1 Sam 20:41 - BAEBOLO ANZƐƐ BULUKU NWUANZANWUANZA

⁴¹ Kakula ne hɔle ala la, yɛɛ Devidi vi ɛleka mɔɔ ɔvea la vindele a. Ɔrabutule, ɔbɔle ɔ ti aze fane nsa, na ɔ nee Dwɔnatan bɛmetanle bɛ nwo bɛyɛle bɛ nwo atuu na bɛ mu nwiɔ bɛzunle. Na ɛnee Devidi nyane ɛdeɛ mɔɔ ɔlɛdi la bo zolɛ.

1 Sam 20:41 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:11

Akee Gyekɔbo vole Relahyɛle anvoka anwo na ɔdukuele nu ɔzunle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:13

Leeban dele ye awozoa ne nganeɛ la, ɔnriandile ɔrayiale ye, ɔyɛle ye atuu, ɔvole ɔ nvoka anwo, na ɔ nee ye rale sua nu. Gyekɔbo hanle edwɛkɛ biala hilele Leeban,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:4

Na Yisɔ nriandile rayiale ye, yɛle ye atuu, ɔbɛkale ɔ kɔme na ɔvole ɔ nvoka anwo, na bɛ mu nwiɔ bɛzunle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 42:6

Mekɛ ne anu ɛnee Dwosefi a le amɛnlado mɔɔ nea Yigyibiti azɛlɛ ne kɔsɔɔti azo a. Ɔdaye a ɔtɔne abɛlɛ ɔmaa bɛdabɛ mɔɔ bɛwɔ maanle ne anu la amuala a. Na Dwosefi amediema ne mɔ rabɔle bɛ ti aze manle ye, bɛbutubutule bɛ nyunlu aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:28

Bɛbuale kɛ, “Wɔ sonvolɛ ne, mɔɔ le yɛ ze, te kpɔkɛ; ɔtɛte ngoane nu.” Na bɛbɔle bɛ ti aze na bɛbutubutule ɔ nyunlu ɛkɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 45:15

Na Dwosefi vole ɔ mediema ne mɔ anvoka anwo, na ɔzunle ɔguale bɛ nwo zo. Ɛhye anzi, akee ɔ mediema ne mɔ nee ye dendɛle.

2 Sam 1:2

Ye kenle nsa ne azo, nrenya bie vi Sɔɔlo konle azokoɛleɛ ne rale. Ɔkile ye nyane mɔɔ ɔlɛdi la, ɛnee yesuosua ye tɛladeɛ ne mɔɔ ɔwula la anu na yeva ndɛtɛlɛ yeyɛ ɔ ti zo. Ɔradwule Devidi anyunlu la, ɔdule ɔdɔle ɔ gyakɛ anu ɔbizale ye ahye.

2 Sam 1:26

“Mesu wɔ, me diema Dwɔnatan; ɛsonle bolɛ ɛmaa me somaa! Ɛhulole me ɛmanle ɔyɛle nwanwane, ɔdɛlale mraalɛ ɛhulolɛ bɔbɔ.

2 Sam 14:4

Mɔɔ Tɛkowa raalɛ ne hɔle belemgbunli ne ɛkɛ ne la, ɔdule ɔdɔle ɔ gyakɛ anu enililɛ nu na ɔhanle kɛ, “Nana, mesɛlɛ wɔ, boa me.”

2 Sam 19:39

Na menli ne kɔsɔɔti pɛle Dwɔdan ne, belemgbunli ne ɔdaye ɔpɛle. Belemgbunli vole Bazeleeyae anvoka anwo na ɔyileyilale ye kosoɛ kosoɛ. Na Bazeleeyae ziale hɔle sua nu.

2 Sam 9:6

Mɔɔ Dwɔnatan ara Mɛfebɔhyɛte, Sɔɔlo anlɔnra ne rale la, ɔvale enililɛ ɔbɔle ɔ ti aze ɔbizale Devidi ahye. Devidi vɛlɛle ye, “Mɛfebɔhyɛte.” Na ɔliele zolɛ, “Wɔ sonvolɛ a le me.”

1 Arl 1:16

Batehyɛba hotole bizale belemgbunli ne ahye. Na belemgbunli ne bizale ye kɛ, “Duzu a ɛkpondɛ a?”

1 Arl 1:23

Bɛhanle bɛhilele belemgbunli ne kɛ Neetan ɛra. Neetan rabutule belemgbunli ne anyunlu bizale ye ahye

1 Arl 1:31

Na Batehyɛba hotole nidi nu wɔ belemgbunli ne anyunlu na ɔhanle kɛ, “Nyamenle ɛmaa me menle, Belemgbunli Devidi ɛdɛnla ngoane nu dahuu.”

Ɛzoanvolɛma Gyima ne 20:37

Mɔɔ bɛlɛfua ye, bɛlɛfo ɔ nvoka anwo bɛayɛ ye tia boɛ la, ɛnee biala ɛlɛsu.

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 18:3

Dwɔnatan nee Devidi yɛle agɔnwolɛyɛlɛ ngyekyeleɛ, ɔluakɛ ɛnee ɔkulo Devidi kɛ ɔdaye ɔ nwo la.

1 Sam 20:40

Na Dwɔnatan vale ye ninyɛne ne mɔ manle kakula ne na ɔzele ye kɛ, “Fa kɔ sua zo.”

1 Sam 24:9

na ɔzele ye kɛ, “Duzu ati a ɛtie menli mɔɔ se wɔ kɛ ‘Devidi kpondɛ wɔ ahu wɔ’ la anloa ɛ?

1 Sam 25:23

Mɔɔ Abegeli nwunle Devidi la, ɔvi ye asoaso ne azo ɔdwule aze ndɛndɛ, ɔhɔbutule Devidi anyunlu ɛkɛ na ɔbɔle ɔ ti aze ɔmanle ye.