1 Sam 20:5 - BAEBOLO ANZƐƐ BULUKU NWUANZANWUANZA

⁵ Devidi zele Dwɔnatan kɛ, “Ɛhyema le Siane Fofolɛ Ɛvoyia na ɔnle kɛ ɔkpa me ti. Ɔwɔ kɛ mekɔ belemgbunli sua nu me nee ye kɔkpula yɛ sa. Na saa ɔyɛ wɔ ɛhulolɛ a, ɛnee maa me adenle maa menriandi mengɔnvea fienemgbole ne anu lɔ toonwo kenle nsa ne azo nɔsolɛ nu.

1 Sam 20:5 ပူးပေါင်းရင်းမြစ်များ

2 Arl 4:23

Ɔ hu bizale ye kɛ, “Duzu ati a ɛkɔ Nyamenle sonla ne ɛkɛ ne ɛnɛ ɛ? Ɛnɛ ɛnle ɛnwomenlelielɛ kenle yɛɛ siane ɛtɛfile.” Raalɛ ne buale kɛ, “Tɛ debie ɔ.”

Edwɛndolɛ Buluku ne 55:12

Ɔnle kpɔvolɛ mɔɔ si me amgbu ala, anrɛɛ menwɔhola menwɔgyinla ɔ nloa; ɔnle kpɔvolɛ mɔɔ tu ɔ nwo kile me ala, anrɛɛ menwɔnriandi menwɔvea.

Edwɛndolɛ Buluku ne 81:3

Siane ne fi fofolɛ a bɛwu aweɛne tendenle ne anu, siane ne yɛ mumua a bɛwu nu bɛli ɛvoyia ne.

Mrɛlɛbulɛ Buluku ne 22:3

Sonla mɔɔ anye gyi ɔ ti anwo la nwu munzule na ɔtwe ɔ nwo ɔfea, na mɔɔ ɛnlɛ adwenle la kɔtɔ nu na ɔnwu amaneɛ.

Emɔzo Buluku ne 8:5

na bɛka kɛ, “Kenlenzu a siane fofolɛ ɛvoyialilɛ ne kɛwie na yɛanyia adenle yɛadɔne yɛ abɛlɛ a? Kenlenzu yɛɛ Ɛnwomenlelielɛ Kenle ne kɛze na yɛanyia adenle yɛadɔne yɛ hwiiti, yɛanyia adenle yɛazi yɛ ‘yifa’ ɛzuzudeɛ ne abo na yɛawodo yɛ ‘hyikɛle’ ɛzuzudeɛ ne anu, na yɛawua mɔɔ yɛfa tone yɛazuzu la anu,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:10

Wɔ fɛlɛkolilɛ nu noko, Siane Fofolɛ Ɛvoyia ne mɔ nee ɛvoyia ngakyile ne mɔ ɛlilɛ nu, bɛwu aweɛne ndendenle ne mɔ anu bɛgua ɛyelalɛ azubɔdeɛ ne mɔ azo, nee bɛ anzonudwolɛ azubɔdeɛ ne mɔ azo, na mebaboa bɛ. Medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:11

“Siane biala mɔlebɛbo, bɛbɔ ɛyelalɛ azu bɛmaa Ɛdɛnkɛma. Bɛva nlankɛ ndonrandonra nwiɔ, boane nyinli ko, mboane nyinli ndonrandonra mɔɔ ɛli ɛvolɛ ngoko mɔɔ bɛ nwo ɛnlɛ dɛne la nsuu bɛyɛ ɛyelalɛ azubɔdeɛ bɛmaa Ɛdɛnkɛma.

Dw 8:59

Bɛsesale awolɛ kɛ bɛto bɛazi ye, na Gyisɛse veale ɔ nwo na ɔvile Ɛzonlenlɛ Sua ne anu ɔhɔle.

Ɛzoanvolɛma Gyima ne 17:14

Na ndɛndɛ ne ala mediema ne mɔ manle Pɔɔlo adenle bɛmanle ɔhɔle; na Saelase nee Temɔte hale Bɛlia.

Kɔlɔ 2:16

Yemɔti bɛmmamaa awie bua bɛ ndɛne wɔ mɔɔ bɛdi nee mɔɔ bɛno, anzɛɛ ɛvoyialilɛ nwo, anzɛɛ Siane Fofolɛ nee Ɛnwomenlelielɛ Kenle nwo.

1 Sam 19:2

Yemɔti ɔzele Devidi kɛ, “Egya kpondɛ wɔ ahu wɔ, yemɔti nea ɛ nwo boɛ. Ɛhyema nwonlomɔ kɔkpondɛ ɛleka bie fea.

1 Sam 20:18

Na Dwɔnatan zele ye kɛ, “Kɛmɔ ɛhyema le Siane Fofolɛ Ɛvoyia la, saa wɔamba ɛkponledolɛ ne bie a, awie biala banwu ye, ɔluakɛ wɔ ebia ne bagyinla ɛkɛ ne mgbane.

1 Sam 20:19

Ye kenle nsa ne azo bɔbɔ yɛɛ bɛbanwu ye kpalɛ a, yemɔti nriandi kɔvea ɛleka mɔɔ ɛkenle edwɛkɛ ne hyelele zolɛ la ɛhɔveale la, wɔ awolɛ edukue ne anzi.

1 Sam 20:24

Yemɔti Devidi hɔveale fienemgbole ne anu. Siane Fofolɛ Ɛvoyia ne dwule la, Belemgbunli Sɔɔlo radɛnlanle aze kɛ bɛdi debie.

1 Sam 20:27

Siane Fofolɛ Ɛvoyia ne kenle mɔɔ tɔ zolɛ nwiɔ la ɛkponledolɛ ne abo, Devidi ebia ne eza dɔle mgbane. Na Sɔɔlo bizale ɔ ra Dwɔnatan kɛ, “Duzu ati a anoma nee ɛnɛ, Gyɛsi ara Devidi amba ɛkponledolɛ ye bie a?”

1 Sam 20:4

Dwɔnatan zele Devidi kɛ, “Debie biala mɔɔ ɛkɛbiza la, menwɔyɛ menwɔmaa wɔ.”

1 Sam 20:6

Saa wɔ papa nwu kɛ meamba na ɔbiza me bo zo a, ka kile ye kɛ, ‘Devidi zɛlɛle me adenle kɛ ɔbɔ hwii yeahɔ ye sua zo Bɛtelɛhɛm,’ ɔluakɛ ye abusua ne ɛlɛbɔ bɛ ɛvolɛ abusua azu ne.