “Bɛboɔboa bɛ nwo toonwo ɛhyema anzi; awie biala mmakɔ raalɛ nwo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:30

Bɛva ɛkponle ne bɛzie me Ngyekyeleɛ Ɛlɛka ne anyunlu ɛkɛ ne na bɛva kpanwo mɔɔ dahuu bɛkɛva bɛkɛbɔ azu bɛkɛmaa me la bɛgua zolɛ.

Sɛlɛ 15:18

Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.

Zɛkalaya Buluku ne 7:3

na bɛbiza sɛlɛvolɛma mɔɔ wɔ Tumivolɛ Ɛdɛnkɛma Ɛzonlenlɛ Sua ne anu nee Nyamenle kpɔmanvolɛma ne mɔ kɛ, “Yɛli nyane na yɛhye ɛhɔne wɔ siane nnu ne anu, kɛmɔ ɛvolɛ dɔɔnwo mɔɔ ɛraze ɛhɔ la yɛyɛ ye la ɔ?”

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

1 Sam 21:3

Duzu aleɛ a wɔ ɛke a? Maa me kpanwo ahunguma nnu anzɛɛ debie biala mɔɔ ɛlɛ la bie.”

1 Sam 21:6

Yemɔti sɛlɛvolɛ ne manle Devidi kpanwo nwuanzanwuanza ne bie, ɔluakɛ ɛnee kpanwo mɔɔ wɔ ɛkɛ ne la ala a le mɔɔ bɛva bɛbɔ azu bɛmaa Ɛdɛnkɛma na bɛva bɛzie Ɛdɛnkɛma anyunlu la. Saa bɛye bɛfi azukponle ne azo a, ɔwɔ kɛ bɛfa fofolɛ wuluwulu bɛsie ɔ bo zo ne.